الهياتم معاك...مش نسياك

اولا فى البداية اشكركم جميعا على هذا الاهتمام الرائع
و لكن احب ان انوه عن شىء بسيط نحن لسنا مغتربين هذا التعبير يطلق على اى شخص ولد فى بلد ليست بلدة و عاش فيها
و لكن نحن نعمل فى بلد شقيق كل منا ياخذ اجازة سنوية او كل سنتين مثل الكويت او كل 6 اشهر مثلى
اشكركم جميعا و كل عام و انتم بخير و يارب النصر لمصر
يا مصطفى علق علم مصر على البيت

حقيقى موضوع رائع ننتظر منك المزيد ان شاء الله

اولا بصراحه موضوع جميل واحب احييكم على الفكره الجميله دى والحمدلله بالنسبه لينا المغتربين فى السعوديه وخصوصا الدمام كلنا بخير الحمدلله وزى مامعظم اهل البلد عارفين احنا هنا حوالى 250شخص او اكتر من الهياتم الحمدلله كلنا بنحب بعض وبنقف مع بعض فى الشده وخصوصا الشباب الصغير اما الناس الكبيره فى السن فبجد مش تمام ومش بيساعدو حد الحمدلله احنا هنا بنستقبل اى شخص جديد وبنقوم معاه بالواجب المفروض علينا بندور له على شغل وسكن ومش بنسيبه غير لما بنطمن عليه وبنود بعض كلنا يعنى انا بكتب لكم حاليا والحمدلله اليوم الجمعه وعندى فى السكن اكثر من عشرين شخص بيزورونا اضافه لان فى ناس تانيه قبلهم كانو موجودين وغيرهم بيجي وهكذا واحنا بنرد الزيارات وصدقونى مفيش فرق بينا اللى بيقدر يقدم حاجه بيقدمها وهو راضي مش بمكر او خداع الحمدلله شباب الهياتم بجد شباب محترم ويشرف البلد فى اى مكان وشايفين شغلهم وباعتراف الجميع احسن شباب من الهياتم هنا فى الدمام تمشي فى الشارع كانك ماشي على البحر بتاع بلدنا او فى السوق القديم او الجديد او عند النادى مفيش شارع تمر منه الا وتتقابل مع شخص من الهياتم والجميع هنا بيحسدنا على اننا بنود بعض وبنقف مع بعض كل المصريين اللى من بلاد تانيه بيغيروا مننا وبيقولوا بالرغم من ناس الهياتم معظمهم شباب صغير الا انهم رجاله بجد وطمنونا انتم عن اخبار الهياتم ولو انى ليا عتاب خفيف على الاداره ممكن استفسر انا ردودى بتروح فين كذا موضوع رديت عليه ومش بلاقي ردى تانى يوم وبلاقي ردود الاشخاص التانين اللى قبلى ياريت افهم يمكن العيب من عندى انا بستفسر لانى حريص على التواصل معكم ودمتم جميعا بصحه وعافيه اخوكم وليد السعوديه الدمام الثقبه

تحية خاصة من الاستاذ عبداللطيف الشبراوى
الى كل شباب الهياتم العاملين بالكويت