شيطان لسه صغير

موضوع: شيطان لسه صغير السبت فبراير 27, 2010 2:09 am

يختلف الصباح عند كل المخلوقات فمنهم من يصبح مستغفرا ومنهم من يصبح عاصيا وبالطبع يصبح الشياطين على عادتهم عصاه لله عز وجل.
اشخاص هذه القصه عائله شيطانيه صغيره كباقى العائلات الشيطانيه تعمل من اجل خدمه ابيهم الشيطان الكبير ابليس الذى امرهم ان يعملوا ليل نهار على غوايه اهل الاسلام وابعادهم عن رحمه الله فكان الاتى.
الاب (شيطان طبعا) مستيقظا من نومه بعد طول عناء شديد حيث انه يعمل ورديه اضافيه لتحسين دخله وحيث كانت الليله ذات اهميه قصوى نظرا لخروج المسلمين من صيام شهر رمضان الكريم ودخولهم فى ليالى العيد فكان لزاما عليه ان يذكرهم بالمعاصى والعيد فرحه وما الى شابه وان ينسيهم ما تعلموه من خلق رمضان.
جلس الاب الى زوجته (شيطانه طبعا) يتحدثوا بشان حدث هام الا وهوا اتمام ابنهم الشيطان الصغير سن البلوغ الشيطانى والذى بمقتضاه ينبغى ان يعمل ليحظى بثقه المعلم الكبير ابليس وليضمن ايضا مكان خاص فى النار يكون شديد الحراره صيفا وشتاء.
الاب متحدثا مع الابن : انا اليوم ساتحدث معك باسلوب شيطان مع شيطان مش اب مع ابنه انت اصبحت الان شيطان يعتمد عليه ولازم تثبت كفائه فى العمل عايز منك تقرير يومى عن الانجازات الى انتى عملتها لغوايه البشر ونصيحه ليك ركز على الشباب.
الابن مفكرا قليلا (غوايه يعنى ايه غوايه) مش مهم المهم اغور من وشه دلوقتى .
الابن ردا على والده : انا مستعد لليوم ده من زمااااااااااان
يخرج الابن من المنزل الى دنيا البشر مستعيدا كل ماتعلمه فى مدرسه الشيطنه الثانويه
الابن محدثا نفسه (اول حاجه ممكن اعملها اخلى الشاب الى واقف هناك ده يشتم زميله) ويتوجه الشيطان الي مجموعه من الشباب تقف بجوار سيار فارهه وقبل ان يوسوس لاحدهم سمع هذا الحديث
الشاب الاول : انت يا انت مش هتجيب الفلوس الى عليك
الشاب الثانى: فلوس ايه يا تتتتتتييييييييييت (شتيمه طبعا) ملكش فلوس عندى
الشاب الاول : بقى كده يا ابن التيت طب انا هوريك بتييييييييت ابوك
الشاب الثانى : ابقى ورينى هتعمل ايه يابن التيييييييييت
الشيطان قائلا : ايه ده دول مش محتاجين غوايه خالص .اروح ادور على حد تانى (يلمح احد الشباب متحدثا فى التيلفون فيذهب اليه)
الشاب : ايوه يامعلم عايز ايه ؟
الشاب: بتقول ايه اجيب ايه وانا جاى لا طبعا مش هلحق انا مش فاضى عندى حفله عيد ميلاد بعد الجامعه
الشاب: ايه ده هيا الابهات مالهم كده مش مقدرين ان احنا شباب وبيتعب بردو أل عايزنى اعدى على السوبر ماركت اجيبله حاجات مينزل هوه
الشيطان : ايه الحلاوه دى ! (دا انا ادور على شغلانه تانيه احسن ) بس برده دول نسبه صغيره . اه هناك اهوه شاب خارج من المسجد لو قدرت اغويه بأى حاجه اكون عملت احلى شغل اصل النوع الى بيصلى ده صعب شويه! ويذهب متوجها الى الشاب .
الشاب بعد خروجه من المسجد : استغفر الله العلى العظيم هتعمل ايه يا ابو حميد دلوقت ! اه افتكرت .
الشاب مخرجا تيلفونه من جيبه طالبا رقما تظهر كلمه (حبيب عمرى) ويرد الجانب الاخر بصوت انثوى جميل
الصوت : الو ازيك يا حبيبى انت عامل ايه دلوقت
الشاب : مش قادر اعيش من غيرك انا من غيرك تايه فى بحر الظلام
الصوت: يا سلام كل الحاجات دى حاسس بيها
الشاب : انت روحى وعمرى وماضيا وحاضرى انتى كل حاجه ليا فى الدنيا
الصوت : طب سلام بقى لحسن بابا جاى
الشاب مرسلا قبلاته عبر الهاتف قائلا بحبك
الشيطان قائلا : انا كده بقى اروح اقدم استقالتى من الاداره العامه للشيطان الحمر واروح اشتغل فى شرطه مكافحه البوظان

امال لما يكبر بقى
بس انت بتجيب الموضوعات الجامده دى منين يا اسطوره

مش عارفه والله يا محمد لما يكبر هيبقى ايه
ههههههههههههههه
ابقى قولنا يا اسطوره

teslam

» وإنت صغير كانوا
» مهرات روعه من طفل صغير