شوفوا اخرة الزمن البنت اللى بتروح تخطب

شوفوا ايه اللي هيحصل
.
.
.
.
.

يعنى تتفاجئ فى يوم وانت قاعد تقرا كتاب رومانسى وانواع الاحلام الوردية ,,
وسرحاان فى فارسة احلامك............
تلاقى مامتك داخلة عليك تقول لك:
يا ابنى عاوزة اكلمك فى موضوع..
ترد انت بكل خوف:خير يا ماما؟؟؟
تقول مامتك:
جارتنا ام محمد عاوزة تخطبك لبنتها,,,,,
وانت ماشاء الله عليك كبرت واحلويت,,ايه رايك؟
بعدها تروح انت منزل راسك فى الارض وتلعب باصبعك فى شعرك او(شنبك)
وترد وانت مكسووف وخدودك محمرة وتقول:
الراى رايك والشورة شورتك يا ماامى..
تقول مامتك:
انا بصراحة شايفة البنت كويسة ,,,
ما شاء الله عليها من البيت للجامع ومن الجامع للبيت..
ترد انت:
بس يا ماما هى ما شافتنيش..
مامتك:
لا شافتك وانت راجع من الشغل,,
وسالت عنك وقالولها انك ولد فى حالك ومؤدب ومالكش فى البطاال..
مامتك:
انا خلاص اتفقت معاهم انهم ييجوا الخميس عشان يشوفوك..
تسال انت:طيب بابا رايه ايه؟؟
ترد مامتك:ابوك ما يعرفش حاجة,خليه حايس فى المطبخ مع نفسه الله يعينه..
تقول انت: اللى تشوفيه يا ماما.
وتطلع مامتك من الغرفة
وتنط انت قدام المراية وتاخد نص لفة يمين ونص لفة شمال تشوف جسمك,وتمشط شعرك بدلع..
وتقوول:ااه اخيرا حست وخطبتنى........
يووم الخميس,,تروح انت لكوافير رجالى وتصبغ شعرك هاى لايت وتظبط نفسك..
وتيجى البيت وتلبس الطقم اللى فصلته عند عبده خشبة,اللى فيه سيور,,
وتحط عطر جمييل ,,وتطلع الصالة عشان تقابل العروسة.......
يقول لك ابوك:يللا دخل العصير لعروستك..
تقول انت:يابابا انا مكسوف طلعه انت..
ابوك يقول لك وهو يضحك:يا ولد روح لعروستك.اهىء..اهىء..
تقول انت:يا بابا انت دايما تحرجنى كدة..
وتاخد العصير وتدخل عليهم بكل رقة وادب وكسووف وتقوول:
احم..احم..السلام عليكم.
ترد العروسة بعد ما وقفت:وعليكم السلام.
تقول هى:هو ايه العصير الاحلى(الاحمر واللا الاصفر)..(بتتلزق يعنى)
تقول انت: كله حلو....
تقول هى:اكيد كله حلو لانك انت اللى عملته..
بعدها تحط الصينية بسرعة وايدك على فمك وتضحك وتروح داخل اوضتك بسرعة.
ويكون اخوااتك مستنيينك جوه على ناار ويقولو لك:
هاااااااا ....ايه اللى حصل؟؟؟؟؟
ترد انت:تهبل..تهبل..حلوة اوى,ودمها خفيف,وذووق كمان...

وييجى يوم الفرح....
وتقعد انت فى الكوشة مستنى العروسة,وحواليك كل الشباب بيرقصوا ويغنوا..
بعد شوية تلاقى العروسة داخلة يوسع لها كل الشباب وهما هيموتو من الكسووف...
وتقعد العروسة جنبك وتقول لك:ايه القمر ده بس!!!

وترجع بيتك تربى عييالك وتطبخ الغدا لمراتك
وتتخانقوا ساعات وتنام دمعتك على شنبك
ويزيد الخلاف بينكم,وتاخد عيالك وتروح لاهلك..
وتصلح امك ما بينكم...........

انا ياما رفضت عروسات كتير

لسه بيكونوا مستقبلهم

هههههههه معلش يااسطورة اصل الدنيا اتقلبت بقت البنت اللي بتخطب لنفسها
يلا اديني ضحكت وخلاص تسلم يا دكتور

انا لسه رافض اتنين اول انبارح مامى قالتلهم لما الولد يكمل تعليمه

اخطب لبنتك ومتخطبش لابنك
ههههههههههههههههههههه

تسلم ايدك يا اسطوره

تسلم موضوع رااااااااائع

بس طبعا مش حقيقة هههههههه

محدش يعرف بكره هيحصل ايه

ربنا يسترها معانا يا رب الدنيا تبقى أمان دايماً ان شاء الله

ربنا يسترها علينا يادودى

ههههههههههههههههه

حلوة اوى انا لسه متخطبتش

لما تخلص تعليمك الاول والبنات هيبقوا عليك كده

ههههههههههههههههههههههههههههههههههه
جامده اوووووووووووووى
يلا اما احط عينى على واحد كده شوفوا اخرة الزمن البنت اللى بتروح تخطب 706848

المهم تخلص بسرعة انتى عارفة ان الصبيان بيكبروا بسرعة وممكن متلحقيهوش لازم تقرى فاتحة على الاقل

نايس جدا يا أسطوره ما تبعتلى اتنين

لا لازم يكونوا مقتنعين دا جواز يا ابو حبيبة

لازم البنت تختار شريك حياتها بنفسها عشان تعرف تتعامل معاه بعد كده

متشوفلى حد يا اسطوره يكون كويس وابن حلال
واديكى هتبقى سترت واحد
وانا متكفله الجواز من كله
عاوزه بشنطه هدومه

موضوع جميل ..... تسلم إيديك
بس مش هتوصل للدرجة دى

ياااااااااااااااااااااه كل ده يا اسطوره يلا على البركه

عمرها ماتوصل للدرجة الهايلة دى ده لو وصلت لكدة مش هروح اخطب خالص شوفوا اخرة الزمن البنت اللى بتروح تخطب 706848

كده الرجالة هتعنس يادودى

ونسبة الاكتئاب تزيد

وينتحروا ياعينى

ينقل للارشيف

» قدر علينا الزمن
» لو معاك اله الزمن
» نيكول سابا تسابق الزمن لتلحق بعيد الفطر
» شوفوا التعاون
» شوفوا شباب الدواخليه عمل ايه فى قريته