التموين وسرقة الغلابة

نبدأ بسم الله الرحمن الرحيم

اولا
شكرا جزيلا للبشمهندس محمد كسبر لاثارة موضوع فى غاية الاهمية بالنسبة لشعب الهياتم والشعب المصرى عموما له منا جزيل الشكر

ونطلب منه ان يترك توضيح الموضوع لتيجر

بسم الله الرحمن الرحيم

بدأنا موضوع رغيف العيش ولم يلقى اهتماما من اهل القرية واليوم نتكلم عن سرقة قوت الشعب المصرى من التموين المدعوم من الدولة

وهذه السرقة ايضا ليست من الدولة انما من الافراد القائمين على توزيع التموين للشعب المصرى كمثال اصحاب المحلات التموينية

وهذه صورة بجدول المقررات التموينية واسعارها
[ندعوك للتسجيل في المنتدى أو التعريف بنفسك لمعاينة هذا الرابط]

واخيرا تاتى الدولة ببطاقات تموينية مشفرة للحد من النهب والسرقة ولكن ياتى صاحب المحل وصرف ماهو مقرر ولايعلم الشخص ماهو مقرر له فى صرفه وبعض الناس ترفض بعض الاصناف فما هو مصير هذه الاصناف هل تعود الى مخازن الدولة ام تباع فى السوق السوداء

------------------------------------------

فبالرغم من صاحب البطاقة لايعلم ماصرفه فالبطاقة القديمة كانت دائما بحوزة صاحب المحل وكان يكتب فيها ماصرف له اما البطاقة الجديدة فهى بارقام مسلسلة فالزائد عن الحاجة لانعلم هل ياخذه صاحب المحل ام يعود للمخازن وما ادراك ما صاحب المحل ففيهم من كان لايملك قوت يومه اما الان الله اعلم بحاله وفيهم من كلن بغير حاجة وزادت ثروته فبالرغم من النسبة التى تصرفها له الحكومة يجد نسبة اكثر بكثير من اصحاب البطاقات المشفرة ومن قبل غير المشفرة

وان شاء الله لنا لقاء اخر لاكمال هذا الموضوع

والسلام عليكم ورحمة الله وبركاته

ملحوظة (لكل من له يد او صاحب محل ويريد الرد لتبرأة نفسه فليفعل )

من كان منكم بلاخطيئة فليرمها بحجر

(تيجر)

[ندعوك للتسجيل في المنتدى أو التعريف بنفسك لمعاينة هذه الصورة] كلامك المره دى ياتيجر بدليل بس مش انت اللى جايبه كسبر اللى جابه علشان كده المره ى هضم صوتى لصوتك واللى ايز يبرأ نفسه احنا مستين

انا بصراحة محتار ارد ولا امشى من غير ما اقول راى

طبعا مواضيع تيجر بتسبب لنا المتاعب والكل عارف

بس اعمل ايه كل واحد له حرية الراى والراى بيعبر عن شخصية صاحبه

اولا اعتقد ان لو فيه سرقة فليس البقال فقط من تقع على عاتقه مسئولية السرقة نجيبها من جذورها هل المخازن والقائمون عليها

جيوبهم نظيفة من هذه السرقة

النسبة المحددة للتاجر هل فعلا لاتكفيه اذا كانت لاتكفيه فلم لانقف وقفة رجالة ونطالب بحقوق البقال فالمصيبة لاتقع فى الاخر الاعلى عاتق المستهلك فهو من يتحمل كل الزيادات وتصل الى 5جنيهات واحيانا تصل الى 8 جنيهات

هل هناك رقابة فعلية على البقالين وسؤال عينة عشوائية من المستهلكين المقيدين عنده فى حملات من وزارة التموين
اعتقد ان هذا من اختصاصات مكتب الوزارة ولا بيتعمل ششنة يعنى بييجوا يشربوا الشاى وياخدوا اكراميتهم ومع السلامة

المشكلة اكيد لها جذور عميقة خصوصا ان فيه ناس عايشة عيشة كريمة من بقالة التموين فقط

ثانيا

انا لا اعتقد ان تاجرا يرد الفائض بل ان فاض شىء فخير وبركة بالنسبة له فهو يباع وكم من شخص رايته يحمل كراتين من الزيت المدعم واحيانا سكر

