مشكلة المياه بالهياتم

بسم الله الرحمن الرحيم
السيد / رئيس المجلس الشعبي المحلي بالهياتم
تحية طيبة وبعــد،،
مقدمه لسيادتكم: إبراهيم إبراهيم الفيشاوي – الهياتم مركز المحلة الكبرى
تقدمنا لسيادتكم بمذكرة في تاريخ 13/10/2009 وعرضنا فيها بعض العقبات والتقصير الموجود في محطة المياه والشبكة العامة بالهياتم وحتى الآن لم يتم اتخاذ أي خطوة إيجابية من شركة المياه وأكتفى المسئولون في ردهم بأن المحطة مازالت في فترة الضمان فلا ندري إن كانت فترة الضمان أم نقاهة أم استخفاف بالعقول .
واستكمالاً لمسلسل الاستخفاف بالعقول من جانب شركة المياه إليك الآتي:
صدق أو لا تصدق:
سيدي الرئيس السادة أعضاء المجلس المحترمين :
قامت شركة المياه بتركيب خط مياه 4بوصة إلى عزبة السعيد التابعة لقرية الهياتم عن طريق أحد المقاولين وفي غفلة من الجميع ومع انعدام الضمير تم توريد وتركيب مواسير غير مطابقة للمواصفات ، مواسير لا يرضى أي مواطن استخدامها حتى في المجاري أو الصرف بأنواعه .
سيدي الرئيس السادة الأعضاء:
هل تعلم بأن معدل الأكسدة الناتج من تفاعل الكلور مع هذه العينة من المواسير حوالي 85% يعني ببساطة زيادة في أمراض الكبد والكلى والجهاز الهضمي .
هذا بخلاف الأعطال المتكررة وتعطيل عملية الرصف و......و.....
سيدي الرئيس السادة الأعضاء:
عايزين وقفة – عايزين صرخة مرفق عينة من المواسير المستخدمة ، وللحديث بقية

المشاكل فىى المية كتير جدا يارب حد من المكرشين يحاول يحلها ولو مجرد محاولة

مشاكل مياه الشرب
تخطت كل الحدود

يارب تتحل كل المشاكل دى

المشكلة الاولى تكمن فى وساخة الضمير وترسب الشوائب عليه وعدم نجاح كمية الكلور الكبيرة فى المية فى تنضيه

دى بقى لوحدها موال اذا ما جابولناش فشل كلوى وضعف جنسى هيجيبولنا الشلل لابد من الاعدام حتى ترتاح مصر

اهمال ورا اهمال
اكيد بيؤدى الى مجتمع مريض

ربنا يستر واسرائيل متستولاش على النيل كمان

ده اللى ناقص بقى

من الاخر الناس دي لو شيف حد بيهددهم بالعقوبه ما كنوش عملو كده

بس تسلم ايدك يا استاذ ابراهيم

هيا المية بتييجى صفرا ليه
عاوز اعرف المية الصفرا دى مصدرها ايه بالظبط

مفيش حل معاهم ولا ايه

ياعم الكل نايم ( الحوحو والشوشو )

ياجدعان هى البلد دى كل حاجة بايظة فيها كده ياريت لو حد لقى خبر كويس يفرحنا بيه عشان انا فعلا اتخنقت وناوى لما اتخرج اشتغل فى السودان