ღ♥مسابقة روميو و جولييت♥ღ

ياسيادة نائب المدير والعضو المحترم لما يبقى فيه تلاعب فى لعبه اكيد هيبقى فيه تلاعب فى الحقيقة وده ضد مبادئى ولو مت فى سبيل تلك المبادىء

أموت مستريح الضمير

خلاص يا جماعة مفيش داعي للزعل دة كله شكل اما وليد قال دة لعب مش اكتر ومش عشان لعب هنخسر بعض . متزعلوش حققكم علي انا. محدش يزعل من حد لو سمحتم

ايه ياجماعه دى مجرد لعبه هو أنا داخل منتدى أطفال أنا لسه مسجل ولو التهريج ده مبطلش أنا اللى هوقف المهزله دى وبعدين ياد يااسطوره أنت محدش قادر لك ولا ايه مش تظبط نفسك بقى علشان محدش يزعل منك ولا انت عايز حد يزعلك بجد

رؤى الروح كتب:

حبيب الروح صاحبة الموضوع
على فكرة يا اسطورة اصلك عمال تتكلم بالقوانين ومحبكة اوى مفهاش حاجة يعنى لما ندخل عضوين
بدل اللى انسحبو دا مجرد لعب كبرتوا الموضوع اوى وبعدين مينفعش حبيب الروح تبعد عن المنتدى دايما كدة يا اسطورة بتزعل الناس منك

انا متكلمتش عن كده انا سبت اللى عاوز يدخل يدخل وحبيب الروح عطلت اللعبة ولما المتسلبق اللى دخل معايا اللعبة بعت حاجته نزلت له فى نفس اليوم

يبق ليا حق ازعل ولا مزعلش

Getar كتب:

ايه ياجماعه دى مجرد لعبه هو أنا داخل منتدى أطفال أنا لسه مسجل ولو التهريج ده مبطلش أنا اللى هوقف المهزله دى وبعدين ياد يااسطوره أنت محدش قادر لك ولا ايه مش تظبط نفسك بقى علشان محدش يزعل منك ولا انت عايز حد يزعلك بجد

من فضلك متهزرش لما اتكلم فى حقى وانا ف الصحة اللى فاتت قولت بالحرف انا عاوز راى الاعضاء ولو انا غلطان فى اللى قلته هعمل اللى تحكموا عليا بيه

ولو ليا حق انا متنازل عنه

وهيا بالنسبة لى مسألة مبدأ فأرجوكم قولولى انا غلطان ولا مش غلطان

وبعدين يارؤى انا مش عاوزها تبعد انا عاوزها تثبت على مبدأها وان كل واحد يكون له مبادىء ميكسرهاش ولو كان على رقبته


دفعتنا السنة دى كانوا عاوزين يغيروا جدول الامتحان والوكيل مش عاوز يغيره اتبرعنا 4 ورحنا للوكيل وكان هيعملنا مجلس تاديب

ومجلس التاديب ده لانى بطالب بحقى برضه ومخفناش وغيرنا الجدول لان عندنا مبادىء

انا مقولتش غير المبادء دى بس انتى اللى قولت كلام مكنش ينفع تقولة

اللى مش قد حاجة ميعملهاش نرفزتها وبعدين احنا اخوات قبل اى حاجة

بصى يارؤى ماهيا كمان نرفزتنى ولا انا مليش لزمة

وبعدين مبادء ايه دا انت لسه قايلة متحبكهاش


وبعدين بلغيها عمر الانسحاب ما كان حل تدخل وتدافع عن نفسها ما جايز صورى ضاعت منها مثلا يعنى

فى ايه يا جماعه انتو كبرتو الموضوع كده ليه
احنا مش هنخسر مشرف عندنا علشان خاطر لعبه
لازما يكون تفكيرنا اكبر من كده بكتير
وانت يا عم الاسطوره اهدى شويه
انت كبرت الموضوه زياده عن اللزوم
وانت يا عم روميو وما تزعلشى نفسك بس بلاش غلط

كله جايب الذنب علي الاسطورة .وحبيب الروح والاسطورة الاتنين غلطانين
الاسطورة لانه كان زعلان ان حاجته لسه متحطتش في الموضوع مش يمكن كانت نورهان لسه هتحطها
وحبيب الروح غلطانه برضة لانها كبرت الموضوع شويه كانت تطنش وخلاص دا مهما كان لعب
وبعدين لو استمر الخلاف علي اللعبة دي يبقي لازم الادارة تلغيها فوراااااااااا
ياريت محدش يزعل لان دة من وجهه نظري معرفش بقي غلط ولا الاعضاء معايا في كلامي

ده رأى متوسط شوية واحترم المحبة عليه . اما باقى الردود فمتحامله جدا وبتناقض محتواها

شكرا يا اسطورة بس ياريت مكتونش زعلان انت ولا نورهان وياريت رؤي الروح تبلغ نورهان ان احنا مش عايزنها تنسحب او متدخلش المنتدي .

