تــابــعو الــجزء الــثـاني

بـسـم الله الرحمن الرحيم

قـصـة حــب حــقــيــقــية
الجزء الثاني
"الفصل السادس"
"المقابلة الاولى"


فتحت لحمودي الباب وانا اطالع فيه واناظر ملك ماشاء الله ومع ترسيمته طالع قمر وبأبتسامته اظافت له لوك مميز المهم اني لاحظت انه منحرج بقوة عشان كذا قلت اني لازم اخليه يتعود علي جيت انا ابتسمت له وقلت له:تفضل حبيبي بسرعه قبل لا احد يشوفنا...
ودخل وسكرت الباب ودخلته غرفتي والمسكين كان مره خايف وانا كنت اكثر منه خايفه لكن ما بان على شكلي لكن هو كان مررره منحرج وخايف وقعد هو على كرسي بغرفتي وانا قعدت على سريري وقدمت له قهوة عادية وشربناها
وقلت له: ايهم ازين عندك القهوة التركيه ولا هذي القهوة..؟؟
فهد:لا القهوة التركيه ازين لان هذي القهوة قديمة وموضة عجايز...
مها:انت كيفك مرتاح..؟
فهودي:والله الحمد لله مرتاح وزي الفل مادام اني بجنبك...!
مها:تسلم حياتي
وانا عاد بغيت اكسر الحاجز اللي بيننا قمت وشغلت فيلم تايتانيك وكانت الشاشة والفيديو موجهه لسريري وناديت فهودي وقلت له تعال نتفرج على الفيلم وكان مره منحرج وجاء وقعد على السرير بعد ما نزل شماغه وتفرجنا كلنا عالفيلم وبعدماخلص الفيلم قال انه بيطلع لأنه مواعد اخوياه الساعه اربع يعني قبل الفجر ولبس شماغه وطلع وعند الباب عطيته بوسه على خده وهو عطاني بوسه على خدي ورحت انا لغرفتي وقعدت افكر بشكل فهودي وشخصيته وبعد ربع ساعه دق تليفون الثابت ورديت وطلع فهودي:
فهد:هلا مها...
مها:هلا قلبي هلا بحياتي..
فهد:والله اني مستحي منك يامها...
مها:خير ايش فيه ؟
فهد:انا جيت عندك وكنت مستحي مررره وبعد خايف عشان كذا ماسويت انا شيء مجرد إنا شفنا فيلم وقهوة عجايز مشيها على انها سلام وبس اووكي حبيتي..؟
مها:لا حبيبي ماصار شيء ومثل ماقلت خليها بالمره الثانيه...
فهد:ومتى هالمره الثانية لاني خلاص بخربها ابلبس جنز وابجيب هدية معاي يعني راح نكيف كلنا...
مها:ايش قصدك شكلك تلمح عشان تجي مره ثانية..؟
فهد:ايوووا انا عشان كذا داق ولي ساعه افهمك لكن مافهمتي بس ايش رايك ؟
مها:اذا كنت ودك تجي وبعد انا ابغاك تجي خليها بكره نفس وقت اليوم لان اخوي كاشت مع اخوياه وراح يقعد ثلاث ايام وابوي بالاستراحه مع الشيبان يعني جوا ولا احلى...
فهد:اوكي خلاص بكرا بس ابغى لبسك يكون...له ستايل خاص وانا بعد ماراح اقصر بلبسي اوكي يله تصبحين على خير حبيبتي..
مها:وانت من اهله حبيبي...
سكرت السماعه ونمت نوم حسيت فيه ان وزني صار زي الريشه واني اطير بأحلامي مع فهودي
ويوم قمت من بكرا جبت اريكة حلوة كانت بالصالة قعدتها بغرفتي وتجهزت لفهودي ويوم نامت امي دقيت على فهودي وجاء ...




