قدر علينا الزمن

قدر عليا الزمن ولاّ قدرت عليه
دفعت إنت التمن ولاّ اتقاسمنا فيه

سمعت صرخه آهاتى وقلبى فيه مكفيه
ونفسك تعرف حياتى من غيرك عامله إيه

عشت وحيد سارح سامع خطى يأسى
وأنا من إمبارح وأنا نفسي ألاقى نفسي

قابلت بحر الدموع ف عيوني
وليل وغيوم السما في ملامحي

حاولت أجفف بحوري وأخلي السما صافيه
وأسمع غنا خطوتك وأجمع طيور وافيه

توصل خيوط الأمل بشموعك الدافيه
وأمسح دموع البشر ببسمه من عنيك

كل حبوب المطر في حبى مش كافيه