مشكلة الزبالة فى الهياتم

الزباله فعلا مشكله المشاكل بالقريه
وانا بشكر الاستاذ تيجر
على انه فتح الموضوع ده
لان الاهمال فيه زاد عن حده بكتير
ولازم وقفه قويه ضده

الزبالة فعلا مشكلة زبالة المسئول عن جمع القمامة مبنشوفش خلقته وان تكرم سيادته وحن علينا فى يوم من الايام وطبعا بيحسسنا ان سيدنا
واحنا عبيده يدوب يمر من الشارع بلمح البصر بصفارته وكانه يطلقها معلنا نهاية المباراة الزبالية وفوز المدير الفنى باحسن زبال

على فكرة انا ممتنع عن دفع فلوس الزبالة لان الزبال مش بياخد الزبالة


والمشكلة التانية ان الاهالى بيجروا ورا الجرارات عشان ياخد منهم الزبالة شخص واقف فوق الجرار

المهم والاهم ان اصحاب الاعمال وذوى رؤوس الاموال اكتفوا بمص دمائنا وتنفيض جيوبنا لتكويم تلال من الفلوس
غير مقتنعين بالكثير منه مريدين الاكثر
وليه تاخد جنيه لما ممكن تاخد اتنين
وحسبنا الله ونعم الوكيل

المشاكل كتير اوى ومحتاجه ناس رجاله بجد يحلوها وواضح ان كل المسؤلين فى الهياتم مش قد المسؤليه وده بصراحه مجرد رأى واللى عنده حاجه يقولها ومينكسفش لان معدش فيه وقت حد يخبى اللى جواه لأن وبصراحه وللأسف المركب بتغرق ومحدش لابس مايوه

هههههههههههههههههههههههههههههه...........لسه مشاكلكم فى الزباله .........لا عجب فانتم شعب تتباهون فى الحضاره وبداخلكم الكثير من القصور وللأسف مع مشاكلكم البسيطه هذه لا يسعنى الا ان اقول ليكون الله مع المسلمين العرب منكم بحق

واحنا معاك بقلوبنا ياتيجر وبايدينا ان شاء الله وسيبك من الجزائريين رغم ان فيه شئ صح فى كلامه
احنا بقينا بعيد أوى عن الدول التانيه وطبعا مقصدش الجزائر لأنهم مهما عملوا بربر ومتخلفين

البربر كتب:

هههههههههههههههههههههههههههههه...........لسه مشاكلكم فى الزباله .........لا عجب فانتم شعب تتباهون فى الحضاره وبداخلكم الكثير من القصور وللأسف مع مشاكلكم البسيطه هذه لا يسعنى الا ان اقول ليكون الله مع المسلمين العرب منكم بحق

وانت ايها البربر بم تتباهى هل عندك ما تتباهى به فالعرب الذين الله فى عونهم منا لم يلجأون الينا فى المصائب
لم يلقون على اعتاقنا باحمالهم القذرة هل كنا اولياء امورهم ام هم اولادنا ونسيناهم

ان المشكلة ليست ان القمامة متجمعة تلالا فى الشوارع انها مشكلة توقيتات وانضباطات لابد منها
اذا كنت من الاخوة الاشقاء العرب فلابد ان تعلم ان مصر هى ام العرب جميعا بل وافريقيا كافة
ولنتعامل على هذا الاساس وان كنا لانعيب اى عربى او افريقى فلابد لهم ان يبادلوننا هذا الاحترام

ياريت يكون فيه تغيير بس مش متوقع ده

ليه بس كده يا ابو ندا
الهياتم تمتلك كوادر قادره على التغيير
ان شاء الله

المهم ان تلاقى ناس بتفهم تقف معاك بجد هيبقى للبلد طعم تانى

ياجماعة لازم نشوف حل ابسط حل ان حد تانى يبقى مسئول عن القمامة

لازم نلاقى حل ياجماعه

انا سمعت ان المجلس المحلى
وصلت له شكازى كتير من الاهالى

واكيد هايتخذ قرار حازم فى الموضوع ده

مشكور ابو حبيبة فعلا العيب فينا مش فى بتوع الزبالة انا واحد من الناس خليت الشارع اللى انا فيه كله ميدفعش الاشتراك الشهرى والدور على باقى الناس

هانت يا جماعه
وان شاء الله القادم افضل

ياريت يا كسبر اكيد لازم يكون فيه تغيير

بس برده انا ضد الناس الى مش بتدفع للزباله
مع احترامى لهم جميعا

بس ده حق مشروع لاصحاب المشروع
طالما بيوقع عليهم غرامات مخالفات

انا معاك بس ادفع ليه على حاجة مش بستفيد منها
بمعنى ان مفيش حد بياخد الزبالة يبقى ادفع تمنها ليه

بس كده يا اسطوره دى مخالفه للقانون
زى ما الحكومه بتوقع غرانات عليه علشان القانون
انت ايضا ملتزم بدفع الفلوس تطبيقا للقانون

وطبقا للقانون هو ملتزم بجمع القمامة وبيحصل على كده الاشتراك الشهرى

هو مبيجمعهاش من عندنا ومتغيب من المنطقة يبقى ياخد فلوس ليه ............

فعلا دى مشكلة كبيرة جدا جدا جدا لا الناس ساعة الدفع بيبقى الناس لا يرضون وفى نس بتدفع وناس لا وده مش متساوى