هل الحب قبل الخطوبة ضرورى للزواج السعيد ؟

النصائح والارشادات

ان الشاب يحب ويحترم الفتاة المتزنة الرزينة ويتهرب من الفتاة التى تلاحقه فى كل مكان وهو لن يفكر فى أن يتزوجها مهما تكن ظروفها . ولذلك تجنبى أيتها الفتاة العزيزة ما يلى:

(أ) لا تظهرى لصديقك أو خطيبك انك كنت دائمة التفكير فيه طوال الفترة التى مرت بين لقائكما .

(ب) لا تحدثيه فى التليفون فى مكتبه أو بيته وإذا حدد لك ساعة معينة يخاطبك فيها بالتليفون فى تردى عليه عند أول دقة تليفون . بل تمهلى وانتظرى الى ان توشك الدقات على الانقطاع وعند ذلك حدثيه ولكن فى ايجاز .

(ج) لا تكثرى من امتداح ذوقه فى اختيار ملابسه أو حسن هندامه وأناقته وتحاشى أن تبدى له اعجابك بشعره مثلاً أو بعينه أو بمنظاره فان الشاب ينفر من ذلك .

(د) اذا كنتما فى حفلة فلا تجعليه يستأثر بك طول الوقت . بل تحدثى مع معارفك حتى لا يفطن الموجودين الى انك شديدة التعلق به . واعلمى أن اقتصادك فى اظهار شعور الحب والاعجاب به يزيد من تعلقه بك واحترامه لك وتضاعف سعيه فى الحصول عليه فتحققين بذلك غرضك الخفي المنشود .

- لا تجعلى حديثك معه مقتصراً على عواطفك نحوه ولا تكثرى من سؤاله عن رأيه فيك . فان هذه الحاجة ينفر منها الشاب بل تحدثى اليه فى شتى الموضوعات ولا سيما ما يمس منها الشؤون العامة ولا تستأثرى وحدك بالحديث ظنا بأن ذلك يزيد من اعجابك به . ولا تحاولى أن تحمليه على العدول عن آرائه إذا كانت تخاف آراءك لأن محاولتك اقناعه استناداً الى الواقع أو الى الحجج المنطقبة لا تزيده ألا تمسكا بموقفه .

وفى فترة الخطوبة يتكرر اللقاء وتتعدد الزيارات ويزداد الاعجاب بمرور الأيام وتكتمل السعادة إذا وصل الحب الى درجة تجعل كل طرف يرى فى شريكه المثل الأعلى وخطورة هذه الفترة انها غالباً ما تكون فى سن المراهقة وحيث أنه فى هذه السن لا يكون الادراك الاجتماعي قد اكتمل عند الطرفين فانه يخشى أن تنطلق الغرائز دون قيد أو مراحل للوقوع فى أخطار جسيمة خاصة فى غيبة الأهل والأقارب .

- والحب ليس مالاً وهدايا .

- ان الفتى الذى يغرقك بالهدايا هو دون شك شاباً لطيف مجامل . ولكن ليس معنى تقديمة الهدايا اليك بوفرة انه يحبك وكذلك الشاب الذى لا يقدم الهدايا أو يقدم منها القليل جدا ليس معنى هذا انه لا يحبك الهدايا المادية ليست دليلاً على الحب ولكنها دليل فقط على المجاملة

انت معانا ولا مع الناس التانيين يا استاذ وائل

هههههههههههههه

انا مع الشوف واللهفة فى الحب وبين المخطوبين

تسلم ايديك يا استاذ وائل
ع الموضوع الجميل

تسلمى يا نورين على المرور الاجمل

نو كمنت يا استاذ وائل يناسب موضوع حضرتك الجميل

بس ايه الديمقراطيه دى كلها

انا معاك ان الحب لابد وضرورى تواجده قبل مرحله الخطوبه
وهذا الحب بالتاكيد سيزيد بعد الارتباط بينهم
لكن لابد من وجوده قبلها

للاسف مش فى كل الاوقات يا استاذ خالد اعرف قصص كتير فاشلة بسبب الحب الزائد والدلال والتعاطف بأسم الحب فى امور لا يسمح ليها
واعرف قصص ايضا تم الارتباط على غير الحب وبسم الله كشاء الله سواء خطوبة اة زواج من انجح القصص