انا اناشد كل فرد ان يتسلم كميته كاملة الزيت الفائض يبيعه والكل يعرف من يشتريه

الارز فهو يباع ايضا سواء بالكيلو او بيتخلط على البلدى وال 104 وال 101 وكلنا عارفين بتلاقى نص الحلة استوى قبل النص التانى السكر مفيش حد بيستغنى عنه واذا فاض منك سلفه لجيرانك او قرايبك اتبرع بيه للفقراء وما اكثرهم

حد هيقولى انت بتشجع على الفساد

ردى عليه هيكون

ده حقى فى التموين ولا مش حقى اكيد حقى

يبقى حقى اسيب حد تانى يبيعه ليه
انا احق بشرف مبيعه

وعلى راى المثل

جحا اولى بتموينه

انا قلت اللى فى ضميرى ورزقى على الله

بصراحه موضوع رائع يا تيجر ومشكله تقطن فى ذهن كل فرد
ولكن يجب على كل واحد لدينا ان يكون لديه معلومات صحيحه كى يرد على كلامك

وانتا برضه لو عندك حاجه تدلل على السرقه قولها او وضحها
واخيرا انا استنفسرت
ووصلت لمعلومه ان السلعات التموينيه لما بتنزل بيتم محاسبة الفرد المسئول عن المحل على ثمنها كامله ولكن بسعر التدعيم
ولما انا بروح اصرف واتنازل عن حاجه ومبخدهاش تلقائيا هيا متحاسب عليها أوك
فالشخص بتاع التمويين له الحق أنه يبيعها وبيستفاد بيها بس
ولو حد عنده توضيح اكتر يوضحلنا حل المشكله

موضوع رائع و ممتاز
و لكن هناك بعض النقاط لابد وان تعلمها تماما الا وهى
لايوجد مخازن يتم صرف منها السلع التموينية
و لكن المسؤل عن صرف السلع التموينية هى الشركة العامة للسلع التموينية و هذه الشركة لاتصرف الا بكشوف من ادارات التموين
الخاصة بكل مركز و كل قرية
يتم محاسبة كل تاجر على جميع السلع التى قام بصرفها للمستهلك بنائا على كشف يخرج من جهاز الحسابات الموجود عند كل تاجر
ماذا يفعل التاجر
يقوم بادخال البطاقة الذكية فى الجهاز الموجد لديه و المسلم من الدوله بعقد ثم يقوم الزبون بادخال الرقم السرى الخاص به
و يتم صرف المستحقات الخاصة بالزبون سواء سكر او شاى او زيت او ارز و بعد ذلك يتم اخراج برنت لكل زبون يوجد به
جميع الكميات المطلوبة و به السعر الخاص به و بناء على ذلك يتم دفع المبلغ للتاجر
اذا ترك المستعلك على سبيل المثال الارز او الشاى لا يظهر فى البرنت الخاج من المكينة و بذلك يصبح رصيد لدى التاجر
وهذا الرصيد لا يستطيع اى تاجر مهما ان كان التصرف فيه باى شكل من الاشكال الا بمعرفة مكتب التموين الخاص به
لانهاء هذا الجدال لابد لكل مستهلك التاكد من ان الاصتاف المنصرفه له هى التى فى البرنت و الباقى يكون على مكتب التموين
هو الذى يقوم بمحاسبة التجار على الوارد و المنصرف و الباقى يكون رصيد لدى التاجر يخصم من الكميات الجديدة

الم تسئل نفسك لماذا الدوله اصدرت هذه البطاقات و ماهى الجدوى من وراء ذلك
قامت الدوله باصدار هذه البطاقات حتى تقنن من عملت صرف السلع التموينية المدعمه حيث انك اذا لم تقوم بصرف السلع
حتى يوم 30 فى الشهر قبل الساعة 12 مساء تسقط عنك السلع التموينية لهذا الشهر و بذلك تكون الكميات ارصدة لدى التجار
يتم خصمها من الكميات الجديدة 0000000000 كل شخص مسؤل عن حقه
هذا للعلم و انهاء المشكله و الله الموفق

حمدالله على السلامة شكرا على التوضيح بالاسلوب الممتاز ده هو ده اسلوب الحوار اللى كلنا محتاجينه اسلوب راقى

مش اسلوب عصبى

شكرا للجميع على المساهمه

الى متى سنظل مش عارفين حقوقنا

لا نعرف بس بالحقائق مش بالكذب والكلام على الناس من غير ما نعرف الحقائق

الاسطورة كتب:: حمدالله على السلامة شكرا على التوضيح بالاسلوب الممتاز ده هو ده اسلوب الحوار اللى كلنا محتاجينه اسلوب راقى

