اية رئيكم يا بنات ورد الشباب هيكون اية فى الصديقة اللى بتعصى صديقتها

هى صديقه لصديقه

ورأيها فى الحياه الزوجيه انها "نايس" بس فيها حاجات "سوووباد"
وان الستات الحلوين ..حقيقى مظلومين

بتقول ايه: انا قريت مره على النت موضوع لفكره مفرئعه جدا و جامده مووت...
بتقول ليه الستات بس هم ال بيطبخو؟؟
وان لازم الرجاله كمان تساهم وتقف فى المطبخ زيهم زيينا ..
وكان الرجاله متجوزين بس عشان ياكلوا .
فالفكره اتخمرت فى مخى وعرضتها على جوزى ..
هو طبعا رفض وقالى انتى مخك ضرب ولا ايه؟؟
اصله بيحب الاكل اوى و همه على بطنه وعايز يرجع يلاقى الاكل جاهز ومتوضب ومش عايز يتعب فى حاجه ...
بيقولى انا امى كانت بتعمل صنف واتنين واكلها تشمى ريحته من اخر الشارع..
كانت بتاكلنا اكل يربى صحه وجسم سليم..
مش اكلك الصايص ال مالوش طعم..
ده يعنى لو كتر خيرك ووقفتى عملتى اكل..
وان كان ال بتعمليه ده تقدرى تقولى عليه اكل اساسا!!

قولتله لاء بقى اضراب..!!
ومش هاعمل حاجه الا لما تعرف يعنى ايه تعب المطبخ ووقفته..!!
قولتله اسمع بقى انا كده خلاص...... كل يوم اعملك اكل...... يوم مكرونه وسوسيس ويوم أومليت و يوم تتعبنى وتطلب أعملك بومفريت وبانيه!!
ولا لما ترهقنى بالمكرونه بالصلصه وانت عارف انها شغلانه !!!
نوو نوو..... لاءءء بقى.... كده حرام أوى...انت مش بتحس بيا خالص ولا بتراعى مشاعرى !!!
وزعلت منه بجد .....وموش بكلمه من يومها وهوه طبعا لما شاف اصرارى وموقفى الشديد ال انا اخدته لقى مفيش فايده الا انه ينفذ كلامى... وبعت جاب وجبة كومبو (بس اكلها لوحده) يلا موش موهم... الموهم إنى فردت رأى عليه ..وقدرت اقف وقفه شجاعه وبطوليه فى وش العنصريه الرجاليه .ضد الستات الغلبانين ....انا بحب جدا انى اكون ايجابيه واشارك فى اى حاجه تهم المرأه...
هو بقى لو عايز ياكل بجد اكل زى بتاع مامته يقدر يتفضل عندها ويروح ياكل براحته ...
مش كل شويه يقولى ماما اكلها تحفه اتعلمى منها شويه..
عايز محشى وملوخيه زى بتوع امى..
اختى نفسها فى الاكل حكايه ..اساليها بتعمل مكرونه بشاميل ازاى...
يااااه نفسى اكل صنيه رقاق باللحم المفرومه زى ال بتعملها امى...
حقيقى تعبنى اوى اوى
بس انا ارتحت لما عملت الاضراب
وكان لازم أشكر كل الى بيساندونى فى موقفى ده (الشغاله بتاعتى والداده بتاعت البيبى ومش عايزه أنسى عم عبده السواق ال مراحش يجيب الوجبه وخلا المحل يجيبها هوم دليفرى)

انا شعرت بالدوار وحسيت ان جالى مرض نفسى مفاجئ .. وصعبت عليا ...والدمعه فرت من عينى
لاء بجــــــــد بتعانى وبتتعب.

أنتم ايه رأيكم

» شعورك هيكون اية وقتها
» النيران الصديقة تمنح ليفربول فوزا متأخرا على أرسنال في أول قمة بالدوري الإنجليزي
» إبراهيموفيتش والنيران الصديقة يعززان موقع ميلان بصدارة الدوري الإيطالي
» حادثة الافك(( الذى برأ الله فيها ام المؤمنين_السيدة عائشة الصديقة بنت الصديق
» بنات اخر زمن