رغيف العيش

دى قضيه فعلا لازم الوقوف عليها
ومشكور اخى الكريم على عرض القضيه
وان شاء الله نتوصل سويا لحل لهذه المشكله
من اجل مصلحه ابناء الهياتم

تمام يا تيجر
بجد موضوعاتك كلها لها هدف
يارب دائما تستمر بموضوعاتك الهادفه
وان شاء الله المشكله تحل

شكرا على ردك يا استاذ احمد
وجهه نظرنا عدم منع الاشتراكات الشهريه
دعلشان هاترجع ريما لعادتها القديمه
بس احنا عايزين تقديم خدمه افضل
طالما المقابل مدفوع مقدما

كلامكم كلكم تمام
دى حاجات بجد مش لازم السكوت عنها

انا بشكر تيجر على موضوعه الرائع
الى لازم يفهنا حاجات كتير
غايبه عننا

[color=darkblue]يعنى هو احنا لازم نروح نوقف فى الطابور والزحمة على الأكشاك وواحد مالوش لازمة يتحكم فيك هو ده الأحسن فى رأيكم .
طب ليه ما نتكلمش مع الشيخ / نجيب اللى انت عمال تشوه صورته على المنتدى دى كلام غلط اللى انت بتعمله دا راجل دين فاضل غلط اللى انت بتعمله
طب ما تتحمل انت المسئولية دى وحت نفسك فى مكانه كنت هتعمل ايه - راجل لازم يوصلك العيش الساعة سابعة يعنى هيعمل ايه يروح الفرن من الساعة 3 علشان خاطرك وعشان يبرد العيش انت بتتكلم فى نص جنيه ولا جنيه الفرق بين الهياتم والبلاد التانيه مش مبلغ والراجل بياخد ال16000 بيحطهم فى جيبه ياريت نتريس فى الموضوع ونحاول نحل المشاكل دون اللجوء الى التشويه وبلاش ذكر أسماء دا زى والدك ترضى حد يكتب عليه كده ياريت نحكم عقلنا والاستاذ اللى لاقى صرصار كان الصرصار صاحى ولا ميت هتفرق كتير


استودعكم الله - ان شاء الله هنلاقى حل

( بسم الله الرحمن الرحيم )

وقل إعملوا فسيرى الله عملكم ورسوله والمؤمنون .

صدق الله العظيم

أولا :-

كلمة شكر واجبه على كل إنسان يعمل لمصلحة هذه القريه الحبيبه الذى كلما إبتعدت عنها تعلم جيدا معنى الإشتياق لها .

سؤال يرجوا الجواب :-

لماذا قام هذا الشاب الشجاع بطرح هذه القضيه المهمه ؟

ماهى الدوافع الذى ساقته لطرح هذه القضيه ؟

لماذا أصبحنا اليوم فى مجتمعاتنا لايصح أن ينتقد بعضنا البعض ؟

لماذا وإن أحببنا أن ننتفد يحرم علينا إنتقاد الشيوخ والرؤس الكبيره ؟

لماذا ننتقد ضعيف العلم ولا ننتقد شيوخ العلم ؟

( الجواب )

كل إنسان عاقل زو فكر إذا عرف الإجابه فهو قد حل كل هذه الأمور .......

السلام عليكم ورحمة الله وبركاته

mido dahab كتب:
[color=darkblue]يعنى هو احنا لازم نروح نوقف فى الطابور والزحمة على الأكشاك وواحد مالوش لازمة يتحكم فيك هو ده الأحسن فى رأيكم .
طب ليه ما نتكلمش مع الشيخ / نجيب اللى انت عمال تشوه صورته على المنتدى دى كلام غلط اللى انت بتعمله دا راجل دين فاضل غلط اللى انت بتعمله
طب ما تتحمل انت المسئولية دى وحت نفسك فى مكانه كنت هتعمل ايه - راجل لازم يوصلك العيش الساعة سابعة يعنى هيعمل ايه يروح الفرن من الساعة 3 علشان خاطرك وعشان يبرد العيش انت بتتكلم فى نص جنيه ولا جنيه الفرق بين الهياتم والبلاد التانيه مش مبلغ والراجل بياخد ال16000 بيحطهم فى جيبه ياريت نتريس فى الموضوع ونحاول نحل المشاكل دون اللجوء الى التشويه وبلاش ذكر أسماء دا زى والدك ترضى حد يكتب عليه كده ياريت نحكم عقلنا والاستاذ اللى لاقى صرصار كان الصرصار صاحى ولا ميت هتفرق كتير


