الحجاب اليهودى

السلام عليكم ,

طبعا عندكم نت .. صح ؟؟

...ايه السؤال اللي بسأله ده ??

طبعا , أمال انتوا دخلتوا هنا إزاي ؟؟

طيب معلش كل واحد يفتح جوجل أو ياهوو على " بحث الصور " و يكتب الكلمة دي

Jewish scarf

و يقول لي على اللي شافه ..

أكيد هتلاقوا صور لحجاب اسبانش :

إيه ده بقى ؟؟

هو البحث ( خرّف ) و لا إيه ؟؟

هو مش دي الطُرَح الـ
spanish اللي بيقولوا عليها ؟؟

و ده الي بيقولوا عليه حجاب ( إسلامي ) ؟؟

أمال إزاي يطلع في البحث عن حجاب ( يهودي ) ؟؟

و الجواب بكل بساطة إن ده مش حجاب إسلامي و لا دياولو !!

ده حجاب يهودي ( صِرف ) !!

و جناب المسلمات بياخدوا أي موضة بدون تفكير !!

,,,,,

حاسة إن فيه ناس لسه شاكه في الأمر ,

إزاي يعني الحجاب ده بتاع اليهود ؟؟

و هم اليهود بيتحجبوا أصلا ؟؟

طيب ادخلوا على الموقع ده كده :

[ندعوك للتسجيل في المنتدى أو التعريف بنفسك لمعاينة هذا الرابط]

بيبين أنواع و طرق ربط ( الحجاب ) المزعوم ,

- يا عيني عليهم , الدمعة هـ( تفط ) من عيني -

أظنكم اتأكدتم إنه موقع يهودي , و إن اليهود بيلبسوا الحجاب ده ,

و في الموقع نفسه طريقة ربط ( البتاع ) !! :

[ندعوك للتسجيل في المنتدى أو التعريف بنفسك لمعاينة هذا الرابط]

.
.
.

و أنا ( بدعبس ) عن الموضوع لقيت مدونة فيها موديلات تانية :

[ندعوك للتسجيل في المنتدى أو التعريف بنفسك لمعاينة هذا الرابط]

و خلوا بالكم من الجملة المكتوبة في آخر السطر الثالث :

The company sells Jewish modest clothing

علشان برضه تتأكدوا إنه يهودي
.
.
.
.
.

أظن أكيد بقى اتأكدتم إنه حجاب يهودي ,

و إن نساء المسلمين ( واخدين بمبة ) جامدة قوي ,

و الي يغيظ إن فيه نساء في قنوات تُسمى ( إسلامية ) بيطلعوا لابسينه !!

المهم اللي عاوزة أقوله إن :

الحجاب ليس ( غطاء الشعر ) فقط
و لا حتى ( غطاء البدن ) فقط!!

بل أكثر من ذلك ,
المهم أن يطابق للمواصفات التي أجمع عليها الفقهاء (ألا يصف ولا يكشف ولا يشف وأن لا يكون ثوب شهرة ولا مطيباً )

وايضا كما يقول الدكتور محمد إسماعيل المقدم :

" ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ،
والتي شرعها الله سبحانه وتعالى لتكون الحصن الحصين الذي يحمي المرأة ،
والسياج الواقي الذي يعصم المجتمع من الافتتان بها ،
والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ."

من كتاب الشيخ / محمد بن أحمد بن إسماعيل المقدم " عودة الحجاب "

منقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــول

تسلم يا اسطوره على الموضوع المتكامل الرائع

انت لو شفت الموقع الل فى الموضوع هتلاقى رباطات الراس اللى عندنا بالظبط وانا على طول بقول ان الموضة وحشة ومحدش بيسمع كلامى

ربنا يهدي الفتيات كلها ياااااااااااااااااارب ونحافظ علي دينا اميييييييييييييييييين
ربنا يخليك يا اسطورة بجد موضوع حلووووووووو بس فين اللي ينفذ الحمد لله الا من رحم ربي

ربنا يهدينا ويهدى الناس كلها

» اجمل الاشعار في مدح الحجاب
» مفهوم الحجاب في الإسلام
» عشرة أعذار تمنع الفتيات من ارتداء الحجاب
» تصويت إلكتروني لمنع الحجاب على أخواتنا المسلمات في نيوزيلندا!
» مطربة الكليبات المثيرة تعتزل الفن وترتدي الحجاب