"الفصل السابع"
الحين ننتقل لحمودي ليقول
لنا مقابلته الثانية باسلوبه




نزلت من سيارتي ومشيت على رجولي ووقفت قدام بيت ست الحبايب وفتحت لي مها بيدين بيضاء وبوجه زي القمر وبأبتسامة ساحرة وتقولي بكلام عذب وصوت رقيق"تفضل حبيبي"
انا ذبت مع صوتها الحلو ودخلت ووقفت قدامها وسكرت الباب وانا مديت يدي ومسكت يدها اليمنى وبكل رقة بوستها وبيدي الثانية هديتي لها ...
مشت مها قدامي ورقينا بالدرج وكانت قدامي وكل درجتين تلتفت علي وتبتسم وانا ارد بسمتها ببسمة...
دخلت الغرفة وانا وراها وقفلت الباب ومدت يدها على اريكة كلاسيكيه وقالت "اجلس حبيبي هنا"وانا اجلس وانا اناظرها بابتسامة وقلت" مشكورة حبيبتي" وكان عندها داخل غرفتها رف بالزاوية بمثابة مطبخ صغير لتحظير القهوة فيه غلاية وقهوة وسكر وجنبها ثلاجه صغيرة ومها اتجهت لرفها الصغير واخذت صينية صغيرة فيها كوبايتين قهوة تركية ومدتها لمي وانا اخذت كوب وهي اخذت كوب وقعدت جنبي وقربت لها انا وحطيت يدي ورا رقبتها وشربتها من قهوتي انا وشربت بعدها وضحكت هي وكانت ضحكتها اجمل ضحكة سمعتها في حياتي ثم قمت انا ووقفت قدامها وقلت لها اني راح اقدم لها هديتي بالطريقة الايطالية وكنت احس انها بأجمل لحظات عمرها وجيت انا ركعت قدامها ونزلت راسي ورفعت الهدية لمها وقلت لها"سيدتي اسمحي لي ان اقدم لكي هديتي المتواضعة لكي اعبر عن حــ..."وتموت مها من الضحك وتطيح علي وانا لا ارادي اقوم واضمها لصدري سولفنا شوي
ونمت انا ومها على السرير بدون ماندري وكانت الساعة تقريباً وحدة ونص ويوم جت الساعة تقريباً اربع وربع يعني بعد صلاة الفجر بثلث ساعة ويطق باب غرفة مها ويطلع ابوها وهو ينادي بصوته الثقيل "مها افتحي"
وانا ومها نقزنا من النوم ومع الارتباك وطق ابوها الباب وصوته المرعب وأقوم بسرعه وحطيت جوالي عالصامت وادخل تحت السرير وانا قلبي يدق ألم وتفتح مها لأبوها ويدخل ابوها وتسلم عليه ويقعد على الاريكة ويدور بينهم حوار:
الاب:شلونك حبيبتي ؟
مها:والله بخير ايش جايبك على هالصبح يبه؟الاب:والله انا توي جاي من الاستراحة وقلت خلني امر على حبيبتي خصوصا اني معاي هدية لها..!
تصرخ مها بفرح وتضحك وتعطي بوسه لابوها ويطلع كرتون هدية فخمة وقالها:
الاب:صحيح ان الهدية جت متأخرة لكن كل هذا من كثر خوفي عليك.. وبعد امك قالت انك اخذتي درجة حلوة في الاختبار التجريبي قلت اجل تستاهل هدية...
مها:تسلم والله يايبه ماقصرت..!
الاب:هذي الاريكة مين اللي جايبها كانت بالصالة؟
مها:انا يبه قلت خلني ازين غرفتي وجبتها لكن عاد ابرجعها للصالة اليوم...
الاب:يله عاد ابروح ابنام والله دايخ تصبحين على خير
مها:وانت من اهله
ويطلع ابوها وتقفل مها الباب وتهمس لي اني اطلع وانا اطلع من تحت السرير والاقي مها فرحانه ونجلس جنب بعض وتفتح مها هدية ابوها وتلاقيها جوال الدمعة ومعاها شريحة جوال وتطير مها من الفرحة وتركب الجوال وانا آخذ رقمها واخزنه بجوالي وانا اطلع واركب سيارتي واروح للبيت عادنرجع لـ مها تكمل لكم القصة...





"الفصل الثامن"
"مابعد المقابلة"


بعد ماطلع من عندي فهودي كنت فرحانة بهدية ابوي وبعد بهدية فهودي لي وبعد فرحانة بوناستي امس مع فهودي وانسدح على سريري واقعد افكر وشوي ويدق جوالي وكان اول واحد يدق على رقمي وجوالي الجديد هو حبيبي فهودي وقعدنا نسولف شوي ثم قالي:
فهودي:مها حبيبتي شوفي انا بقولك شيء بس ابغاك تعتبرينه من صالحك...شوفي حبيتي انا معاي لكزس جديدة يعني لو تروحين معاي الليلة نتعشى وندور بالرس ولو تبغين نروح لعنيزة نتعشى مافي مشكلة وانتي الظاهر انك ماعمرك جربتي تدورين على لكزس الفين وخمسة مع حبيبك تحت جو روعة هاه ايش قلتي..؟
مها:والله شوف تراك شوقتني على الطلعة بس اهلي..
فهودي:اخوك ماراح يجي من الكشتة الا بكرا وابوك بالاستراحة وامك تنام بدري واحنا نطلع من الساعة عشر الى الساعة وحده يعني ماراح ننكشف..هاه ايش رايك..
مها:على مسؤليتك ترى..
فهودي:اووكي..
مها:خلاص تجيني متى مادقيت عليك اوكي..
فهودي:اوكي حبيبتي
مها:والله انت زي الثعلب المكار اعجز لا اقاومك ههههههه
فهودي:هههههه ايش دعوى حبيبتي ترى كل هذا من صالحك وعشانك بس لانك انتي بنت ومنحجرة بالبيت قلت خلني آخذها بطلعة تأخذين نفس...
مها:والله بهذي صدقت حبيبي...
فهودي:طيب ايش رايك بهديتي..؟
مها:والله انا مافتحتها الى الحين لاني لاهية بجوالي الجديد..
فهودي:عاد ترى هديتي مو غالية ولا فيها غرض كبير تراها بس لها قيمة معنوية بس ان شاء الله هديتي الكبيرة والمسكته بالطريق حبيبتي...
مها:اممممم اوكي حبيبي انا الحين ابفطر وبعدين انام والليلة وعدنا اوكي..
فهودي:اوكي خلاص اذا قمتي عطيني دقة وانا امرك... يله تصبحين على خير..
مها:انت من اهله حبيبي.. باااااي
فهودي: بااااااااااي
سكرت السماعة ونزلت تحت للمطبخ وافطرت فطور خفيف ورجعت لغرفتي واخذت هدية فهودي وفتحتها ولقيت فيها عطر "سبلانديد"وضحكت انا وتذكرت يوم اول مره اشوفه وقصة هذا العطر
وجنب العطر صورة فهودي وهو مرسم وشكله جناان وبعد صورة ثانية وهو لابس جنز فخم وطالعه صورته بلوك مررة حلو وجنب العطر والصورتين رسالة شكلها حلو وردية وانا آخذها وكانت تفوح منها عطر سبلانديد وانا افتحها واقراها وهذا نص الرسالة:


"بسم الله الرحمن الرحيم"

حبيبتي مها
احببتك بجنون من اول لقاء لنا
تصورت إن الحب اكبر من الزمن
واقوى من الايام
واقسى من الليالي
هذه قصة ادماني
جرعة عشق
وادمان حتى الموت
انسحبت روحي مني
وعاشت بين اضلاعك
احببتكي فكنتي كالفيضان الجارف
يجرفني التيار إليك
بقوة وبلا رحمة
احبك فأدمنت على حبك
اتألم وافرح في نفس الوقت
ياليتكي كنتي بحراً
لأرمي نفسي في اعماقك
فأغرق وأموت في احشائك
احبك رغماً عن انفي
احبك بكل حالاتي
لتجرديني من
قلبي وعيني ونبضي
وكل حواسي
لتتركين عظامي
عندها ستحدثكي عظامي عن حبك
المغروس فيها
المنقوش عليها
"احبك بكل عنف"
:احبك الى حد الثورة"
"احبك الى حد الجنون"
احبك واعلم انكي لاتحبيني كما احبك
احبك حتى الموت
احبك فأخترت قلبك مسكني وقبري
فلنحيا معاً
ولنعيش معاً
ونموت معاً
عشاق الى الابد
مع خالص الأمنيات
من محبك
فهوووودي



وانا قاعدة اقرأ الرسالة لا ارادي سالت دموعي ويوم قضيت من قراءة الرسالة ضميتها لقلبي وخبيت الرسالة في مكان آمن عشان ماتضيع لان الرسالة أغلى ما املك وبعد صور فهودي خبيتها مع الرسالة
وقعدت على السرير يعني خلاص شوي وانام وانا قاعدة افكر برسالة فهودي وكانت بالنسبة لي حروفها احسها طالعة من قلب فهودي وداخله بقلبي وبعد الرسالة زاد حبي لفهودي عشان كذا قمت وجبت ورقة حلو شكلها وعطرتها من عطر سبلانديد وخليتها تنشف وكتبت عليها رسالة عشان اعطيها لفهودي الليلة اذا طلعت معه المهم وكتبت الرسالة وطرقتها وحطيتها على المكتبة ونمت...






"الفصل التاسع"
"المقابلة خارج المنزل"