استودعكم الله - ان شاء الله هنلاقى حل


اولا مش لازم نقف فى الطابور ولا بنقول ان الجمعيه تسيب اللى هى بتعمله احنا كل المطاوب الخدمات
وبالنسبه للشيخ نجيب دا شيخ فاضل وراجل دين من الناس اللى بيحتزى بيهم وبالنسبه لى انا بعتبره اخ كبير وبالتالى ما اقدرشى اغلط فيه
انا ما انتقدتش الشيخ نجيب انا انتقدت الجمعيه كلها لانها هى المسئوله فى الاول والاخر عن العيش بعد خروجه مباشرة
انا ما بكلمشى فى نص جنيه او جنيه مع انه يفرق مع ناس كتير يمكن ما يفرقشى معاك
ومع ذلك البلاد اللى انا زكرتها بتدفع اقل من كده وبتاخد خدمات اكتر من كده احنا مش طالبين نقلل المبلغ كل اللى بنطلبه
خدمه تكون كويسه لان فيه ناس مريضه بالسكر مش بتاكل غير العيش ده وشكرا على مساهمتك

انا عملت قصيدة سخنة عن العيش هنزلها قريب انشاء الله

المفروض الشيخ نجيب بيعلم الناس
الحديث الشريف
ان الله يحب اذاعمل احدكم عملا ان يتقنه

صدق رسول الله صلى الله عليه وسلم

يعنى لو الشيخ نجيب مالوش دعوه بالموضوع خالص
واجب عليه انه ينصح المهملين بان يتقنوا عملهم

انا بطرح مشكله وعايزين نشوف ليها حل انا ما جرحتش فى الشيخ نجيب وانا قلت قبل كده انه اخ كبير ليا وانا والله ييا جماعه ما باكل العيش ده انا عيشى لازم يتعمل فى البيت بس انا بقول علشان مرضى السكر لو فيه حد عنده حل ياريت يقوله وبعدين الغلطه مش غلطة الفرن لان الفرن عليه مراقبه من الصحه ومن التموين اذا كان فى الوزن او المواصفات المسئوليه فى الاول والاخر فى ايد الجمعيه وبعدين علشان اروح للشيخ نجيب فيه مليون رد هيترد عليا سواء بالصح او بتبرير الموقف وكل اللى انا قلته بدل ما العيش ما يجيلى فى محلات يجى لحد البيت لانى بدفع نظير الخدمه دى انا اسف جدا مش انا اللى بدفع الناس اللى بتدفع نظير الخدمه فاذا كان عند اى حد رد صريح وواضح فيه حل جزرى او مناسب يعفى البلد من السبهلله والهرتلله اللى احنا فيها كفايه النظام اللى تاعبنا وربنا ياخد النظام واللى عمله
يا جماعه دا احنا بنتكلم فى رغيف عيش بشلن كيلو اللحمه ب60 جنيه وفى مصر 100 جنيه واحنا مش عارفين نحل رغيف عيش

الحمد لله زى ما قلت ادينا فينا نفس وبنكلم بس فين الناس اللى تقف وتقول لا دا اولا
ثانيا انا الموضوع يكون فى ايد شيخ الشيخ دا راجل من خيرة رجال الهياتم فى احترامه ودينه ومعاملته مع الناس بس تعامله مع نفسه دا سر بينه وبين ربنا وبرضه مش لينا دعوه احنا عايزين خدماتنا وبس رضا او ما رضاش
ثالثا اذا كانت الادله والبراهين اللى حضرتك طالبها عباره عن ورق فللاسف مش معايا ورقه تثبت كلامى
لكن لو عايز احصائيه بعدد المشتركين والموظفين باسمائهم انا مستعد انى اجيبهم ولو عايز حضرتك تشوف الكلام اللى اناقلته بالحرف الواحد صوت وصوره انا مستعد واحنا مش عايزين نتكلم وبس انا طرحت الموضوع على شباب المنتدى وكل ما اتمناه ان احنا نبعد الظلم عن اهل بلدنا ولو عملنا كده اكيد فيه بلاد تانيه هتقلدنا وتعمل شكلنا وبكده يبقى بنبدا ننضف واحده واحده لحد ما نلاقى مصر بالاكمل نضفت وطول ما فيه ناس محترمه زى حضرتك بتضحى بمالها ونفوذها لاصلاح قريه فاكيد البلد دى هتضف وشكرا جزيلا على ردك

