موضوع الاسبوع على الهياتم اليوم

أحلى أعضاء ومشرفين واداريين
فى أحلى منتدى .... ( الهياتم اليوم)
----------------------------------------------------------
طبعا كلنا هنا زى الاخوات ويمكن أكتر وفى ترابط قوى بين الأعضاء..
----------------------------------------------------------
أنا عملت الموضوع ده علشان يزيد التفاعل بين أعضاء ومشرفين واداريين المنتدى
----------------------------------------------------------
الموضوع هو أن كل اسبوع كل مشرف من كل منتدى يعرض هنا أحلى موضوع فى المنتدى بتاعه هو شايفه وبالنقاش مع صاحب الموضوع يبدأوا هما الاتنين يعرضوا فكره الموضوع وأهدافه وكده
كل مشرف هيشارك بموضوع من المنتدى بتاعه زى ما اتفقنا
وباجماع الأعضاء على موضوع معين تعلن الاداره ان ده هو
( موضوع الاسبوع )
ويكون المنتدى اللى اتكتب فيه الموضوع ده هو أحلى منتدى فى الأسبوع ده.
وطبعا الفكره دى لها أهداف كتير وهى :

1. ان كل مشرف فى المنتدى يبدأ يتطلع على أغلب المواضيع اللى عنده علشان يقدر يميز ايه أحلى واحد فيهم

2. لما الموضوع يتعرض علينا كلنا وبم ان الموضوع ده مهم من وجهه نظر المشرف فبكده الكل يستفيد من الموضوع المهم ده

3. طبعا زياده التفاعل بين المشرفين وبين الأعضاء وبين الأعضاء وبعضها برده

4. الكل طبعا هيحاول انه يكتب مواضيع لها فايده ومغزى مهم علشان يقدر يفوز موضوعه باللقب

5. نقدر ان أحنا نستفيد من أوقات فراغنا فى عمل المواضيع المهمه مش فى كلام تانى
----------------------------------------------------------------
شروط المسابقه :
1. من حق كل مشرف أو عضو انه يعرض موضوع واحد بس كل اسبوع مع العلم ان الموضوع يكون مر عليه بالكتير اسبوع يعنى مش يجيب مواضيع قديمه.

2. تقوم الاداره بطرح الأسئله على صاحب الموضوع عن فكرته وايه الهدف وكده.

3. طبعا شكل الموضوع من مظاهر اتمام جمال الموضوع يعنى مش نعتمد على باطن الموضوع فقط أيضا الظاهر يمثل جزء كبير معانا.

.
4. المسابقه كل أسبوع يعنى مش هتعطل مسيره المنتدى ان شاء الله بل بالعكس ممكن فى الاسبوع ده يكون فيه مواضيع حلوه كتير.

5. طبعا بعد اذن اداره المنتدى الموضوع الفائز يكون مكتوب فى واجهه المنتدى انه موضوع الاسبوع.
------------------------------------------------------------------
أخوانى وأخواتى أعضاء الهياتم اليوم فى انتظار ردودكم على الفكره وياريت يكون فيه تفاعل من حضراتكم ومن المشرفين والاداره
ولو فيه أى اقتراح أو تعديل ياريت حضراتكم تعرضوه
أو فيه الغاء للفكره ياريت تقولوا
------------------------------------------------------------------
ملحوظه : الفكره دى موجوده هنا بس مش عند حد تانى ولا حتى فى منتدى الدماطى
يمكن يكون الموضوع شبه مكرر بس أنا طورت الفكره شويه
-----------------------------------------------------------------
فى انتظار ردودكم
فى أمان الله...

طيب احنا الاول بس نظبط الادارة والمشرفين على الاقسام فى الحركة ونعمل المسابقة دى

انا موافق عليها وهى جميلة بصراحة وبتخلى المشرفين يشتغلوا ويقروا كل المواضيع ويردوا عليها كمان

ان شاء الله ننفذها قريب

وشكرا لاقتراحاتك الرائعه يا مس ايمان

فكره كويسه وبجد هتكون رائعه وتقييم جيد للمنتدى بإستمرار

تمام جدا الفكره دى

أروع فكره ظهرت فى المنتدى للحظه دى يامس ايمان بجد .......تسلم ايديكى وافكارك
الهدف من المنتدى المشاركه بالافكار وفكرتك هتقرب المشاركه دى جدا

فكره رائعه جدا يا ميس ايمان وان شاء الله نبدا بتنفيذها فى اقرب وقت ممكن

فكره ممتازه وانا معاكم

هانبدا امتى فى الموضوع ده

ممتازة الفكر ة بس قى حاجة انا طبعا لسة جديد يعنى وممكن كلامى ميكنش محل ثقة او اهتمام بس مش شرط الموضوع يكون جديد ممكن موضوع من زمان او بقلة فترة ومش شرط موضوع ممكن اسئلة يطرح سؤال مهم سواء فى الدين او الدنيا ويكون محل ومجال للنقاش واسف لو بدخل من او يوم وياريت اكون ضيف خفيف مش تقيل على القلوب واتمنى ليكم التوفيق يارب

المهم يا استاذ وائل انك تكتب اسم الموضوع اللى عاجبك وياريت اللينك بتاعه لاننا بندخل ونقراه ونرد عليه تانى

وانت منورنا يا استاذ وائل

السلام عليكم اخ وائل بالعكس انتا مش ضيف انتا اصبحت واحد من اسره المنتدى ودا رأى ولازم كل واحد يعبر عن رأيه
شرفت وسط اخوانك فى المنتدى

ينقل للارشيف

ينقل للارشيف

» (بالصور) : الأهرام المسائى يتحدث عن قرية الهياتم وعن وعوود المحافظ لفريق عمل منتدى الهياتم اليوم وقرية الهياتم (حصرياً)
» «الهياتم اليوم اليوم» تكشف: «حميات المحلة» تحول قرية إلى محرقة للنفايات الخطرة
» لقاء فريق الهياتم اليوم مع محافظ الغربيه وبحث اهم المشاكل الموجوده بقريه الهياتم
» حصريا بالفيديوعلى (الهياتم اليوم)الوقفة الاحتجاجية فى قرية الهياتم بسبب سرقة المواشى فيها
» القدس * الهياتم اليوم