تاريخ التسجيل : 10/01/2010 عدد المساهمات : 347 نقاط : 5985
موضوع: جوال الريس الأربعاء يوليو 28, 2010 10:07 pm
رقم محمول الرئيس«®°·.¸.•°°·.¸¸.•°°·.¸.•°®»'
ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!! فرحة كبيرة ... إنتابت الجميع .... كان أمل الجميع ..شرف مكالمة الرئيس ....وعرض مشكلته عليه ... ؟
حتي في دور العبادة ... إنشغل الجميع بالتواصل مع الرئيس ...!!
حتي الأطفال ... أحبوا أن يكلموا ..عمو الريس .....
أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها : ((إتصل برقم الرئيس ..وإنت وأهلك تهيص .... )) ((إتصل بالرئيس ... يكون لك خير ونيس ....)) ولم تنس الدعاية المرأة في هذه الحملة فكان منها ما يقول : (( إتصلي بالرئيس .... وبكره يجيلك العريس .... )) وكان للأطفال أمل الغد أيضاً نصيب فكتبت لهم إعلانات تقول : (( كلموا عمو الريس .... قبل ما يموت ويفيص )) هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية .... وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية : آآآلو الريس فين ... الريس هنا ...هنا هو ... أقولوا مين بيكلموا ... وذلك لأن هذه الأغنية سهلة وتوحي أن الرئيس قريب ومتواصل مع شعبه ... وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ... جاءت ساعة الصفر .... وبدأت الخدمة ... وتلقي الرئيس عدة مكالمات :
المكالمة الأولي :- ألو .... - أيون ... - إنت الريس ... - أيون يا حبيبي ... إيه مشكلتك .... - أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ... - بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!! - شكراً ياريس ..ربنا يخليك لنا ويخليك للوطن ... ؟
المكالمة الثانية :- ألو - أيون - الريس معايا شخصياً - أيون ... قول يا مواطن ... إيه مشكلتك ... - أنا ياريس وغيري ملايين ساكنين في المقابر وتحت الكباري وفي عشش في ال ...في ال - أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ... - فاهم فاهم يا ريس ... - كمل يا مواطن ... - نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون... - واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة .. إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ... وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !! - طب ما تيجي ياريس تتعظ عندنا شوية ... - إخرس ... يا ..(....) دببببب ... وتم غلق الخط ...
المكالمة الثالثة : - ألو .... - أيون - الريس حبيبنا معانا .... - أيون أيوه كده ....إيه مشكلتك يا حبيبي ...؟؟ - أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ... - أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ... - ياريس عايز أكون نفسي ... - ما تكونها يا حبيبي حد حايشك ...؟!! - أكونها إزاي من غير شغل ..؟؟ - إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ... دبببب ...وتم غلق الخط ....
المكالمة الارابعة ... - ألو ..صباح الخير ياريسنا يا جميل ... - ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ... - أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما .... - هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده .... - ياريس ... نفسي أحب وأتحب .... - يا مواطنة ... حب الوطن كفاية عليكي .... - يعني أتجوز الوطن وأجيب منه عيال ..!!! - يوووه ... إنت مش عجبك كلامي طيب ... دبببب .. وإنتهت المكالمة ....
وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟
راق لى
تيجر عضو ماسى
تاريخ التسجيل : 18/02/2010 عدد المساهمات : 359 نقاط : 5953
المزاج : طاعة الله الموقع : الهياتم
موضوع: رد: جوال الريس الخميس يوليو 29, 2010 12:09 am
موضوع فى غايت الروعه وانا عن نقسى لوجتنى الفرصه
هقول للريس شيل الظلم عن الشعب بس للاسف مش كل الشعب فى ظلم دى الفئه المطحونه فقط شكرا على موضوعك الجميل
الاسطورة اعضاء اساسيه
العمر : 36 تاريخ التسجيل : 02/01/2010 عدد المساهمات : 6592 نقاط : 12889
الموقع : dr_legand128@yahoo.com
موضوع: رد: جوال الريس الخميس يوليو 29, 2010 1:57 am
اولا لازم يكون تليفون الريس موبينيل عشان فرق الدقيقة لانى هقوله كلام كتير
او يدفع على حسابه
هقوله انه شايل عنا بلاوى غير الموجودة
هقوله كفاية كده
سيب غيرك يستلم الحمل عشان الناس تعرف المسئولية
البرنس عضو ذهبى
العمر : 43 تاريخ التسجيل : 12/02/2010 عدد المساهمات : 203 نقاط : 5545
موضوع: رد: جوال الريس الخميس يوليو 29, 2010 2:38 am
kashooo مشرف سابق
العمر : 34 تاريخ التسجيل : 04/02/2010 عدد المساهمات : 1632 نقاط : 7317
المزاج : حزين جدا سعيد الموقع : totti_roma69@yahoo.com
موضوع: رد: جوال الريس الخميس يوليو 29, 2010 2:53 am
انا هقوله
سلملى على سوزى و واحده واحده علينا احنا مش حمل كل الكوارث دى
أبو حبيبه اعضاء اساسيه
العمر : 39 تاريخ التسجيل : 21/02/2010 عدد المساهمات : 2797 نقاط : 8758
المزاج : أصدق الشعر وأخلده ما يقصد من وراءه عظه أو حكمه الموقع : reda_maher2003@yahoo.com
موضوع: رد: جوال الريس الخميس يوليو 29, 2010 9:23 am
أنا هقوله ليه ياريس متبقاش دقيقه علينا والباقى عليكم طول اليوم مش إحنا شعبك وعايشين فى خير بلدنا وبلدك ولا لازم احنا نعانى واللى فوقينا ينبسطوا لوحدهم ويأكلوا حقنا وأنت مش دارى باللى بيعملوه من وراك
Queen عضو ماسى
تاريخ التسجيل : 10/01/2010 عدد المساهمات : 347 نقاط : 5985
موضوع: رد: جوال الريس الخميس يوليو 29, 2010 11:02 pm
شكرا لتواجدكم فى موضوعى وشكرا لردكم ويارب حد يرد عليكم فى المحمول
&KHALED& رئيس اللجنه الاعلامية
العمر : 36 تاريخ التسجيل : 24/12/2009 عدد المساهمات : 8101 نقاط : 14803
المزاج : الحمد لله الموقع : loooda77@yahoo.com
موضوع: رد: جوال الريس الأحد أغسطس 01, 2010 4:03 pm
انا عن نفسى هقوله انت لسه عايش ليه وماسك فى الحكم احنا شبعنا من الكلام يا سيادة الريس بس احنا بنحبك وعايشين فى خيرك وربنا يستر على اللى جاى
الرئيسية
موضوع: جوال الريس 
الأربعاء يوليو 28, 2010 10:07 pm
