اللحمة بكام ؟

موضوع: اللحمة بكام ؟ الأحد أبريل 11, 2010 4:19 pm

كيلو اللحمة بقا بكام عندك في مدينتك ؟
ايه اللي بيحصل في البلد ؟ نسكت تغلا ...
نسكت تغلا و تفضل تغلا و تغلا و تغلا هيا و غيرها
طب احنا الحمد لله و بناكل لحمة
الغلابة ... هيشوفوها امتي ؟ و فين ؟
هل عندك استعداد تبقا نباتي ؟
هل عندك استعداد تغير نظام غذاءك و لو لفترة معينة؟
شاكك و لو للحظة انك تقدر تغير الوضع الحالي ؟
اه والله تقدر
أي سلعة في الدنيا ... ما يبقاش عليها الطلا ...
و ينقطع عنها الطلب
بيبقا سعرها زي سعر التراب
لو عايزين نعمل حاجة مفيدة بجد
و نواجه جشع التجار و الجزارين
نبطل نشتري لحمة و لو لشهر واحد
و شوفوا النتيجة بنفسكم هتكون ايه
ما ماتش اللي ما بياكلش لحمة والله
لسه عايش و صحته زي الفل
لا عنده دهون ولا كولسترول و لا نقرس
ولا سمنة و لا ضغط ولا سكر
ايه المانع لما نبطلها شهر
منها نعمل نظام غذائي صحي شوية من
خضروات و فواكه
و منها نعرف الجزارين
ان المستهلك له الكلمة العليا
و مش احنا اللي نتضرب علي قفانا كل شوية
مستسلمين نشتري كل سلعة كأننا هنموت
لو عشنا من غيرها
و حضراتهم يتحكموا فينا كما الغنم
ايه رايك نعلنها حملة .....

العاصر منكم ايام السادات يفتكر
اصدار الرئيس الراحل انور السادات قرار جمهورى و ذلك كان فى السبعينات
سنة كام بصراحة مش متزكر بس ممكن فى 78 او 77
ماذا كان القرار هو منع ذبح الحيونات لمدة شهر كامل سواء فى المجازر
او فى البيوت ممنوع و الذى يتم كشفه يوقع عليه غرامه مالية فورا او يوضع فى
السجن لمدة شهرين
و ذلك لارتفاع اسعار الحوم و جشع الجزارين و هذا الموضوع كان له اثر كبير جدا
لذلك نلتمس من الرئيس مبارك عمل هذا الموضوع حتى يقل سعر المواشى و بذلك يقل سعر اللحوم

فعلا لازم نعمل حمله بس ضد الغلاء عامة
مش بس اللحمه
هما مش كانوا قالوا ان اللحمة نزلت على الجدول
يعنى مش بتتصرف الا بروشته ؟

شكلك دكتور صيدلى
و الله لو الجدول فيه لحمه دى مسؤلية نقابة الصيادله
ووزارة الصحة مش وزارة الزراعه او التموين

انا سمعت ان المحافظه عامله شادر لحمه عند منطقه الشون
فى المحله الكبرى
سعر الكيلو 36 جنيه

فعلا يا محمد بس للاسف
بيدوك نصفها دهن او ناقصه
تمن او ربع كيلو
امال هى رخيصه ليه

لا بيقولوا ان البقر ده
جاى من الصومال
وبيندبح هنا
علشان كده رخيص

ياخبر ابيض يعنى بقر اسود
انا الحمد لله مبحبش اللحمة ولا باكلها

ههههههههههههه
اتفرج بس

لا بجد احنا فعلا المفروض نعمل مقاطعه
يعنى احنا الحمد لله معانا ونقدر نجيب
بس الغلابه بقى يجيبو منين
بجد شكرا يا محمد لفتحك المناقش فى الموضوع ده

طبعا اللحمه دلوقتى وصلت لحاجه وخمسين
احنا بجد المفروض نقاطعها
عشان الناس كلها تشوفها
يعنى ايه كيلو اللحمه يبقى ب50 جنيه
طيب لو اسره كبيره تجيب باد ايه ولا اسره فقيره
يعنى ممكن تشوفها مره كل شهريين تلاتهدا لو شافتها
والله حرام اللى بيحصل دا

المشكلة كلها فى الصغار لما بيذبحوها من هنا تبدء المشكلة المفروض يتوقف ذبح الصغار بس للاسف اى حد فى اهلينا يروح يقولة عاوز بتلو ولحمة صغيرة ولو مفيش يمشى طيب لو كلنا نعمل تقاطع مش هقول شهر لاسبوع بس ومش الهياتم بس لا لالا مصر كلها هتلقى الحاجة نزلت بس فى ناس مش بيهمها الغلبان يلقيها ولا لاء ويروح يشترى حتى لو وصلت الـــ 100 جنية

والله فكره يا بشمهندس بس الاحلى من كده نشوف بديل للحوم الحمرا زى الفراخ ونحاول ننتج اكبر كميه منها وساعتها ممكن منقطعش اللحمه بل ممكن ناكل زى محنا عيزن
بس ربنا يستر من تجار الفراخ بقى
ههههههههههه

الفراخ هتزيد فى السعر لان الطلب عليها هيبقى كتيرررررر
يبقى معملناش حاجه

» كيلو السعادة بكام؟؟؟
» فطائر اللحمة