وقمت على صوت امي تطق الباب وتقومني لصلاة العشاء وفتحتلها الباب وقعدت امي تخانقني وتنصحني ليه انا نمت عن صلاة الظهر والعصر والمغرب المهم نزلت امي تحت وصلت صلاة العشاء ونامت
وانا ادخل الحمام واتروش واتنظف واتعطر والبس جنز والبس عباية فرنسية واطق ذيك اللثمة وادق على فهودي وربع ساعة وهو عند الباب وانزل للشارع وافتح الباب واطلع واناظر والا سيارة لونها لؤلؤي وكانت فخمة مررررة وبعد فهودي نازل من السيارة ويوم قربت من باب السيارة ولا فهودي يفتح الباب ويمد يده واركب السيارة والمراتب مررة حلوة مراتب جلد لونها بيج ويركب فهودي ويحرك ويمشي ويدور فيني بالرس شوي ويسألني:
فهد:الرس طفش مافيها اماكن حلوة تبغين نروح لعنيزة نتعشى هناك ازين..
مها:والله على راحتك تبي نمشي مشينا..
ماصدق فهودي على الله الا وهو يسرع ويطلع من الرس متجه لعنيزة وكان يمشي الظاهر ميتين واربعين من السرعة ولكن من فخامة اللكزس ماتحس انك مسرع والمهم انه كان كاشخ بالمره ويشغل المسجل وكانت اغنية لجواد العلي والتفت فهودي وقال:والله اليوم مريت واحد من اخوياي واخذت منه سي دي جواد العلي عشانك انتي..
مها:طيب ليه عشاني انا وليه جواد بالذات..
فهد:والله بس لان البنات معجبين بجواد وانا قلت مها اكيد تسمع لجواد..
مها:والله شكلك انت تغار من جواد لان كل بنات السعودية معجبيبن فيه...
فهد:والله شوفي اللي يقهرني انه لاجئ فلسطسني جاي هنا بفيزة كهربائي وبالاخير يعجبون فيه كل بنات السعودية اصلاً ايش معجبكم بهالخكري..
مها:طيب هو حلو بس
مو ازين منك انت...
فهد:تسلمين ياقلبي...والله انك اعجبتيني بلثمتك هذي واحس اني ودي آكلك
مها:تضحك هههههههههههه تاكلني حلوه تاكلني...بس ليه هههههههههه
فهد:هههههههههههههههه كذا بس لانك طالعه حلوة زي القمر واحس انك ملك منزل علي من السماء
ويرفع فهودي على المسجل على اغنية حبيتك وهو ياخذ يدي ويمسكها بيدة ويحطها على التكاية وطول الطريق يناظرني ويبتسم...
وصلنا عنيزة وقعد يلف فيني بعنيزة ووقف عند عصيرات "الامراء"واخذ له عصير ليمون بالنعناع وانا اخذت لي عصير فراولة وكملنا دوراننا وطول الطريق يدي على يده على التكاية وكان كل مابين فترة وفترة يعطيني بوسة وكان يعطيني شعور حلو مع كل بوسة...
وبعد فترة قالي
فهد:ماتبينا نتعشى ازين..؟
مها:والله فكرة حلوة
فهد:عند اي مطعم كنتاكي والا انتي اصلاً ايش تحبين عشاء..
مها:والله احب العشاء الشامي يعني مشويات وسلطات ومتبلات وانت ايش تحب..؟
ويلتفت فهودي علي ويناظرني بنظرة حللوووة ومع غمزة قالي"احبك انتي"
وضحكت بقوه ويضحك وانا اضحك معاه..
ووقف عند مطعم الارز اللبناني ونزلنا بقسم العوائل ويوم طلبنا وراح اللبناني يجهز الطلب سكرنا باب الكابينة اللي حنا قاعدين فيها يشفشفني ويضغط على نهودي ويوم خشينا جو حلو طق علينا اللبناني وهو معاه العشاءوحط الأكل على الطاولة وطلع وبدينا ناكل وجا فهودي واخذ الشوكة واخذ فيها قطعه من كباب الدجاج واكلنياها وانا اخذت قطعة من شيش الطاووق وحطيتها في فم فهودي وقعد يضحك فهودي ما ادري على ايش وجيت انا قلت خلني اجاريه بالوضع وقعدت اضحك معاه وصرنا زي الخبول نضحك وماندري على ايش...
وكملنا عشانا وطلعنا واخذنا كذا لفه واخذنا بعدها شاي اخضر وكملنا لفتنا بالثيل اللي عند دريم لاند وبعده كملنا طريقنا للرس...
وحنا بالطريق عاد ابخلي يقص لكم حمودي اللي صار...
كنت امشي على الكتف بالطريق وكنت ماشي تقريباً ستين ونوقف السياره شوي واضمها لصدري بقوه وتجي مها وتقول:
"آآآآآآه على صدرك حنون
وتبدأ تغني بصوت حنون وبصوت خفيف مررة:

ناديتك حبيتك واهديتك حب واحساس
واتمنيتك تفهم حبي لكن فيني ماحسيت
كلمتك فهمتك وبديتك عن كل الناس
واترجيتك تسمع قلبي لكنك عني تخليت...

وجيت انا رديت عليها بصوت خفيف زي صوتها:

همك اهو همي
وجرحك اهو جرحي
ياخلي لاتحزن افداك انا وفرحي
ماهمني العالم
دامك علي راضي
ومهما حكوا عني
كله حكي فاضي
قلبك ترى مني
وقلبي ترى منك
ولو ينقلب هالكون
ماجوز انا عنك

رفعت راسها مها وناظرتني بأبتسامة وعطتني بوسه ونزلت من السياره شوي ويوم جيت ابركب لقيت مها راكبه بمرتبة السواق وتناظرني وتضحك وتقولي:
مها:صح شكلي اعرف اسوق..؟
انا بعد ركبت بمرتبة الراكب
وقلت:والله اذا تعرفين تسوقين سكري بابك وحركي يالله..
مها بضحك وصراخ فرح:والله يعني ابسوق لكزس هههههه
واحط لمها القير على الدي وافك لها البريك وبدأت تمشي وهي تضحك وتتمسك بالدركسون زي الشياب
وهي تضحك ضحك زي اللي مو مصدقة انها تسوق وبعد تسوق لكزس
وطلعت على الطريق والحمد لله انه كان الشارع فاضي لان الساعة ثنتين وخليتها تمشي بطريق التريلات ومشت وصارت تناظرني وتضحك ويوم شفت الطبلون اثرها تمشي ميه واربعين والبنت مهجولة ولا حست بالسرعة وعاد انا جيت ماودي اهبلها قلت لها هدي شوي وهدت البنت ويوم قربنا من كوبري عنيزة يعني قدام نفود البدائع وتصفط على جنب مع ضربة بريك قوية لزقتني بالقزازة اللي قدام وهي قاعدة تضحك وانا امسك الدركسون وامشي واسرع مررة واشغل اغنية رابح سهرتنا وارفع عليها ونقعد نرقص ونضحك انا ومها لين تقطعت بطوننا من الضحك ويوم وصلت الرس وأوقف عند باب بيت مها ويوم جت تبغى تنزل التفتت وأبتسمت وتطلع من جيب بنطلونها ظرف رسالة صغير وريحته زي عطر السبلانديد وحطته في يدي وعطتني بوسة وقالتلي باااااي ونزلت ودخلت البيت وانا حركت ومشيت ويوم وصلت البيت وانسدحت على سريري وافتح الظرف واطلع ورقة وافتحها اثرها رسالة وهذا نصها:

