الحب والرومانسيه

البنت محتاجة الحب والرومانسية والدفء والأمان ... محتاجة لإنسان يحتويها ويفهمها ... بس أكيد دايما كل حاجة بتاخد وقتها مفيش حاجة بتيجى بسرعة غير وبتضيع بسرعة ... عشان الحب ده زى النبات مش أول ما نزرعه يبقى نقعد مستنين الحصاد ... لازم نصبر ونرويه بهدوء ونستنى الزرع لما يبقى ليه جذور تحميه من أى عواصف ممكن تموته ويبقى قوى عشان نعرضه للمشاكل اللى بتحصل ... انما محدش عنده صبر الناس كلها عصبية ... كله شايف التانى غلطان ... محدش عايز يعترف بغلطه ... كله بيرمى على كله والحياة كل يوم بتبقى أسوأ ... ومفهوم الحب ضاع بين التفاهة اللى فى الأفلام ... لو كان الممثلين اللى بيعملوا أقوى الأفلام الرومانسية فى الدنيا بيطبقوا اللى همة بيعملوه فى حياتهم مكنش فيه ممثل طلق ممثلة ... انما أغلب وأشهر حالات الطلاق بينهم ... المشكلة إن الحب الحقيقى أروع من الى بنشوفه ... بس محدش قادر يصبر ... وكله بيجرى ورا الوهم الى فى الأفلام وطبعا النتيجة ان الكل بياخد على قفاه ومشاكل وحوارات مش بتنتهى ... وطبعا أكيد السبب الطرف التانى من قبل ما حتى حد يعرف اية المشكلة !!
ياريت نبعد عن دماغنا المفهوم الملوث بتاع حب الأفلام وندور على الحب الحقيقى اللى من غير مشاكل ... وعلى فكرة موجود واللى بيوصله مش بيسيبه أبدا وناس كتير مبتتكلمش عنه عشان خايفة الباقى يحسدهم عليه ...
والله موجود واللى يفكر شوية هيلاقيه ... والحدق يفهم....








لو الايام بتتكلم كانت قالت عملنا ايه وكان الحب قد ايه وراح ازاى وكنا ازاى ودلوقتى بقينا ايه

لكن فيه ناس كتير بتحاول انها توصل للحب ده
لكن بتقابل عقبات كتير العقبات دي هي اكتر حاجه
ممكن انها تعطل المراكب السايره يا احمد
حتي ولو كان بيحبها هو فعلا من قلبه وهي كمان
لان فيه ناس مخلوقه فقط علشان ما تحبش الخير للناس
وتلاقي هما دول اللي عاملين المشاكل كلها
لكن انا معاك في كلمة انك انت فعلا لو لقيت انسان يحبك بصدق
وضحيت من اجله حاجات كتير غاليه عليك وهو كمان ضحي من اجلك
مش من السهل ابدا انك انت وهو تضيعوا الحب من ايديكم


وبجد توبيك جميل اوي يا احمد تسلم ايدك