اول اجتماع بين بعض رجال الدين والشباب بقرية الهياتم

تجمع بعض رجال الدين والأئمه مع بعض الشباب يوم الثلاثاء الماضى لمناقشة بعض المشكلات الموجوده بقرية الهياتم ووضع بعض الحلول لحل هذه المشكلات وتتلخص هذه المشكلات فى الاتى:-
1- تفعيل دور العمده ومحاولة اظهار وجوده عن طريق القضاء على البلطجيه فى القريه والتصدى لمدمنى الحشيش والبانجو
وقد كان الحل كالآتى البدء فى انشاء نقطة الشرطه فى الهياتم لاتساع القريه وكثرة عدد سكانهاوالغاء منصب العمده

2-مركز شباب الهياتم والتخريب وسرقة المال العام الموجود به وعدم اتخاذ خطوات ايجابيه للتطوير وعدم منفعة أى شخص خارج أعضاء مجلس الاداره والحاشيه بمميزات مركز الشباب وعليه خرجنا من الاجتماع ب
حل مجلس ادارة مجلس الشبابوالتقدم بشكوى ضد أعضاء مجلس الادارخه

3-المشروعات الخدميه فى القريه وهى
الجمعيات الاهليه
مشروع جمع القمامه ( الزباله )
مشكلة انقطاع الكهرباء
مشكلة تلوث المياه
والحلول كالاتى
التحدث مع المسؤلين فى القريه بالحسنى واذا لم ينتصحوا يتم تقيم الادله التى حصلنا عليها الى الجهات المختصه
وشكواهم دون مراعاة الروابط الاسريه والعلاقات الشخصيه لاضرارهم بمصلحة المسلمين

4-المطالبه بعودة مستشفى الهياتم الى مستشفى تكاملى بدلا من كونها وحدة تنظيم اسره

5- تفعيل دور الوحده المحليه

وتم وضعالقرارات الاتيه
1- عمل ندوه عامه لشباب الهياتم
2- الاتصال بالجهات المعنيه فى كل تخصص
3- تكوين قياده نائبه عن شباب القريه تتكون من 10 أفراد
4-تفعيل دور الائمه على المنابر
5- اصدار نشره دوريه بكل جديد يحدث لاطلاع اهالى الهياتم على كل التحركات التى يقوم بها ابناؤهم

والله الموفق والمستعان
مع تحيات / مجلس ادارة منتدى الهياتم اليوم

واليكم صور من الاجتماع

[ندعوك للتسجيل في المنتدى أو التعريف بنفسك لمعاينة هذا الرابط]

الشيخ محمد الماوى - الحاج سعد الديش - وليد القلعى

[ندعوك للتسجيل في المنتدى أو التعريف بنفسك لمعاينة هذا الرابط]
الشيخ عاطف الديش - الشيخ عبد الله الشاوى - الشيخ طلعت مطر

[ندعوك للتسجيل في المنتدى أو التعريف بنفسك لمعاينة هذا الرابط]
الشيخ عيد السايس - السيد سعد الديش - محد بسيونى كسبر

جميل جدا اللى اتعمل مشاء الله
بس انا بردة عندى حاجة كنت عرفتها مش عارف صحيحة ولا لاء
الاتوبسات اللى كانت بتدخل البلد عرفت انها مش بتدخل طيب لية؟
لولو الخبر دة صحيح وبيقولو من فترة على كدا لابد من حل ان الاتوبيس الحكومى يدخل زى الاول لانة بيساعد الناس فى حل المواصلات
لو صحيح ياريت يكون فى حل ليها

وبشكركم على المجهود الاكثر من رائع والواجب على كل شاب فى القرية ان هو يهتم بيها ويعمل كل شى صالح فيها

يااارب الحاجات دى تحقق
ونكون احلى بلد فى المنطقه

وبالذات موضوع نقطه الشرطه دى
لانها اهم حاجه لان هى اللى هتحمى البلد

ويارب كل الحاجات دى تحقق

تمام اوي الكلام ده
ربنا معاكو يارب
واحنا كمان معاكو لو احتجتوا لينا في حاجه

هو ده الشغل
وربنا معاكوا
وانا معاكوا وهاحضر فى مركز الشباب الجمعه بعد الجايه
ان شاء الله

صورة الشيخ محمد منوره
وكلكوا بارك الله فيكم اجمعين

بارك الله فيكم
وسدد خطاكم
ووفقكم الى الخير اجمعين

بجد روعه
وياريت مننساش مشكلة البناء على الارض الزراعيه والتهامها
وتنفيض الجمعيه الزراعيه على مثل هذه الامور

طبعا دى مشكله خطيره جدا احنا بعد كده هناكل بعض

أكيد وبعدين الناس بتوع الجمعيه اللى مافيش عندهم ضمير دول
أخرتهم ايه يعنى الناس دى كلها لازم تتحاسب

بس بالعقل والقانون اكيد هتكون احسن وفيها فاعلية وكل واحد ياخد حقة وهو دة اللى كل شاب فى القرية اكيد بيفكر فية

أكيد طبعا كل شئ بالقانون
وياريت تكون فيه حملة توعيه للشباب وللشعب ونطالبهم بالهدوء وترك الحكومه تعمل على تحقيق مطالبهم

الله يبارك فيكم ممتاز وكلنا معاكم ونساعد بأى شئ تشفوه والمهم البدايه على بركة الله

خطوه ايجابيه ميه بالميه بس للأسف خدوا بالكوا من أعوانكوا
وربنا معاكوا

انا نفسي اعرف فين الناس انا مش شايف تفاعل كبير لازم كلنا نتفاعل مع بعض اكتر من كده وكل واحد يرد بايجابية ويقول رايه وهو شايف ايه, المفروض ان في ثورة تغيير دلوقتي لازم كل الناس تشارك فيها مش بس تكتفي بالمشاهده لازم كل واحد فينا يكون ليه دور ايجابي (لازم تعبر عن رايك و تشارك في التطوير الي جاي في الفترة الجاية عشان اللي مش هيلحقنا ويركب سفينة التطور هيكون اتاخر كتير جدا)
ركب التقدم سائر متقدما ....... عيب عليك ان يسير وتقعدا

بجد اللى حصل دى اكثر من رائع
وأن قلت فى موضوع أخر ان مصروالقريه عامره بالشباب
وبارك الله فيكم
وأن شاء شاء الله كل المظاهر السيئه اللى كنا بنشوفها فى البلد تتغير
مثلآ زى جلوس بعض الشباب على كوبرى الوحده والكلام باسلوب غير لائق ومعاكسه البنات الماره من على الكوبرى من الشباب
والمشكله الاهم أن بعض من العاملين بالجمعيه الزراعيه غير متوفر عندهم الضمير منهم من يبيع المبيدات المخصصه للاراضى الزراعيه من اراضى القريه بيعها فى السوق السوداء
وان شاء الله البلد بفضل الله وفضل جهود أهل القريه تكون احسن من الاول
وان شاء الله كلنا معاكم فى اى وقت ولو طلب منا اى شىء سوف نكون معكم
وبارك الله فيكم جميعآ وسدد خطاكم

ان شاء الله نقدر نحقق حاجه للبلد

بالتوفقيق التقدم ان شاء الله ويم الجمعه هكون معاكم فى النادى