"بسم الله الرحمن الرحيم"
عشيقي فهودي
ارسل لك اشواقي
المعطره بالفل والياسمين
وانا ااستطيع اعلنها بكل صراحة
اني احبك بجنون فظيع
ما استطيع التحكم فيه
وانا من اول لقاء لنا
ومن يوم مالامست شفتي شفتك
ومن يوم ما ضم صدري صدرك
ومن يوم ما تبادلنا الاحاسيس
وانا احسك عضو من جسدي
ما استطيع اني اتخلى عنه
وانا اعاهدك من كل قلبي
انني لن انساك في كل لحظة
من عمري
واني ماني متخلية عنك
وانا ابغاك تكون حبيبي للابد
من محبتك المخلصة
مها


ويوم خلصت من الرسالة وانا احط الرسالة على فمي وابوسها وعيوني تقعد تدمع
وانا آخذ الرسالة واحطها في دولابي عشان ما تضيع وانا انام...
‏
‏
‏

"الفصل العاشر"
‏

وقمت من بكرا بعد صلاة العصر وانا اتروش والبس جنز واطلع بالاستراحة عند اخوياي وقعدت بالاستراحة وانا طول ما انا قاعد انتظر مها تدق علي لان هذا هو وقت دقتها
ويوم جت الساعة وحدة ونص ومها مادقت انا حطيت بخاطري انها مشغولة المهم وبعد صلاة الفجر طلعت من الاستراحة ورحت للبيت ونمت ومها مادقت....
وقمت من بكرا بين الظهر والعصر بعد كابوس مرعب واقوم واغسل واناظر الجوال واثره مافيه ولا مكالمة لمها وتبدأ والوساويس تلعب فيني واتروش بسرعة واطلع من البيت بعد صلاة العصر وادور عند بيت مها وسيارة ابو مها مو موجودة اما سيارة اخو مها كانت موجودة وانا ابدأ اوسوس وانا اتجرأ وادق على رقمها واول مكالمة ماردت وثاني مكالمة ويرد رجال:
فهد:السلام عليكم..؟
الرجل:وعليكم السلام..
فهد:بالله عطني سالم..؟
الرجل:مين تبي انت..؟
فهد:بالله عبدالله عطني سالم لاتقعد تهستر
الرجل:ياخوي انت مين تبي هذا جوالي انا واسمي احمد شكلك غلطان..
فهد:اممم معليش اخوي ازعجناك..
الرجل:لا عادي
فهد:يالله مع السلامة..؟
الرجل:يا هلا والله.
وتلعب فيني الافكار اكثر واكثر واقعد اكلم نفسي: لايكون اهلها كاشفينها ...
وادور فكرة يمين يسار وتطلع لي فكرة رهيبة وهي انه فيه بحارتنا واحد يسحب بالعالم بصوت بنت واخليه يتصل على رقم بيت مها اكيد بترد ام مها وراح يكلمها على انها زميلتها...
واروح بسرعة للولد هذا واطلعه من بيتهم واركبه معاي باللكزس واخليه يدق من رقم جوالي على رقم بيت مها وعلمته السالفه ودق عليها وطبعاً بصوت بنت وكان الولد اسمه مؤيد:
مؤيد:السلام عليكم..
ام مها:وعليكم السلام..
مؤيد:مها موجودة..؟
ام مها:والله يا بنيتي مها الله يشفيها بالمستشفى..؟
مؤيد:ايش..!؟ بالمستشفى ليه سلامات..؟
ام مها:انتي مين يا بنيتي..؟
مؤيد:انا يا خالة زميلتها..
ام مها:والله ابو البنت شرا لمها جوال ويوم جا اخوها من البر زعل ليه يشريلها جوال واخذ منها الجوال وضربها وهي الحين بالمستشفى بالرياض..
مؤيد:سلامات خاله بأي مستشفى بالرياض..
ام مها:والله بمستشفى قوى الامن يا بنيتي..
مؤيد:زين يالله مع السلامة..
ويسكر مؤيد الجوال وانا بدا يتغير وجهي وبدأت زي الحالة النفسية وبديت اتنفس بشكل غير طبيعي وانا انزل مؤيد بالحارة وانا امشي على طول للرياض ومن سرعتي كنت امشي ميتين وخمسين وبعد حوالي ثلاث ساعات وانا بالرياض وانا على طول لمستشفى قوى الامن وادخل على الكاونتر واسئله:بالله يالطيب فيه مريضه هنا ابسألك باي قسم..
الكاونتر:ايش اسمها..؟
فهد:مها بنت فلان الفلاني..
الكاونتر:والله يالطيب في قسم جراحات القلب في الدور الثالث على يدك اليمين..
ونزلت علي جراحات القلب زي الصاعقة وانا عجزت استوعب ورجولي عجزت لا تمشي وانا ابدأ امشي ورجولي تصيبها رعشة وريقي نشف من الخوف وتخطر على بالي صورة مها وهي تضحك وانا تجيني قوة وامشي وادخل اللفت واضغط على الدور الثالث..
ويوم وقف اللفت على الدور الثالث وانا ادور بالاسياب زي المهبول وانا اوقف عند استعلامات جراحة القلب وكانت فيه موظفه سعوديه وانا آقف قدمها:بالله مها بنت فلان الفلاني في اي غرفة..
الممرضة:انت مين اخوها..
فهد:لا والله قريبها..
الممرضة:والله ممنوع نعطيك بيانات مريضة انت مو محرم لها..
انا"بعد ما ناظرت يمين ويسار":والله انا حبيبها والله احبها وانا عجزت استوعب دخولها المستشفى تكفين ساعديني لو خمس دقايق اشوفها
"وانا اقعد ابكي عجزت امسك نفسي"
الممرضة:والله ممنوع ما اقدر اساعدك والله انا ودي بس القوانين..
انا ببكاء محزن:بكيف القوانين انا حبيبتي هنا داخل وودي اشوفها تكفين بس دقيقة وحدة..
الممرضة بنظرة رحمة:شوف ابدخلك عليها بس عشر دقايق وتطلع وانا كأنك ماشفتني..اوكي
فهد:اووكي يله بسرعة
وصرت زي المجنون اللي ماصدق خبر وصرت اهيم بالسيب على عماي وكنت امشي ورا الممرضة
ويوم دخلت الغرفة والممرضة وقفت برا وصارت بس تشوفنا من برا وانا ادخل الغرفه ورجولي ما اقدر اوقف عليها ويوم ناظرتني مها وكان على فمها اوكسيجين وهي تقوم من مكانها وتبتسم وانا اركض واخمها وانا ابكي بكاء حار عجزت لا امسك نفسي وهي بعد تبكي وانا ما اصدق اني واقف قدامها وأنا أبوسها ثم بكينا بكاء حار وانا اسألهاوشلونك انتي الحين والله اشتقتلك يامها والله خايف عليك"
