الكهرباء فى قريه الهياتم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اصبح الشاغل الاكبر لابناء قريه الهياتم هى مشكله الكهرباء
وهى فعلا مشكله تستحق من الجميع الوقوف اليها
الكهرباء يتم قطعها لساعات طويله كل يوم
باسباب او بغير اسباب او بغرض تريح المحولات
ده كلام يا جماعه
الهياتم ليست بالقريه الصغيره التى يهملها المسئولين بهذه الطريقه
اين من يدافع عن حقوقنا
فمن هنا حوار مفتوح اتمنى من الجميع المشاركه فيه

عندك حق يا بشمهندس
انا زهقت من الكهرباء دى
فين نواب المجلس
فين المجلس المحلى بتاعنا

صعبانين عليا بجد
الكهرباء مش بتقطع عندنا خالص

هو علشان انت من مدينه خلاص
دى فعلا مشكله كبيره للقرى
نتمنى ان تحل
انت ما تعرفيش الكهرباء لما بتقطع
بتعمل مشاكل قد ايه

حاجه تقرف انا زهقت م البلد دى

ا نت عارفين اكتر حاجه بتخنقنى هنا لما اعوز اكلم البيت ويقولولى الكهربه مش موجوده

انا بصراحة عاوز اروح اكهرب الناس اللى شغالين فى الكهربا مش عشان الكهربا بتقطع عشان الكهربا عندى
ضعيفة جدا على الرغم من انى بديلها فيتامينات وباكلها كويس وبفسحها خميس وجمعة ومشغلها اللمبات الموفرة
ومريحها اخر راحة واللمبات مبتقيدشس من الساعة 4 العصر بتبتدى تقيد من بعد العشا فى الشتاء ومن الساعة 12 فى الصيف
قولولى اعمل معاهم ايه على الرغم من ان الكثافة السكانية تزايدت بشكل كبير الا انها نفس المحولات القديمة المتهالكة
التى لاتصلح ان تنير عمود انارة فى الطريق العام فهل عندهم اوامر بعدم تغييرها ام انه الكسل وحب التشرنق وعدم العمل
بالرغم من ان عداد الكهرباء يكلف اكثر من الف جنيه فى هذه الايام ...........
وهناك مشكلة اخرى وهى مشكلة القمامة متمثلة فى ان المسئول عن جمعها ياتى بصفارته ولا ينتظر يصفر وهو يمر من الشارع
وكانه عسكرى مرور اوخارج فى نزهة .......... والعربة المسئولة عن توصيل القمامة الى المقلب هى عبارة عن جرار زراعى
ينثر القمامة فى الطريق فلايصل الا بنصفها الى المقلب ...................

انا قبل كده سمعت ان فيه حاجه اسمها انتخابات مجلس المحلى ورئيس المجلس المحلى ووكيل المجلس المحلى
يعنى لو الواحد اشتكى للمحافظ ولا اشتكى للشرطه ولا اشتكى لاى حد على العيشه السودا الى الواحد عايش فيها يبقى قله ادب لان هيقولولك ان فيه ناس كبار ف البلد
احنا مش عارفين نعمل ايه بصراحه لا عارفين نذاكر ولا نتفرج على ماتشات ولا عارفين نعمل اى حاجه خالص مش كفايه الكبت الى بره كمان هنروح البيت م الكليه نلاقى كبت

وفى النهايه
حسبى الله ونعم الوكيل
ف كل حرامى سرق مليم من البلد واولهم السيد حساب مثلثات

انتو لازم تعملو وقفه
فى ناس مصالحها بتقف بسبب الكهربا
بجد ربنا يكون فى عونكو

بس محتاجين حد يقف معانا وبعدين النهاردة الجمعة المصالح الحكومية قافلة

المشكلة يا جماعه ان البلد مش ليها كبير . لا تقولي مجلس محلي ولا غير محلي ألا بالمناسبة " محلي " يعني عليه سكر ولا ايه .

حد يعرف يقولي مين اعضاء المجلس المحلي ولا مين اعضاء مركز الشباب للأسف لا هم اسامي تحترم ولا أصحاب فكر يحترم ولا لهم بصمة في أي شيء والكلام ده علي مسئوليتي الشخصية واتمني واحد فيهم يكون عنده الشجاعه الادبيه ويجي لنا هنا المنتدي ونتحاور باحترام فكر لفكر ومنطق لمنطق ونشوف مين اللي صح . يمكن هم يا جماعه صح واحنا مش شايفين اللي هم شايفينه . هم مش فاضين غير لحل المشاكل العائلية دا لو عرفوا يحلوها . لو قعدت مع حد فيهم هتسمع فلان طلق فلانه وترتان ماشي مع ترتانه وهلم جرا من دي حكم ومواعظ وتقطيع في هدوم الخلق.

اما تيجي تقولي بلد أقولك صلي ع النبي يا مؤمن بلد ايه بس اللي مش عارفه تتفق علي مكان سوق . اللي الكهربا فيها بتقطع في اليوم 25 ساعه . اللي الطلبة فيها مش عارفه تذاكر . يا ناس ارحمونا بقي حراااااااام بجد . نعمل لكم ايه عشان تحسوا بينا . اعتقد المفروض نولع في روحنا عشان حد يسمعنا ولا نضرب عن الاكل.

لا حول ولا قوة الا بالله العلي العظيم. ورحم الله زمن امير المؤمنين عمر حين قال لو ان دابه تعثرت في اليمن لسألني عنها ربي لما لم تمهد لها الطريق يا عمر. أين حكامنا من هذا كله . لله الأمر من قبل ومن بعد .

والله انا شخصيا زهقت من الكهربه كنا من فتره بنشتكى ونقول دا بتقطع خطوط والمحولات ضعيفه مش عارف ددلوقتى نعمل ايه لما الكهربه تتقطع فى البلد شبه يومى ولساعات طويله غير كده المحولا ت فعلا ضعيفه جدا على سيبل المثال محول فيشار المنطقه كبيره جدا مش بس كده دا عليه 3 ورش لحام وورشه نجاره وكفايه كده ياريت بجد نتحد ونشوف حل

فعلا احنا مفيش حد يدافع عن حقوققنا وعضو مجلس الشعب والشورىدم فين عازينا ننتخبهم وخلاص ومبيعملوش حاجة

» بالفديو والصور...لقاء محافظ الغربيه مع فريق الهياتم اليوم لبحث قضايا ومشاكل قريه الهياتم
» انقطاع الكهرباء فى الهياتم
» بالفديو ....جوله محافظ الغربيه داخل قريه الهياتم
» حمله تنظيف قريه الهياتم
» الحمله الثالثه لشباب قريه الهياتم