بـــــلا وي الــــقــــهاوي

ياعيني علينا بكتر القـــــهاوي دي فيها المشاكل وفيها البلاوي

وناس قادة يها بتشكي همومها وناس قاعدة فيها بتحكي الحكاوي

وراجل يعيني هربان من مراته بيشكي لصاحبه تدخل حمــــــاته

في اكله وشربه وعيشة عياله لغاية مـــــــاطق وزهق من حياته

يقول للي رايحة يا قشطة ياملبن يقول ع اللي جايه دي اول حكياته

وواحد بيقعد في اوقات فراغة يضيع في وقته ويعدل دمـــــــاغه

بقهوة وشيشة وحتة حشيشة تضيع فلوسه وبتجيبلــــــه داغـــة

ومحسن افندي معاش لسه ظازة وبيسلي وقـــتـــــه وآخـــر لــــذاذة

بيلعب في طاولة يشوف فلم فديو عشان اصله عايش في اطول اجازة

وناس قاعدة فيها تشوف ماتش كورة تشجع فريقها وفي احــلـــى صورة

لانه بيلعب نهائي البطولة بتنسى حـــيـــاتها وتاكل تــــتــــورة

وشايفين بناتنا بتشرب في شيشة بتسحب وتنفخ هـــمــوم المـــعـــيـشـة

وطلعت ونزلت في موضة جديدة ويرحم زمــانـــك يا بـــرقع يا بيــشــة

كام شاب قاعدبيستنى فرصة وظيفة حكومة او سمسار في بورصة

مفكرش يخرخ على رزقه ويسعى ويســتـنى دوره وواقـــف في رصـــة

يا استاذ ياحضرة يااسطى ياافندي هقولك نصيحه وآخــر مــا عـــنـــدي

ماتشغل فراغك في حاجة مفيدة بدل ماانت قاعد على قــهــوة مــن دي

جميله اوى يا اسطوره
كالعاده متالق

شكرا ياخالد

ايه الجمال ده يا اسطوره

من بعض ماعنكم يابرنس