وهي ترد علي بصوت شاحب يقطعه البكاء"بخير حبيبي انا بعد اشتقتلك ولهت عليك"واضمها لصدري ونقعد نبكي كلنا واناظر الممرضة تناظرنا وهي عيونها تدمع واحس انها رق قلبها مع الوضع وانا آخذ مها وأسدحها على السرير وانا اجلس جنبها وانا ابكي وتجي الممرضة وتعطيني منديل وتقولي يله اطلع لان اهلها بيجون الحين وانا اقوم واودع مها واطلع واوقف عند مكتب الممرضة وقعدت اكلمها:
فهد:دكتورة هي ايش فيها..وانا قاعد امسح دموعي..
الممرضة:والله شوف مها اصلاً قلبها صغير وما تتحمل العصبية الزايدة واخوها خانقها بقوة وبعد ضربها عشان كذا تصلبت شرايين قلبها واغمي عليها واحنا بعد ساعتين نبغى نسوي لها عمليه لكن بعد العملية ماراح يبقى لها من شرايين قلبها الا واحد يعني اي مؤثر عصبي راح يعرض حياة مها للخطر
فهد:طيب العملية نسبة نجاحها كبير ولا قليل..
الممرضة:لا العملية ان شاء الله نسبة نجاحها كبير واملنا بالله كبير
فهد:ممكن كلمتين اقولها لمها قبل العملية وقبل لا يجو اهلها ..
الممرضة:طيب لا تتأخر..
ورحت ودخلت على مها وكانت مرهقة وكانت مسكره عيونها وانا اعطيها بوسة وانا اقعد جنبها وافلي شعرها وانا اهمس بأذنها:
فهد:انا راح اكون معاك في هالمستشفى وان شاء الله تشفين وتطلعي من المستشفى وتروحين للرس واشوفك هناك وتركبين معاي باللكزس وتسوقينها ونروح نتعشى جميع وبعدين اطلب يدك من ابوك ايش رايك..؟
وترد مها وعيونها مسكرتها مع ابتسامة:ايوا واطق لثمة ونهجول بعنيزة ..هههههه
فهد:هههههههههه عاد الحين اهلك بيجون وانا ابطلع واذا أهلك طلعوا انا بجي نقعد مع بعض اوكي
مها:اوكي حبيبي عطني بوسة..
واعطيها بوسه واطلع واروح للممرضة السعودية الله يجزاها خير وكلمتها..
فهد:شوفي اختي انا عارف ان هذا شيء صعب عليك واصلاً شكله اول مرة ينطلب منك..
الممرضة:آمر ايش عندك..
فهد:شوفي اهل مها بيجو الحين صح وانا ابغاك تتكرمين اذا اهلها طلعوا من عندها وراحوا تدقين علي وأجي انا عندها اووكي..
الممرضة:هههههه انت مجنون ولا ايش..
فهد:والله شوفي انا مو مجنون بس انا خلاص انتهيت يوم سمعت ان مها دخلت المستشفى..
الممرضة:شكلك انت خطيبها..
وانا اناظر الارض:لا والله انا مجرد عشيق لمها بس يعني اثنين عشقو بعض يعني ايش راح تتوقعين يوم شاف العشيق ان عشيقته دخلت المستشفى وخصوصاً اذا عندها القلب يعني تكفين ساعديني لانها الفرصة الوحيدة اللي اقدر اشفي غليلي بشوفة مها تكفين الله يوفقك..
الممرضة:يعني انت تحبها بس وهي تحبك وما بينكم اي صلة قرابة...
فهد:ايوااا كذا عليك نور...
الممرضة:طيب انا بساعدك للمرة الثانية بس وراح اعتبر نفسي بطولية لاني شفت لأن حبكم شوية قوي
وانت الحين عطني رقمك وانا راح اتصل عليك اذا شفت ان الجو صافي ومافيه احد ولكن وارجع واقول اذا فرضاً انت تمشكلت انا ما اعرفك ولا عمري شفتك اوكي..
فهد:اووكي سجلي عندك صفر خمسه صفر تسعه سبعه ستتين خمسه أثنين واحد (رقمي خريطه صح عندي رقم مميز بس ماني معطيكم أيها) اوكي
الممرضة:اوكي خلاص بالتوفيق..
واطلع من المستشفى واروح استأجر شقة واتروش فيها وانام ومن بكرا بعد صلاة العصر بساعة تقريباً طلعت من الشقة ورحت اشتريت طقمين جنز ولبست واحد منهم وقعدت ادور بالرياض واكيد قريب من المستشفى وصدفة بعد نصف ساعة تقريباً يعني على آذان المغرب ويدق علي رقم غريب ورديت عليه والحمد لله تطلع الممرضة وتقولي يله تعال اهلها طلعوا وماراح يجو الا بكرا عشان فيه مراجعه لان العملية خلصت منها..
وانا ماصدقت خبر وماوقفت السيارة الا عند مدخل المستشفى وانا انزل واشتري من عند البوابة باقة ورود وصحن شوكولاته وانا اروح لغرفة مها وانا ادخل عليها والاقيها صاحية وكانت تبي تقوم لكنها كانت مربطة بالمغذيات وانا اقعد الورود والشوكولاته على سريرها واسلم عليها واعطيها بوسة على جبينها واقعد جنبها على السرير ونقعد نسولف انا وياها ونضحك واكلتها الشوكولاته والحمد لله اني ريحت نفسيتها وطلعت للممرضة وكلمتها:
فهد:شوفي دكتورة ممكن طلب صغير وانا عارف اني ثقلت عليك..
الممرضة:ايوا انت عليك طلبات مستعصية لكنك شفتني خبلة وساعدتك وانت ماصدقت طيب انت ايش عندك الحين..
فهد:معليش دكتورة بس انا شفت ان مها ودها تاخذ لفه بس على العربية ..
الممرضة:امممم انت ما تستحي بس يله خذها بلفه وانا ابشوف ايش نهايتها معاك..
وانا اركض آخذ عربية واركب مها هي ومغذياتها وابدأ آخذ فيها لفات بالاسياب وانا قاعد اسولف معاها وأبدأ افحط فيها بالاسياب ومها تقطع من الضحك ورجعتها لغرفتها وتنسدح على السرير وانا اقعد معاها شوي وثم طلعت لأن وقت الزيارة خلص وانا اروح للشقة وانا اضغط بجوالي وانا اكتب رسالة للمرضة هذا نصها:
"مشكورة والله على مساعدتك لي ومعليش اذا في لحظة ثقلت عليك وسامحيني لاني والله مرتبك لان مها بالمستشفى"