مش اسلوب عصبى

لا تعليق على العصبيه و انا لست عصبى للاسف الشديد و لكن احب الحق و لا اريد المزايده فى اى شىء

أبو حبيبه كتب:: لا نعرف بس بالحقائق مش بالكذب والكلام على الناس من غير ما نعرف الحقائق

رد اكثر من رائع يا ابو حبيبة و لكن لااسف الشديد نتكلم و لا نفهم معنى كلمنا لذلك لابد من التاكد من اتهم اى شخص
بالسرقة الا بعد التاكد من جميع الحقائق

شكرا ليك يا الليل وطوله وياريت لو تعرفنا بحضرك اكتر ونورت المنتدى كله

شكرا يا ستاذ الليل واخره توضيحك رائع جدا

بس عاوز اوضح حاجة لليل وطوله

احنا هنا بنفضفض عن نفسنا فى موضوعات الناس كلها بتتكلم فيها ومثار جدل وكل شخص له رايه فالموضوع مجرد حوار ونقاش

يعنى مثلا انا اعرف ان قبل البطاقات الالكترونية كانت كل حاجة ممكن تتباع مثلا يعنى

نقاش في غاية الاهميه تسلم الايادي وربنا يصحي ضمير الناس كلها لانه حقي وحقك وتسلم الايادي

ليا شوية استفسارات بس لو محدش يضايق

طبعا نعرف ان التاجر بيدفع تمن المشال سواء فى المخزن وللعربية اللى بتوصله ياترى بيدفع اد ايه

وياترى لما ياخد جنيه مشال على كل بطاقة يبقى كتير ولا شوية

والدمغة زى ما احنا عارفين 25 قرش فبياخدوها 50 قرش مفيهاش اى مشكلة عادى هو الربع جنيه بيعمل ايه دلوقتى

بس هل ده بالتراضى

لو حسبتها يبقى فيه 1.25 على كل بطاقة
لو عنده 100 بطاقة يبقى المشال منهم 125 جنيه فيه حاجة غلط انا بفكر بس

ده لو 100 طبعا مفيش حد عنده العدد ده

ياتريت تشاركوا معانا بارائكم

على فكرة يا اسطورة بدئة تشغل مخك و تفكر صح قبل ما تتهم الناس بالباطل قبل كده اتهمت التجار بالسرقة حتى فاتح الموضوع اتهم الناس بالسرقة و لكن الموضوع اذا كان فضفضة ذى ما انت بتقول يبقى بلاش من التوضيح لان مافيش اى صدى لاى موضوع من موضوعاتكم فى البلد كله كلام فى الفاضى و بس و طولة لسان على بعض الناس للاسف الشديد لابد من ان يكون هناك جديدة فى اى موضوع يفتح مش كلام و خلاص و كله يدحك على كله بالكلام و بس
التوضيح المطلوب هو
1) يتم صرف السلع التموينية على اكثر من مرة و قد تصل الى 5 مرات كل مرة العربية حسابها 50 جنية
2) العمال فى الشركة العامة لتجارة السلع الغذائية بالجملة عمال موسمين ليس لهم راتب من الشركة و لابد من دفع لهم على كل طرد 50 قرش احسبها انت يبقى كام
3) فية حاجه هامش الربح بتاع التاجر فى البطاقة كام اقول لك لان دى اخر مرة ارد فى هذا الموضوع الممل
هامش الربح لا يتعدى 2% من قيمة السلع يعنى كيلو السكر بفرض ان ثمنه 1.5 جنية هامش ربح التاجر 3 قروش يعنى و هو بينزل السكر وقع منه كيس سكر على الارض راح مكسب كام كيلو سكر و قيس دة على جميع السلع

ارجوا انهاء هذا الجدل الملوش اى لزمة الا اثارة الفتن التى بينكم فقط و لا يوجد لها اى صدى فى البلد و انا قد لمسة ذلك بنفسى للاسف الشديد انتم فى وادى و الناس فى وادى اخر

الخلاف فى الرئ لا يفسد للود قضية
واى موضوع لابد من الخلاف علشان نطلع بالفائدة من الموضوع

