نكت على الماشى

مره واحد فشار قوى بيقول لصاحبه انا كنت ماشى فى الصحره طلع عليا اسد نطيت
في البحر،صاحبه قاله بحر ايه بس اللي فى الصحره، قال لا انا قلت لقيت ابو
الهول اتشعلقت فى رقبته، صاحبه قاله وايه اللي جاب ابو الهول في الصحرا،
فقال وانا ماشى فى الصحره طلع عليا اسد أكلنى.. ارتحت


مره اتنين متاخرين على المدرسه الاستاذ بيسال الاول انت ايه اللى اخرك قاله
كانت فيه 5 جنيه ضيعه مني وبدور عليها فمسك التانى وانته ايه اللى اخرك
قاله أصل انا اللى كنت دايس عليها



مره واحد سرق فرخه وراح عند البحر نضفها وكلها جه الضابط وقاله انت سرقت
الفرخه قاله لا يا باشا قاله الضابط والريش ده؟ قاله دى نزلت تستحمى و
قالتلى اخلى بالى من الهدوم



دخل محشش لسوبر ماركت
وحابب يتعلم ازاى يتعامل مع الزباين

صاحب المحل قاله شوف انا هعمل ايه واتعلم منى
دخلت وحده وسألته عن العسل
...............قال: معقول كل الحلاوة دى وبتسألى عن العسل؟
خدت بدل العلبه اتنين
دخلت وحده ثانيه وسألت عن الفراوله
قال معقول حبة فراوله بتسأل عن الفراوله؟
خدت بدل الكيلو صندوق

بعدين قال للمحشش يلا ورني شغلك
دخلت وحده تخينة سألت عن لبن
قال : معقول كل البقرة دى وبتسأل عن اللبن؟


مرة واحد فشار قوي قاعد على القهوة مع واحد صاحبه وقالوا إن أبو جهل كان
بيتعشى معاه أمبارح في البيت فرد صاحبه وقالو يا كداب أبو جهل مات من الف
وربعميت سنه قام الفشار منادي على جاره قالوه مش أبو جهل كان بيتعشى معايا
أمبارح جاره قال الكدب خيبه .... بس كان فيه عربيه راكنه هنا أمبارح نمرها
ملاكي قريش



واحد غبي طلع برج القاهرة في اخر دور وبص على الناس تحت لقاهم صغيرين جدا
وركز على واحد منهم وكلما كان ينزل دور كان يلاقي حجمه يكبر حتى وصل للدور
الارضي راح للراجل وحضنه وسلم عليه فساله الراجل انت تعرفني قال له طبعا يا
راجل ده انا اعرفك من وانت صغير قوي



مره واحد معاه فيات قديمه ماشى بيها على الصحراوى عطلت منه فقام شاور
لعربيه على الطريق طلع صاحبها واد روش معاه مرسيدس فقام قاله بص يا عمو أنا
هجرك لحد الرست و بعدين صلح عربيتك بس لو لقيتنى سرعت رعشلى نور وربطوا
العربيه وطلعوا قامت عربيه بى ام عدت صاروخ من جنبهم راح الواد بتاع
المرسيدس فاتح وراه وبتاع الفيات شغال يرعش نور للمرسيدس ولا هو هنا
فالرادار صورهم ، ظابط المرور راح متصل بالكمين وقال لهم هتعدى عليكوا
عربيتين واحده مرسيدس و بى ام سيبوهم و هاتوا الكلب بتاع الفيات اللى
بيرعشلهم وعايز يعدى منهم


طالب جامعي عنده امتحان وكان متأكد انه هينجح

المفاجأة إن الدكتور جابلهم سؤال صور لرجلين بعض الطيور والمطلوب معرفة أسماء الطيور من شكل رجليها

... اتعصب الطالب ومعرفش يحل السؤال قام سلم الورقة للدكتور وقله تغور إنـت ومادتك رد الدكتور وقله: اعتبر نفسك ساقط في المادة
... ... ... ...
.بعد شوية لاحظ الدكتور إنه ما كتبش إسمه على ورقة الإجابة قله

فين إسمك !!عالورقة؟

قام الطالب شمر بنطلونه وقالو تقدر تعرف اسمي من شكل رجليي




اتمنى انهم يعجبوكم
اخوكم محمد

نكت طريفه جدا يامحمد
تسلم ايديك ع النكت دى
وفى انتظار القادم منك باذن الله

ههههههههههههههههه
حلوين اوى يا محمد
تسلم ايديك
[ندعوك للتسجيل في المنتدى أو التعريف بنفسك لمعاينة هذه الصورة]