المصرى واللحمه

موضوع: المصرى واللحمه الجمعة أبريل 16, 2010 5:40 pm

العلاقة اللى تربط المواطن المصرى باللحمة..
علاقة قوية.. اكتر من الاخوات ..
يتخانقوا و يغضبوا على بعض ...
لكن ميستغنوش عن بعض ابداااا
على رأى المثل ( القط بيحب خناقه )..

غلاء اللحمة سمة من يوم ما عرفها المواطن ..
و دايما فى رغبة و لهفة ليها ..

لكن ان يوصل كيلو لحمة ب 100 جنيه
دة اللى غير مقبول ..!!!

حتى اللحوم المستورد من الخارج
فهو من اردئ انواع اللحوم ..
مصر بتستورد لحمة من ( البرازيل - الهند -اثيوبيا )

و الغالبية من الهند و دى اسوء انواع اللحوم
نتيجة لتربية العجول بطريقة خاطئة
بتتساب فى الشوارع كدة تلقط رزقها ..

يعنى مستنقع للآوبئة و الامراض ..
و للعلم سعر كيلو اللحم المستور حوالى 30 جنيه..

طب الحل فييييين ..؟؟
مشكلة الشعب المصرى مع اللحمة مسألة كرامة ..

المصرى اللى مش بيقدر يأكل عياله لحمة
و يعمل عزومة لاهله فيها لحوم
بيحس بالمهانة .. و انه فقير مذلول ..
مش مالك قوت يومه ..

حتى الطفل الصغير اللى ما بيفهم شئ ..
لو شاف حرمانه منها بيشعر بالنقص..
و انه اقل من زملائه ...

اللحمة و المواطن المصرى ..
مش مجرد وجبة طعام ..

مسألة كرامة و حق من حقوقه ..!!!

عتدك حق يا كاجو

الشعب بتاعنا اللى شعب ما عندوش كرامه فيها ايه لو كل رب اسره منع شرى اللحمه فتره كده وتحصل عملية اضراب واكيد الجزارين لما يلاققوا دا بيحصل اكيد يعنى مش هيثبتوا على اسعارهم واللحمه الموجوده تبوظ عندهم بس ييكون اضراب جماعى حتى اللى قادر انه يشتريها مش بميه بالف لازما يشارك فى الموضوع دا ونحاول ان احنا نبطل الا مبالاه اللى عندنا دى

مفيش كلام بعد كلامك يا خالد
انت جبت الخلاصه

صح ياخالد بس فين اللى يسمع كلامك اللى قادر يقول ليه انا احرم نفسى وولادى طالما انا قادر ما اللى مش قادر مياكلش

» المصرى والفول ؟ لغز العصر و....
» ذكاء العالم المصرى؟؟؟؟؟؟؟؟؟‏
» سامر المصرى: زوجتى لم تضرب الخادمة
» معلومات عن الجيش المصرى *فخر الجيوش العربيه *
» معلومات عن الجيش المصرى *فخر الجيوش العربيه *