عايزها ست ست تملئ عينى

تريدها جميلة.....ذكية....رشيقة.....متدينة.....على خلق...من عائلة محترمة....بنت ناس طيبين....
ولكن لم ارى من قبل من يطلب الزوجة المثقفةالا قليل ولم اعممم

اذا قابل الرجل امراه بهذه الصفات
يكتفى فقط بكونها صديقة او شخص يتباهى بمعرفته ولكن عندما يقترب الموضوع من الزواج

يفر الرجل من الزواج من المراه المثقفة

هى انت تحب زوجتك تكون ايه
مثقفة ولا جميلة..............؟؟

انت عاوز زوجتك تكون ايه .........؟؟

انها تكون الزوجة
جميلة....من عيلة طيبة .....مؤدبه يعنى ست ست

اوك متفقين

انا انثى...

جميلة مؤدبة من عيلة كويسة متدينة اهتم بنفسى اعرف واجباتى
يعنى انا زى مانت عاوز

انت بقى......ايه؟
انت رجل؟؟؟؟؟؟؟؟؟

زى مانت بتطلب انثى؟
؟من حقى الاقىراجل

مش شرط ابدا الانثى تكون حاجة من الاتنين
ياما مثقفة يا ما جميلة..............؟؟وممكن تكون جميله بس

ممكن اوى الصفتين يجتمعو فى انثى واحدة
ممكن تكون مثقفة وفى نفس الوقت جميلة

ولكن

اذا كانت الزوجة مثقفة وتتعامل معاك من منطلق مستوى ثقافتها
انت هتعاملها ازاى
هتستقبل ارائها دى ازاى
هل هتحترم رايها
ولو رايها هو اللى صح يبقى رايها يمشى
ولا انت راجل وهى ست ولازم فى الاخر كلامك هو اللى يتنفذ؟؟؟؟

بيقولوا

الرجل الغربى بيقول لزوجتة بحبك كل ساعة مرة او مرتين

اما الرجل الشرقى بيقولها بحبك مرتين اتنين طول عمرها
مرة قبل الجواز ومرة بعد الجواز ويقعد يذلها ويقولها افتكرى لما قلت لك بحبك يوم كذا كذا فى الشهر اللى فات

الرجل الغربى لما بيسوق العربية بيمشى بالراحة عشان ما يزعجكش زوجتة اصيل والله ..........

اما الرجل الشرقى بيمشى بسرعة وبيبقى نفسة يلبس بالعربية فى سور عشان يخلص منها

الرجل الغربى لما بيزعل زوجتة بيروح يشتريلها ورد ويلاطفها ويداعبها

اما الرجل الشرقى يروح واخدها وش خشب ويقولها انتى ايه غاوية نكد وغاوية غم ايه العيشة اللى تقصف العمر دى

الرجل الغربى لما بيرجع يلاقى زوجتة بتنضف البيت ومخلصتش بيساعدها ويبوس راسها ويقولها تعبتى معانا النهاردة

الرجل الشرقى يرجع يلاقيها مخلصتش يروح يقولها اتنى لسة مخلصتيش لحد دلوقتى
انا نازل لحد ما تخلصى ايه الارف ده

بس انا بقى معترضة على حاجةصغنونه

اى نعم اغلب الكلام الموجود ده بيحصل بس مش معنى كدة ان 100% من الرجالة الشرقيين كدة
مين رسم صورة الرجل الشرقى الوحشة دى
مين قال ان الرجالة الشرقيين كلهم كدة
وكلهم مش بيدو بس بياخدو

فى اى مكان فى الدنيا فى الكويس وفى الوحش
يعنى فى الغرب برضو فى الرجالة اللى مش بتعرف تتعامل مع زوجاتهم صح
واكبر دليل على كدة ان نسبة الطلاق فى الغرب تقريبا تصل الى50%
نسبة كبيرة جدا

اما عندنا بيستحملوا بعض جدا والله لهم الجنه

الراجل بقا لو حط الحديث الشريف اللى قالة الرسول (ص) فى دماغة وهو بيختار زوجتة وشريكة حياتة
اكيد عمرة ما هيندم على اختيارة ابدا

قال الرسول (ص)
تنكح المرأة لاربع لمالها وجمالها وحسبها ودينها
فاظفر بذات الدين تربت يداك
صدق رسول الله