ونورتى الموضوع طبعا يا شمس
واكيد كل واحد لية وجهة نظر وتحترم وجهات النظر مهما اختلفت

موضوع جامد جداااااااااااااا تسلم ايدك ياعم وائل

الموضوع يا جماعة عاوز نقاش مش عاوز
شكرا على الموضوع أو الموضوع جميل أو تسلم
دة موضوع نقاش عاوزين نطلع بحل منة

الحب قبل الخطوبه مش دايما كويس
لان مش كل قصص الحب هتنتهى بالجواز
وفى الاخر احنا بتخسر مشاعر ولما نجى نتخطب بنبقى دايما فينا شىء من الماضى
وممكن حنينا الى الماضى دا يخلينا منقدرش نعيش فتره الخطوبه بكل معانيها الجميله
انا من راى الافضل ان الحب يجى فتره الخطوبه طالما فى ارتياح مابين الطرفين

كلام جميل جدا منك يا نانا

انا من راى الحب مطلوب

بس يكون حب مبنى على شروط

والله يا هندسة مش فى كل الاوقات

يا استاذ وائل

لاتنظر فقط الى مجتمعنا الريفى

فى المدن كل الجوازات مبنيه على الحب

اكيد طبعا ياهندسة

نسبه اهل المدن الى اهل القرى كبيره

اذا معظم الجوازات فى مصر مبنيه على الحب

طبعا
حب ومقبلات ومواعيد ههههههههههههه

شروط ايه دى يامحمد اللى فى الحب
اعتقد ان اللى بيحب مبيبصش للشروط دى خالص
لانه لو فى شروط ميبقاش حب
الحب لازم يكون فيه حريه بس طبعا حريه فى حدود الادب والاحترام يعنى ميبقاش ضد العادات والتقاليد
بس مش اقول ان دا فى نفس مستواى المادى يبقى احبه دا اعلى او اقل منى ماديا يبقى لاء محبوش

تمام يا نانا

احنا عاوزين نعرف رايك يا استاذ وائل

انا رئ فى كل حالة ليها فائدة وضارة

يعنى قبل الخطوبة
الفائدة منها هى / ان الاتنين بيفهمو بعض اوى وبيحسو ببعض وبتكون مرحلة اجمل مرحلة فى العمر بتكون احلى من مرحلة الزواج نفسها
اما الضرر او بمعنى ادق ما ينتج عنها بعض الزواج هو / أن الواحد او الواحدة معتش فى بنهم شوق ولهفة لان طول الوقت مع بعض وكل يوم فى وش بعض مع اختلاف الاشخاص طبعا من واحد إلى الاخر

اما بعد الزواج
اكيد الحب بيكون جميل لانه بيكون فى البداية واللى بيكون فى البداية بيكون قزى جدا وتخيلو لما يكون الحب في ايام الزواج بيكون الزاى

واما فى بعض الاشخاص بيكون الحب عندة قبل الزواج ضرورى يقولك على نفهم بعض اولا التفاهم مش محتاج وقت التفاهم بيكون من اول كلمة ونظرة لانه بيكون براحة نفسية واللى يرتاح لحد نفسياً بيكون سعيد معه ويحاول يسعده على قد كا يقدر
دة رئى المتواضع واللى يعنى تقريبا بعتقد ان هو موجود

بس مش كل قصص الحب بتنهى بالجواز
يعنى احسن حاجه انى اتجوز جواز صالونات
عشان كدا احسن حاجه الانسان يوفر مشاعره

انا قولت ليكى جميع ما قبل وبعد يعنى الواقع اللى موجود
كل حاجة ليها فوائد وليها وقتها

السلام عليكم
ياخونا لازم تعرفوا شيء ان الحب قبل الزواج - لا اقول الخطوبة - البوح به غير مشروع اي حرام
واعلموا ان من تعجل شيئا قبل أوانه عوقب بحرمانه
والشواهد كثيرة على ذلك وانا كان لي صديق يحب زميلة له في الجامعة وكانت قصة حب مأساويه المهم انتهت بالزواج والان ........................
يعيش معها في ضنك

» موضوع اسلامى عن الصلاة ..ضرورى
» ايام الخطوبة
» تشارليز ثيرون لا ترى أي سبب للزواج
» لماذا يفسخ الرجل الخطوبة!
» كلمات عن الحب و الخيانة ( تفتكروا الحب مرتبط بالشكل ده بالخيانة )