لا ابدا انا مش زعلان وقلت قبل كده لو حكمتوا عليا انى غلطان هرضى باى حكم بدون مناقشة

ولو ليا حق انا متنازل عنه

وانا بدافع عن مبادئى

وياريت كل الاراء التانية تعقب على توقيع حبيب الروح

خلاص يا اسطورة طنش وسيبك من التوقيع دة وبعدين ان شاء الله لما البشمهندس محمد يرجع باذن الله هيحل الخلافات دي

بصى يا محبة

انا مطنش خالص وبالنسبة ليا مفيش اى حاجة ولا يهمنى اى حاجة تحصل بس دى مبادىء وضمير لوعملت غير كده والله العظيم ما اعرف انام

ولا ارتاح ولا اعرف اكلم حد واحس انى عامل عملة وكل الناس بتبص عليا وبتقول الاسطورة اللى معدش عنده مبادىء اهو يا ولاد

وانا فعلا لما بسكت على حاجة غلط بحبس نفسى فى اوضتى ومحدش بيشوفنى ولا بكلم حد

خلاص افضل مطنش لحد ما البشمهندس محمد يجي وخلاص

انا ومحمد مع بعض بصفة يومية

بس انا مطنش عن حاجات مستنى انها تتعدل بس متعدلتش

واعتقد انى اكتر واحد فى المنتدى باكمله اتشتمت بما فيه الكفاية

خلاص يا اسطورة بقي انت قولت انك مش زعلان علي العموم لو زعلان حقك علي يا سيدي وطالما انت مع محمد بصفة يوميه ابقي خليه يدخل المنتدي عشان يشوف اللي بيحصل في غيابة

حقى عليكى ليه انا قلت لو ليا حق انا متنازل عنه او بمعنى اصح انا متصدق بحقى

يا جماعه بجد التهريج دا مش هينفع ابدا
انا شايف من وجهة نظرى ان صاحبة الموضوع ما عندهاش اى غلط
لكن انت يا عم الاسطوره اللى كبرت الموضوع زياده عن اللزوم
صاحبة الموضوع قالت انها هتكمل المسابقه وتنزل بباقى الاطقم اللى عندها
يعنى مش خلصت اللعبه وما نزلتشى اطقم حضرتك
وياريت يكون فيه اسلوب للحوار افضل من كده

انا مش بعرف اجامل حد لكن انا شايف انك يا اسطوره كبرت الموضوع وlost_love يارب تكون وضحت لحضرتك الصوره

ممكن lost_love تكمل اللعبه علشان انا عايز ابقى روميو فى المسابقه الجايه

وياريت يا جماعه ننسى الموضوع اللى اخد اكتر من حقه واحنا عملنا مشكله من لاشىء

وياريت ما ننساش ان احنا هنا كلنا اسره واحده ولازما نخاف على بعض ونحب بعض مش نحارب بعض

احب اعرفكم ان الوضع مختلف لان اللى دخل اللعبة معايا دخيل عليا وبعت صوره ونزلت فى نفس اليوم

مع ان اقل حاجة تحصل ان صورى تنزل الاول لان الاتنين اللى كانوا معايا انسحبوا والمفروض الصور كلها تنزل على كده حسب اللعبة

وحبيب الروح قالت لا هنستنى لما حد يبعت تانى وقلت دا مش من قوانين اللعبة وهيا رفضت ومتكلمتش فى حاجة

وبعدين ادريانو ووليد عاقلين جدا لانهم جايبين الغلط عندى ونسوا الردود الواضحة اللى فيها شتيمة ليا

تانى حاجه موضوع المبادئ ده
حبه اعرفك برده يا اسطوره
انى عمرى ما اغير اللى فى دماغى علشان اى حد عايز كده ايا كان مين ده


حتى لو كان اللى فى دماغك غلط!!!!!!