واقعد شوي واطلع واتعشى ويوم جت الساعة وحده وعشر وانا ارجع للشقة وانام...
وقمت من بكرا الساعة ست ونص يعني بين المغرب والعشاء وانا اناظر جوالي ولا فيه رسالة من الممرضة وانا افتحها وهذا نصها:
"اصلاً لو ان دخلتك على مها فيها راحة لنفسية مها ماكان سمحتلك تدخل عليها وعاد الله يوفقكم "

وانا اطلع من الشقة واروح آكل بيتزا وآخذ كذا لفه وانا كنت بالسيارة وتجيني رسالة من الممرضة وافتحها والاقي فيها:
"تعال للمستشفى الحين"
وتبدأ تلعب فيني الوساويس وانا على طول للمستشفى وانا اروح على طول للممرضة:
فهد:هلا ايش فيه..؟
الممرضة:مافيه الا كل خير بس مها امس خلصت عمليتها واليوم دخلت عند الدكتور والدكتور قالها لازم تروح للشرقيه او لـ جدة عشان الجو الساحلي يساعدها على العلاج بأسرع وقت والحين هم بالطريق للشرقيه رايحين على مستشفى قوى الأمن بالظهران وانا حبيت اني اعلمك عشان تلحق على حبيبتك
فهد:مشكورة والله انك ماقصرتي وما راح انسى لك جميلك هذا واذا احتجتي اي شيء ترى رقمي بجوالك..


