لازم تاخد موقف .!!‏

كان فيه مرة واحد صاحب شركة كبيرة ..فى يوم قرر يسيب منصب رئيس مجلس ادارة الشركة لواحد من الشباب.. علشان هو كبر فى السن وتعب ..فجمع كل المديرين ..اللى شغالين عنده فى الشركة فى الاجتماع السنوى اللى بيعمله فى اخر كل موسم ..

وقالهم قدام كل واحد فيكم بذرة .. كل واحد ياخد البذرة بتاعته ويزرعها ..والسنة الجاية زى دلوقتى ..كل واحد يجيب الزرعه بتاعته ..واحسن زرعه ..صاحبها هاياخد مكافأة كبيرة اووى من الشركة .. وفى الموعد المحدد جه كل واحد منهم ومعاه زرعته ..الا موظف واحد ..واقف مكسوف وحاسس بالفشل .. فسأله صاحب الشركة : فين الزرعه بتاعتك ؟؟
فرد عليه وقاله .. بصراحه انا حاولت ازرعها بكل الطرق ومافيش فايدة .. وبذلت جهد جامد وتعبت وبرضه ما فيش فايدة ..

فابتسم ليه صاحب الشركة وبص لكل المدرين التانين قالهم .. دلوقتى اقدر اقولكم ان صاحبكم ده هو اللى فاز بالمكافأة .. لأن البذرة اللى معاكم مش سليمة وتالفه ..ومش بطلع زرع ..وانتم علشان المكافأة كذبتم عليا ..لكن زميلكم ده ..كان صادق ومش كذب عليا .. علشان كده انا هاعينه رئيس مجلس الادارة ..

خلصت القصة ..لكن هاتبتدى العبرة ..

فاكر كام مرة كدبت فيها فى حياتك .. وكام مرة اتحطيت فى موقف محرج واضطريت تكدب علشان مش تزعل اللى قدامك ..وقولت دى حاجه بسيطة .. هو هايحصل ايه يعنى .هى الدنيا اتهدت ..!!
للأسف الكدب بقى موجود دلوقتى فى كل حاجه فى حياتنا ..وبقى سهل اووى ان احنا نكدب ونرمى ورا ظهرنا ..ولا كأن حاجه حصلت .. واللى مش بيكدب دلوقتى بيقولو عليه مؤدب زيادة عن اللزوم ..

اوعى تتفتكر ان الكدب هاينجيك كل مرة ..اكيد هاتيجى لحظة وهاينكشف كدبك لكل الناس ..وساعتها هاتخسر حجات كتير اوووى .. فكر تانى واحسبها صح ..وبلاش تكدب مهما كانت الظروف ..لان صراحتك هاتخليك مش تكدب تانى ..زى طالب اتأخر مرة عن محاضرة ..ولما الدكتور ساله اتأخرت ليه ..قاله الحقيقة ..انه راحت عليه نومه .. الموضوع هاينتهى ..وصراحته دى هاتخليه ما يكدبش تانى على الدكتور ..لانه هايبقى محروج منه انه يعيد نفس الغلطة تانى .. وناس كتيربتكدب علشان خايفة من الحسد ..فتقول حجات مش حصلت او مش موجودة وحجتها انها خايفة من العين ..مع ان الكدب ده هايضر مش هاينفع

ساعات كتير بنكون شاكين ان اللى قدامنا بيكدب مش بيقول الحقيقة ..فى الحالة دى ..ماتقولش للشخص اللى بيكدب ده انه بيكدب ..قربه منك وقلده فى طريقته ..وخليه يحبك ..ساعتها هايصعب عليه انه يكدب عليك .. قوله انك مش سمعت كلامه كويس.اومش فهمت هو قصده ايه ..أو عاوز منك ايه ..علشان تديله فرصة يقول الحقيقة ...خليك هادى وماتوجهش كلامك ليه انه بيكدب بشكل مباشر ..لان ده هايخلق جو عدوانى بينكم ومش هايحبك .. وهايكدب اكتر ويعمل اى حاجه يأكد بيها كدبته .. ولو اعترف انه بيكدب ..بلاش تعاقبه ..وكافأه وحسسه انه كبر فى نظرك اوووى لما بطل يكدب وقال الصراحه ..

ابعد عن انك تحقر من شخصية اللى بيكدب ..بالعكس حاول ترجعله الثقة فى نفسه .. الانسان اللى بيكدب بتخرج منه طاقة سلبية كبيرة جداا .. والطاقة دى خطيرة اكتر من طاقة الكهرباء ..وهى ممكن تسبب امراض للشخص اللى بيكدب ..والاخطر انها بتأذى الشخص اللى معاه ..

فكر تانى واحسبها صح ..وبلاش تخاف من حاجه ..ولو كنت بتكدب .كفاية انك تقف واقفة مع نفسك ..وتاخد قرار انك مش تكدب تانى ابدا

تسلم ايدك يا كبير

موضوع جميل اوووى يا خالد
تسلم ايديك

مشكورين جدا على مروركم

وبجد ياريت يا جماعه نستفاد من الموضوع ده كلنا
الكدب دا شىء فظيع جداااااااااااااا
وربنا يعافينا جميعا منه

مووضوع جميل اوووى يااخالد
ربنا يجزيك كل خير عليه

تسلم يا خالد

» تعمل ايه فى موقف زى ده
» قصة الاسلام فى مصر/لازم كل مصرى يعرف القصه
» موقف طريف ادخل وشاهد
» اغرب موقف فى عالم الحيوان
» موقف محرج بين فتاة وخطيبها