الام مدرسه

أخوانى فى المنتدى أنا محضر موضوع عن الام وعن عيد الام ولكن لن أكتب هذا الموضوع الا بعد ما كل واحد يجاوب على هذا السؤال وبكل صراحه لو سمحتوا وبعد كل واحد ما يجاوب ويقول اللى عنده سوف أكتب الموضوع وأنا فى انتظار جوابكم على السؤال

ممكن أعرف أنت أو انتى جابتوا ايه تقدموه هديه للام فى عدها (( عيد الام))
ممكن بكل صراحه أعرف ايه الهديه وليه


جاوب وبسرعه مستنى ايه فين الرد انا مستى يالله جوبوا

انا اديت لها فلوس وهيا تجيب الي هيا عوزاه

ماشى ياستاذ أحمد تسلم ويارب يخليها لك وتفرح بيك
انتظر الموضوع عن قريب

أنا بصراحه مجبتش ومش هجيب
لأن لو هجيب هديه يبقى هجيب كل يوم
وبصراحه موضوع عيد الام يوم 21 مارس
انا شايف انه بدعه
زى مولد النبى

وده مجرد رأى

استاذ وليد تسلم وشكرآ على المرور
أنا مش هقدر أقول حاجه تانى لانك كده عايز تحرق الموضوع اللى هكتبه

احنا ملناش اعياد
غير عيد الفطر وعيد الاضحى المبارك
لكن بقيه الاعياد الكتير اللى طول السنه دى مبحبهاش
لكن بالنسبه لامى انا مش لازم انى اجيبلها هديه فى اليوم ده بس
لو فى نيتى اجيبلها اجيبلها فى اى وقت واى يوم
ومهما جبتلها عمرى ما هقدر اوفى واديها حقها فى اللى ادتهولى
وبما انى بنت كل اللى اقدر اديه لامى
انى اساعدها وافضل تحت اديها وانفزلها اللى هى عيزاه وادعيلها ان ربنا يديها لصحه ويخليها ليا

بجد ان مش عارف أقولك ايه أكتر من اللى انتى قلتيه دى
تسلمى على المرور وربنا يخلى لكى الحاجه ويكرمها ويطول لكم فى عمرها

شكرآ على المرور الجميل

ياأستاذ زكريا ما أقصدش
بس فعلا الأم تستاهل عيد كل يوم
وموضوع اليوم الواحد ده مش كويس
فيه ناس اقتنعت ان حب الالم وطاعتها فى اليوم ده بس
وده قصدى انما موضوعك لازم ينزل ونناقشك فيه برضه

طبعآ ياعمده كلامك وكلام الاستاذ وليد صح
وان شاء الله تنزل بكل سلامه وتطمن على الوالده وتوصل بالسلامه
واطال الله لك فى عمرها
شكرآ على المرور الجميل

أستاذ وليد كتب

ياأستاذ زكريا ما أقصدش
بس فعلا الأم تستاهل عيد كل يوم
وموضوع اليوم الواحد ده مش كويس
فيه ناس اقتنعت ان حب الالم وطاعتها فى اليوم ده بس
وده قصدى انما موضوعك لازم ينزل ونناقشك فيه برضه

أستاذ وليد فعلآ الام تستاهل كل يوم أحتفال
وأن شاء الله سوف أكتب الموضوع بس حبيت الاول أعرف رد كل عضو هيكون ايه قبل
ما أكتب الموضوع وفى الوقت المناسب هنزل الموضوع واكيد هنتناقش فيه
وجزاك الله خيرآ على التعليق الرائع

ؤبنا يبارك فى يا زيكو وىكيد هروح بردة عندكم فى البيت اطمن الحاجة عليك

تسلم ياعمده كلك واجب وياريت تقول لها زكريا بسلم عليكى وبيبوس أيدك يأم أجمل الام
وخليها تدعيلى أكتر وتدعى لكل مسلم وكل انسان متغرب يرجع الى اهله بالسلامه
انتم عارفين ان دعوة الام مستجابه

ان شاء الله يا بونجلاء

ان شاء الله يا بونجلاء

بسم الله الرحمن الرحيم

انا طبعا معاكم ان عيد الام دا بدعه
وانا الام لو هنكافئها يبقى هنكافئها كل ثانيه وكل لحظه فى حياتنا

بس فيها ايه لو جبنالها هديه
لما كل الناس تجتمع فى يوم واحد

ونحتفل بيها فى يوم

اما بالنسبه للهديه فانا بصراحه لسه مجبتش لحد دلوقتى هدايا