طولت اوى ورخمت وانا عارفه مفيش وقت نقرا الرغى ده كله

لكن هنقعد تتامر وتتشرط على ايه
ما قبل ما تتشرط وتطلب شوف انت الاول فيك كل الصفات وكل الشروط اللى بتتمناها الانثى
يعنى من الاخر

بص لنفسك وبعدين ابقى اتكلم............؟؟عن الانثى

اخر كلمة بقى لانى غلست وطولت اوى اوى

انا مش بهاجم الرجالة ولا بدافع عنهم

انا بس بقول كلمة حق من وجهة نظرى

وعلى فكرة مفيش حد غلط علطول

ومفيش حد صح علطول

وتقبلو منى فائق تحياتى

وارجو ان اسمع مشاركتكو معايا فى الموضوع ده

بصى يانور أولا لكى جزيل الشكر عن الموضوع الجامد ده......................
ثانيا على طول زى ما أنا كاتبها مش زى ما انت كتباها(علطول).......................غلطه املائيه
ثالثا اذا كانت طريقة معاملة الرجل فى الغرب للنساء غير طريقة معاملة رجال الشرق لنسائهم فده ليه سبب مهم جدا ....نساء الغرب ليسوا كنساء الشرق
رابعا مافيش ست فى أوروبا بتفضل تشتغل فى البيت لحد ما زوجها يرجع من الشغل ........على العكس عندنا
خامسا النساء ليسوا ملائكه الله فى أرضه فهم ناقصات عقل ودين ........وده مش كلامى
سادسا الرجال المسلمين لهم فعلا الجنه لأنهم يصبرون على مخلوق خلق من ضلع أعوج
سابعا مافيش انسان كامل لا ست ولا راجل ..........................
ثامنا مافيش انسان بيشترط ويضع شروط فى اللى بيحبها لأن وقت ما يجى الحب مبيقدرش يتحكم ويبص ايه شروطه .......خلاص معدش عقله اللى بيحركه .....بقى القلب ....والقلب لا بيبص للثقافه ولا الجمال ...........
اخيرا قال الرسول قولين فى النساء .......هم أكثر أهل النار.....وقال(ص) استوصوا بالنساء خيرا.......صدق رسول الله(ص)

أسف لو الرد سخن شويه بس هى دى الحقيقه برضه من وجهة نظرى....................

انا عن نفسي لو احببت انسانه لا يهمني جمالها بالقدر المبالغ فيه اكتر ما يهمني فيها احترامها ليا وتقديرها ليا
وان تكون علي مستوي تفكيري حتي لا يحدث اي خلافات وتكون الحياه اكثر هدوءا واستقرارا حتي ولو
اختلفنا في الراي ورايها هو الصح لازم اخد بيه لان ما ينفعشي اكابر في الغلط
وتسلم ايدك يا نورهان علي الموضوع الرائع[ندعوك للتسجيل في المنتدى أو التعريف بنفسك لمعاينة هذه الصورة]

جميل الموضوع....
هى الفكره فى حاجه ان مفيش انسان كامل....لا راجل كامل ولا ست كا مله
اكيد الكمال لله وحده
وده مفيش فيه خلاف
اكيد الرجل يحب ان تكون المراه مثقفه.....ده راى على الاقل....عشان تساعده فى الحياه
اكيد الواحد بيخب تكون الست تكون جميله و محترمه ومتدينه وفى الاخر مثقفه
لسبب وهو انت الثقافه بتكون من وجهه نظر الرجل حتسبب مشاكل ليه
وفى ده عنده حق لان المراه المثقفه لازم تقول رايها فى البيت...فى البدايه بتبقى عباره عن راى بعد كده بتتحول لفرض راى

وده طبيعه مجتمع كامل حتى لو وصلت لدرجه عاليه من الثقافه اكيد حتتاثر بالمحيط

والمقوله اللى بتقول المركب اللى ليها ريسين...................

وموضوع المقارنه بالمراه الغربيه ........لا يوجد وجه مقارنه مش لانهم من كوكب اخر

لان كل واحد عارف حدوده وده مع الرجل والست

اخر الكلام قول الرسول (ص) ("لو كنت آمراً أحدا أن يسجد لأحد لأمرت المرأة أن تسجد لزوجها"

فى واحده بتوصل للمرحله دى............؟