الاخوه الافاضل
الاخ تيجر
فى البدايه ارجوا ان تتقبل كلامى بصدر رحب
انا قلت للك فى المداخله الاولى كيف يكون عندنا منتج نهائى و المنظومه فى البداية خطأ و هذا ليس خطأ المسؤلين عن التوزيع
فمسؤل التوزيع عنده منتج نهائى و هو رغيف العيش و مكتب التموين حدد له اماكن معينه للتوزيع
يا اخى الفاضل المسؤل عن رغيف العيش هو مكتب التموين و ضمير اصحاب المخابز
هل حل المشكله هو منع جمعية الشبان المسلمين من توزيع الخبر
هو ده العوزينه اصحاب المخابز ان يكون التوزيع من قبلهم كما كان فى الاول و كما توضحة الصورة الثانية التى ارفقتها فى مداخلتك
الحل لابد ان تكون هناك مراقبة صارمه من مكتب التموين و الوحدة المحلية على المخابز
الاخ الطيار اشكره على المداخله الجميله
و لكن يا اخى على حسب تعريف سعادتكم لنا با نك مقيم فى القاهرة الكبرى اى لا تعرف مدى صلت القرابة و مدى الحب بين اهل القرية
فالمدينة لها تقاليدها و عادتها تختلف عن القرية المدينة ممكن ان نكون فى عمارة واحدة و مش بنقول لبعض السلام عليكم و منعرفش بعض نهائى
و لكن فى القرية يوجد عادات و تقاليد كثير
فهذه العادات و التقاليد هى التى تحكمنا و الحب و المودة بين اهل القرية هو السائد و ياسيدى لو ضورنا هنلاقى كل البلد ( القرية ) قرايب
اى نسايب
سعاتكم طلبت الاوراق الازمة لكى تاخذ الموضوع على عاتقق شكرا لك
و لكن الهياتم بها اناس عظماء يظهرون وقت الشدة و يطالبون بحقوق بلدهم و لم نصل الى هذه الدرجه ان نبحث عن شخص خارج نطاق
الهياتم حتى يحص لنا على حقنا
ان شاء الله سوف تنحل هذه المشكلة حيث انى ارى ان القائمين على هذا الموضوع من الشرفاء
الاخ تايجر انت عندك ليست اوراق و لكن شكوك و مرة اخرى قلت انا عندى احصائية فهل ترمى الناس بالباطل ارجوا منكم اذا كان عندك اوراق
تدين اى شخص ان تقول الى انا شخصيا و ان شاء الله حتى لو كان المتهم فى هذه القضية هو اخى والله و الله لن اتهاون فى مقاضاته
و اخذا حق اهلى و عشيرتى ابناء الهياتم

بعد ازنك يا مشا كس تيجر ده يا من البلد وانسان محترم جدا

والعيش فعلا بيجي ما بيتكلش

العيش فعلا مش بيتاكل
يعنى نسكت وخلاص ونسيب حقنا
علشان خاطر الى ماسك العيش اخ فاضل وكريم
احنا فى القرن الثالث والعشرين
مفيش حاجه اسمها نسكت علشان خاطر حد
ده حق مشروع للجميع
ان المواطن فى الهياتم يحصل
على رغيف عيش صالح للاكل

يا سادة يا أفاضل

هو انا قلت الاستاذ تيجر مش محترم ولا حاجه . انا بقول كلام الاستاذ حسين يدل علي انه من خارج البلد وطالما من خارجها يبقي ربما المعلومات اللي واصلاه غلط . ثانيا لكم كل الحق في النقد وانكم تحصلوا علي حقوقكم ولكن الحصول علي الحق له طرق أخري غير التجريح في اناس شرفاء .