عايزه حل

موضوع: عايزه حل الثلاثاء أبريل 20, 2010 10:08 am

السلام عليكم ورحمه الله وبركاته
انا حبيت الفكره دى اووىى

وفعلا انا عندى مشكله ومفيش حد قادر يحلهالى
وبجد نفسى الاقيلها حل وياريت الشباب والبنوتات الحلوين يشوفولى حل

كل الحكايه انى بحب واحد وهو بيحبنى اكتر ما بحبه مليون مره
وبيخاف عليا جداا جداا
بس جات فى فتره حصلت مشاكل واهلى عرفو الموضوع وبعدونا عن بعض خااالص
بس احنا لسه بنحب بعض
انا باجى فى اوقات بحس انى بحبه
واوقات تانيه بحس لا
بس انا فعلا بحبه
بس عايزه ابعد عنه علشان اهلى
ومش عارفه اقوله ايه او ازاى
لان انا سه هيبقى عامل ازاى لو قلتله حاجه زى كده

بس يا جماعه دى كل الحكايه
ياريت لو حد يقولى على حل

موضوع: رد: عايزه حل الثلاثاء أبريل 20, 2010 2:58 pm

موضوع: رد: عايزه حل الأربعاء أبريل 21, 2010 10:03 am

الأخت العزيزة
ارجوا ان يتسع صدرك لتعليقي ولا تأخذيه علي محمل خاطئ.
أنا لست ضد الحب ولكن ضد اللهو باسم الحب. اعرف قول الحق تبارك وتعالي " وليس البر أن تأتوا البيوت من ظهورها ولكن البر من اتقي وأتوا البيوت من أبوابها وأتقوا الله" وبالتالي ان كان هذا الشخص جدير بحبك وجديرا بالاحترام فليأتي لأهلك من الباب وليثبت حبه لكي وإلا فلابد من قطع تلك العلاقه نهائيا.

وتصديقا لقول الامام علي " الإثم هو ما حاك في صدرك وخفت أن يطلع عليه الناس " فطالما كانت هناك علاقة مستترة خفتي من اطلاع اهلك عليها فهي اذن اثم ولابد من الابتعاد عن الآثام قدر المستطاع. ولابد من الابتعاد عن الزرائع وهي البدايات التي تقود الا الفتن. فمجرد الكلام مع شخص لايحل لك الكلام معه يعتبر زريعه الي فتن أخري.

مرة أخري أرجوا منكي عزيزتي تقبل ردي بصدر رحب ولتنظري الي مستقبلك ولتأكدي ايمانك بقول الله تعالي " ومن آيانه أن خلق لكم من أنفسكم أزوجا" فلتعلمي أن زوجك قد خلق من نفسك ولن تتزوجين غيره مهما حدث فلاداعي لترهقي بنفسك بالتفكير في الحب والصدمات وغيرها . وفققك الله لما فيه الخير والرشاد . وهدانا واياكي لما فيه خيرنا وخير هذا الأمه.

موضوع: رد: عايزه حل الخميس أبريل 22, 2010 5:37 pm

انا من وجهة نظرى ان حل المشكله دى
انك تعرفى الشخص دا بكل شىء
وتعرفيه ان اهلك رافضين الموضوع تماما
لانه ممكن يكونوا اهلك فى فكرهم وتصورهم
ان الانسان دا بيلعب ببنتهم وبيتسلى مش اكتر
ودا شىء من حق الاهل فعله لانهم بيخافوا على بنتهم
لكن بمجرد مصارحتك للشخص دا وعرفتيه الاسباب اللى هتخليكى تبعدى عنه
اكيد هو لو مش بيتسلى وبيلعب اكيد مليون الميه هيتحرك ويعمل اى شىء
واكيد هيكلم اهلك وهيعرفهم ان الموضوع مش مسالة تسليه ولعب
واكيد اهلك لما يلاحظوا كده منه وانه اخد خطوه جريئه واكد لهم حسن نيته
اكيد مش هيقفوا ضد مصلحة بنتهم

موضوع: رد: عايزه حل الخميس أبريل 22, 2010 6:48 pm

انا رايى انك تعرفيه وتقوليله
لانك ممكن تلاقى بدل الحبيب الف
انما الاب والام مش تلاقيهم
ومش يتعوضوا

موضوع: رد: عايزه حل الجمعة أبريل 23, 2010 6:15 pm

وهم كبير يعيشه الشباب اسمه الحب
طبعا من الواضح فى الكلام صغر السن
ولذلك فان الحل موجود دائما
بالابتعاد عن المعاصى
والاقتراب من الله

موضوع: رد: عايزه حل الجمعة أبريل 23, 2010 7:58 pm

انا شايف ان كل الردود يا جماعه بتكلم من ناحية الدين
لكن السؤال هل اللى كتبت الموضوع ده مش عارف الكلام اللى بتقولوه ده ؟
اكيد طبعا ميه فى الميه عارفاه

انا هقول رأى من ناحية تانيه خالص
فى البدايه انا معجبنيش ترددك فى انك مش عارفه انك بتحبيه ولا لا
لكن لو بتحبيه فعلا وبجد يبقى مش لازم تخسرى حبه وفى نفس الوقت مش ينفع تزعل اهلك منك
لازم تفهميه انكوا دلوقتى لازم تعملوا استوب لعلاقتكم بس مش معنى كده انكوا تنهوها خالص
لكن تفهميه انك لسه بتحبيه وكل حاجه بس هو لازم يبعد دلوقتى لحد ما يكون قادر انه يتقدم ليكى رسمى
وطبعا هيكون حبكوا مستمر طول الفتره دى لكن من بعيد لبعيد
وبالطريقه دى هتبقى ما خسرتيش حبيبك وما زعلتيش اهلك
يارب يكون كلامى كان فى حل شويه مع انى عارف انه مش هيعجب ناس كتير

موضوع: رد: عايزه حل الإثنين أبريل 26, 2010 10:45 am

انا رئيي من رأى كاشو
بصى يا جميل
انتى كلميه وفهميه الوضع
وحاولى متقوليلوش كلام يجرحه
حافظى على مشاعره
بس ياريت تحاولى تبعدى عنه شويه
علشان اهلك
وبعدين عايزه افهمك ان اهلك عملو كده علشان مصلحتك
هما خايفين عليكى وبيحبوكى اكتر من اى حد فى الدنيا دى
ومتصدقيهوش انه يقولك بحبك والكلام ده كله
صدقينى اكيد بيضحك عليكى
بس انتى حاولى تبعدى عنه علشان خاطر اهلك
وانتى اكيد لسه هتقابلى كتيير

ياريت اكون قدرت اوصل لحل

موضوع: رد: عايزه حل الأحد مايو 02, 2010 9:38 pm

بصى بقى انتى تعملى زى ما هقولك بالظبط

انتى تتعاملى معاه وكأنه وهم فى خيالك

او كأنه معجون اسنان سيجنال 2 بالتفاح والتفاح طلع اخضر

او انه فسل متبحطىء بالهزازيف المتحنعفة

وانتى هتلاقيه ولا كأنه يعرفك اساسا من اصله

موضوع: رد: عايزه حل الخميس يوليو 08, 2010 8:23 pm

أنا مع كاشو وضد كلام الاسطوره تماما

موضوع: رد: عايزه حل الخميس يوليو 29, 2010 10:44 pm

ينقل للارشيف

» عايزه حل
» انا عايزه اتجوز يا بابا