‏ "الفصل الأخير"
‏

وانا اطلع من المستشفى على طول للشقه وانا آخذ اغراضي وامسك طريق الدمام وانا امشي ميتين وثلاثين وانا اوصل الظهران واستأجر شقه وانزل اغراضي فيها واطلع لمستشفى قوى الأمن
وانا اقعد في انتظار الرجال في عيادة جراحة القلب وانتظرت وطفشت وانا انتظر لين لمحت مها مع ابوها واخوها يطلعون من عيادة جراحة القلب ويوم طلعوا وانا على طول ادخل على الدكتور والاقيه دكتور مصري حبيب وانا اسلم عليه واسئلة عن حالة مها:
فهد:كيف حالة مها يادكتور..؟
الدكتور:انت جوزها ولا ايه ؟
فهد:لا يادكتور انا خطيبها وحبيت اتطمن على حالتها بس؟
الدكتور:شوف مها عاوزة اليوم راحة على السرير وتبتعد عن المثورات النفسية والعصبية وبعده لازم تجلس عند البحر وخصوصاً فترة الصباح قبل لا تطلع الشمس وعلى فكرة اي مؤثر عصبي حتى ولو بسيط ممكن تؤدي للوفاة لا سمح الله اوكي
فهد:اوكي دكتور مشكور وما قصرت..
وطلعت من المستشفى وقعدت اخذ كذا لفه وخطرت في بالي فكرة وهي اني اكلم مؤيد اخليه يكلم على جوال مها واكيد يبي يرد عليه اخوها احمد واذا شاف مؤيد انه طالع له بصوت بنت راح يعطيه مها ويقولها تدق علي انا..
ونفذت الخطة وخليت مؤيد يدق على جوالها وسارت الخطة على زي ما ابي وبعد ربع ساعة تقريباً دقت علي مها وانا اكلمها:
فهد:هلا مها كيفك ان شاء الله ازين اليوم..
مها:والله اليوم مررة كويسة شلونك فهودي والله اني مشتاقة لك ومشتاقه اني اشوفك على البحر..على فكرة انت بالرياض ولا بالرس..
فهد:لا حبيبتي انا عندك هنا بالظهران...
مها بصراخ الفرح:والله حبيبي تكفى ابغى اشوفك على الهاف مون على البحر بس خمس دقايق نشوف بعض بس والله ولهانة عليك...تكفى لاتردني..؟
فهد:والله حتى انا بس اهلك اكيد ابوك واخوك راح يكونوا معاكي عالبحر...
مها:لا حبيبي انا اجلس معهم على البحر وشوي واقولهم اني ابمشي لحالي وانا اروح لشاليه بعيد عنهم وتكون انت فيه واشوفك بس حبيبي..."وتبكي مها على التليفون"
انا بعد ما رق قلبي عليها:خلاص اللي تشوفينه بس اهم شيء راحتك...
مها:خلاص حبيبي اليوم راح انا اجلس بالشقه وبكرا راح نطلع للهاف مون بالخبر واكلمك اذا طلعنا...اوكي يله باااي
فهد:باااااي
واقفل المكالمه وانا كل بالي معاها وكلي قلق عليها وانا ابكي يوم تذكرت انها بكت علي بالجوال يوم بغت تشوفني...
وانا قعدت اقضي وقتي بمقاهي الانترنت والدواران لين جاء بكرا وانا اروح للحلاق وازين نفسي واطقم تكميلة واشتريت وردة حمراء كانت ريحتها مررة حلوة وتجهزت ودقت علي مها وانا اتحرك للهاف مون
وناظرت جلست مها وابوها واخوها وانا اروح بعدهم بعشر شاليهات تقريباً وانا اوقف واقعد داخل الشاليه وبعد يمكن ثلث ساعة دقت علي مها وسألتني وين انا ووصفت لها الشاليه ويوم دخلت علي بالشاليه وانا اقوم واضمها لصدري واعطيها بوسه على جبينها وتنزل من عيني الدمعه والاحظها بعد شوي وتبكي واجلس انا وياها على الكرسي وانا اسولف معاها واقدم لها الوردة اللي ريحت لها نفسيتها واشوفها تبتسم وبدينا نسولف عن رجعتها للرس وايش نبي نسوي فيها...
وحنا نسولف ...فجأة...؟؟ !!!