اولا منتدى الهياتم اليوم يا استاذ حسين له صدى كبير جدا فى البلد
وهذا بفضل الله ثم بجهود اعضاءه كلهم
والحمد لله نلنا ثقه اهل الهياتم فى توصيل صوره الهياتم الطبيعيه لكل بيت
مش زنب المنتدى ان فيه فساد فى البلد
انما لازم الصوره نوصلها لرواد المنتدى حتى ولو صوره سيئه للبلد
واجبنا كاعضاء المنتدى كده
وبعدين ازاى المنتدى مالوش لازمه وكل اعضاء الاداره فى مقدمتهم انا
دنلنا كلام جارح جدا من اصحاب المصالح التى تم نقدها
ده معناه ان المنتدى له صيته وشهرته فى البلد
ولو كان كلام فارغ زى ما حضرتك بتقول مكنتش رديت تانى على الموضوع

وارجوا ان تلتزم ادب الحديث فى الحوار
والكلام للجميع
وكل سنه وانت طيب يا استاذ حسين

(ان الله لا يغير ما بقوم حتى يغيروا ما بانفسهم)

للاسف الشديد انا مش حسين الشيخ و يشرفنى اكون حسين الشيخ بس فعلا الليل و طوله كان اسم حسين الشيخ و انا اخذت منه كل شىء
و المعلومات دى منه هو شخصيا لما كلمته على موضوع السلع التموينية
على طول سوء الظن فيك يا كسبرو الراجل ماعدش له اى علاقة با اى منتدى حتى منتدى ابنه
و هقولك يا كسبر مين انا بعدين بس فعلا معلوماتكم كلها خطأ و عوزين شو اعلامى فقط لاغير و كل ده بيتغير بعد الانتهاء من الدراسة و لخمة الشغل بس فعلا فى النهاية اتمنى اكون هذا الشخص المحترم بمعنى الكلمة
هتقول انا كذاب لان ip واحد فعلا هو واحد لاننى اعمل فى مكتبة بجوار الشركة الخاصة بيه و انا واخد منهم النت على الوير ليث
و طلبة منه ان يدخل عليكم رفض رفض شديد جدا و عى فكرة هو الذى حصل لى على هذا الشغل و راتب خيالى بالنسبة لناس كتير و انا اكن له كل احترام و تقدير لانه فعلا انسان خدوم جدا و له كلاحترام و تقدير هنا فى جده و بالتحديد فى حى الجامعة
اسف على الاطاله و الى اللقاء ان شاء الله فى الهياتم فى القريب العاجل

بسم الله الرحمن الرحيم

اولا انا بشكر كل اعضاء المنتدى المتوجدون باستمرار السباقين بالرد فى اى موضوع يخص البلد او يخص المنتدى

ثانيا شكرا للاستاذ الليل -------- كلامك فيه شىء من الصح لاكن معظم الكلام اكيد غلط ماعلينا ندخل فى المهم

لو حضرتك بتاع تموين اكيد كنت عرفت ازاى فيه سرقه وعلى العموم انا هسبتلك

لورحت لوحد من بتوع التموين وطلبت من
1------ جوال ارز

2------- شيكرة سكر

3------- كرتونت زيت

4-------100بكو شاى

وبكل سهوله لقيت اللى طلبته موجود وجاهذ بس بسعر السوق السوداء

حضرتك هتقول ايه هتقول ان الرجل ده محترم ولا هتقول زينا انه حرامى وبسوء تصرفه خلى كل بتوع التموين حرميه

ده بالنسبه للموضوع اما بالنسبه للمنتدى فهو جزء لايتجزء من القريه

وحنا مابنقلش موضيع تفهه ولو قلنا موضيع تفهه يريت حضرتك بذوئك وحترامك الحميل متردش عليها

يكفينى الاعضاء المتوجدون فيه ولهم منى كل تقدير واحترام

السرقه فى التموين كتيره جدا
حتى فى البحيره عندنا

نورت الموضوع يا بشمهندس
ويارب الموضوع ده يتحل

يارب يا بشمهندس محمد وحمد الله على السلامه

ان شاء الله يكون فى اى مجال للمشكلة دى وانا برحب بالبشمهندس mon ويارب يكون موجود دائما معنا

» مش اصلى 2 - وسرقة نانسى لاغنية تنزانية
» مش اصلى 3 - وسرقة المطرب فارس لاغنية جزائرية
» مش اصلى 4 - وسرقة تامر حسنى لحن اغنية ياتاعبة كل الناس
» هذا الرابط من : اخبار يوم بيوم Newsdbd.com: محافظة القاهرة تستعين بالشرطة والجيش لإخلاء 500 شقة بالدويقة استولي عليها"الغلابة" http://www.newsdbd.com/2011/07/500.html#ixzz1RIrCL1zi NewsDbd.com Under Creative Commons License: Attribution Non-Commercial N