انشاء نقطه شرطه للهياتم

تذكير بمساهمة فاتح الموضوع :

منذ ايام تم وضع حجر الاساس للبدء فى بناء نقطه شرطه الهياتم وذلك فى محاوله من النائب جمال شاهين للحول دون وقوع حادث سرقه جديد حيث انه تعرض للسطو من قبل مجموعه من اللصوص سطوا علو منزله ولم يجدوا شيئا يستحق السرقه واثناء الاحتفال بوضع حجر الاساس قام النائب عضو مجلس الشعب السيد جبر باهانه القريه باكملها على مسمع ومراى من مساعد الوزير ومحافظ الغربيه ومامور المركز وكل الضيوف على الرغم من ان القريه هى التى صنعت له كرسيا لم يكن ليحصل عليه ابدا ولم يرد عنا احد من الواقفين الا شاب من القريه اجابه بانها حقا قريه وسخه لانها جعلت لمثلك كرسيا فى مجلس الشعب فاذا كان الحال هكذا الان فكيف سيكون فيما بعد

طيب دلوقتى غيه اللى جاب سيرة السيد جبر وعلاقته بالنقطه يا أستاذ رضا حدد موضوعك نقطة الشرطه أكيد هتفيد البلد

والله مسئلة النقطة كويسة بس يارب متكنش نقطة على راسى البلد للمصائب فقط بمعنى انها متجيش اخر السنة تشد الناس لتقفيل قضية فى اخر السنة وتكون فعلا نقطة بمعنى الكلمة يعنى يكون فيها ناس 24ساعة ويعرفو اللى داخل البلد من اللى خارج ويعرفو ابن البلد من الغريب اللى داخل يعمل حاجة ويعرفو يوقفو الناس اللى ملهاش شغلانة غير معاكست البنات وشرب المخدرات وسرقة الناس

وبالنسبة لليسد جبر انا افتكر من ايام ما كنت فى البلد ان هو كان بيجى يلف البلد كلها ويقول هعمل اللى محدش عملة بس ونبى انتخبونى اعملو معروف بس احنا اللى غلطانين على فكرة المفروض اساسا اى شخص من برا البلد ولا يلومنا فى شى لان محدش بيعمل حاجة للبلد والمفروض كل مرة نشوف واحد من البلد يكون يخدم واحنا اللى نرشحة ونضغط علية شكل قبل كدا الدكتور ربيع الشيخ لما كان مرشح نفسى بس للاسف اللى كان قدامة بتاع الغزل والنسيج مش فاكر اسمة الله يرحمة وهو مات اساسا بعدها بكام شهر بعد نجاحة بس نطكلع من الموضوع اللى حصل للسيد جبر ان هو ممنوع نخلى احد من برا البلد يتحكم ومحدش يعرف يعمل معة حاجة لانة بعيد عن البلد وكل ما احد يروح لية يقولو فى البيت هو مش موجود وفى اخر الكلام يارب نتعلم من اللى بيحصل
وشكرا واسف لو كلامى جارح شوية

عارف يا استاذ وائل لو الهياتم اقلعت عن الانتخابات محدش هينجح

واحد زى السيد جبر عمل خدمات كتير بس شخصية وظف فلان وفلان وخلص لعلان مصلحة

بعد كده لو حد انتخبه يبقى غلطان

والنقطة لو اشتغلت هتبقى كويسة اوى

بس موت يا حمار يوم الحكومة باكتر من خمس سنين دلوقتى

يعنى داخلة فى حوالى 10 شهور ومفيش طوبة فى ارض القسم

يارب تكون فى مصلحة البلد

اكيد هتكون فى مصلحة البلد وهتحلى البلد محكومة شوية من الشوية اللى موجودين فيها شكل اى بلد وبالنسبة للترشيح بجد المفروض اى واحد من برا البلد يدخل يخرج منها شكل ما دخل تعرف لو ينفع الواحد يكتب فى مدخل البلد من على الطرق السريع من عند مسطورة ممنوع دخول اى مرشح من برا البلد الواحد كان عملها لان كلة بيدخل وبعد كدا وش الضيف اللى جة مرة واكل ومشى وبعدين محدش شافة غير لما يجوع يرجع تانى هى الانتخابات كدا بالظبط

ردي لن يختلف كثيرا عن رد المستر الا اني اضيف عليه للاخوه الذين يثقون بالحكومه لفتات كمغترب يرى تردي الاوضاع الاخلاقية بالقرية ومطلع على ما يدور داخل اروقة الاحزاب السياسية وكذا فكر الجمعبات والجماعات الدينية بالعاصمة وبالقرية ايضا اولا الفارق بين العمده (الناجح )و ضابط الشرطه (ال........) نجاح العمدة باستقرار الامن وقلة المشاكل اما الضابط (ال.......) فبكثرة ما يحرره من محاضر ثانيا اعتقد ان تجار المخدرات كترو في البلد بمساندة الضابط (ال......) ثالثا وهذا الكلام للاخوه الذين يثقون بالحكومه لانهم لم يعاصرو الا حكومات ( الهاتك لامر الله ) يعني في عهد الرئيس السادات رايت بعيني الشيخ الباقوري رحمه الله ولفيف من الوزراء وطبعا المحافظ وهم يضعون حجر الاساس لجمعية الشبان المسلمين وتم البناء على اسرع وجه كمارايت عدة وزراء في حملات انتخابية لدى المرحوم الحاج (عزت عجينه ) رحمه الله من اجل الصوت الانتخابي ياترى فيه وزراء بينزلو البلد عذراُ للاطالة ولكن واقع الحال لا يبشر واعتقد الصوره الرمزية لمدير المنتدي خير دليل على صدق الكلام رسالة (الى كل شريف في البلد _مش بلطجي ولا حرامي _ خلي بالك من نفسك )