هروب مدارس القريه من استضافه مشروع فصول التقويه يكشف الفساد الادارى الكبير فيها

يا بشمهندس محمد
هل تاكدت فعلا من ذلك
ولا كلام وخلاص

أنا عايز أعرف حاجه يعنى أيه مدرسه من غير عامل وأزاى العامل مش موجود فى المدرسه وبيأخد راتب على أى أساس يعنى كده الواحد سهل بقى يسرق المدرسه الكل طبعاً فاكر لما الدرسه الوحده أتسرقت منها أجهزة الكمبيوتر دا بقى أكيد علشان مفيش حارس فى المدرسه بالليل ويقعد فيها ليه أذا كان من البلد أنا أروح المدرسه أحسن الصبح شويه كده فى وجود المدرسين وأروح بالليل أعد مع العيال وأمهم أحسن مش دا الكلام اللى بيقوله حارس المدرسه ولا أنا غلطان

وبعدين المدرسين ليه مش بيحضروا المفروض أن المدرسين لهم حضور فى الصيف أنا فاكر أن كان فى حاجه أسمها النادى الصيفى بيتعمل فى كل مدرسه فى الصيف أيه اتلغى كمان ولا ايه

وبالنسبه للمدرسين ليه كل همهم على الدروس الخصوصيه يا مدرسين فين الرساله اللى كل واحد فيكم المفروض يقدمها من أجل تعليم جيل جديد دى كده بقت تجاره مش مهنه الكل عارف ان المدرسين بيبدواء فى الدروس من شهر 8 علشان الحصول على الغله بسرعه والله أنا فاكر وبدون ذكر أسماء لعدم التخريح أن مدرس لى فى الاعدادى شفت منه الويل فى الماده علشان انى مش باخد عنده درس خصوصى وعلى فكره أنا تم رسوبى فى الماده دى فى نصف العام بسب اتهاضه لى وفى الاخر كلمته بصراحه قلت له انا مش باخد دروس لان ابويا دخله على قد حاله والله شفت المر منه وهى دى الرساله بتاع المدرسين

أما موضوع فصول التقويه الله تعليقى فى كلمه مختصره

والنبى نقراء الفاتحه على الضمير وعلى الرساله العلميه

طيب وهما اعطو الموافقه بناءا على ايه
ومش المفروض قبل ما نمشى فى حاجه زى دى
يكون متخطط ليها كويس ويكون فيه تنسيق مع المدرسين
او الطلبه الذين سيقومون بعملية التدريس

هى حاجه كويسه جدااااااا بس كان لازما يكون مترتب لها اكتر من كده
علشان الفكره يتم تنفيذها على الوجه الصحيح والاكمل
مش نحصل على الموافقه ولا تنفذ الفكره

الرجاء التانى يا شباب ثورة الهياتم فى اى قرار تاخدوه
يجب دراسه اى فكره من جميع النواحى قبل اتخاذ اى اجراء رسمى لها
وشكراااااااااااااااااااااااااااااااااااااااا

كلامك تمام يا ادريانو

يا اخى اذا لم يتعاونوا معك واتخذت كافة الاجراءات القانونية صعد الموضوع للجهات المعنية للبت فى الامر حتى تكون اعذرت لله تعالى فإن لم يستجب احد فشهر بهم على الصفحات ووضح الموضوع حتى لا تخرج انت فى النهاية مخطئ وهم ملائكة

يا باشمهندس اعمل اللى عليك واذا لم يتحقق المراد فسلم امرك لله تعالى لان الناس زعلانة من كلامنا وبتقول اننا بنتحامل على الناس وبنفترى عليهم وبنتهمهم بالباطل -حسبنا الله ونعم الوكيل فى كل من يعطل شئ يعود نفعه على ابناء القرية باكملها ايا كان منصبه ومكانه