خدمة العملاء فى المستقبل

خدمة العملاء فى المستقبل

الموظف :نشكركم على اتصالكم ، ببيتزا هت ، تحت أمرك .

الزبون : ممكن أطلب .... ؟

الموظف : ممكن تدينى رقم الكردت كارت لو سمحت ؟

الزبون : .... لحظة واحدة ......6984554610

الموظف : حضرتك الأستاذ عمر وبتتصل من العنوان شارع الراحلة نانسى عجرم بمنطقة التجمع الواحد
ووتسعين ورقم تليفون بيتك 02119632147

الزبون : والله شىء ظريف !.... إزاى عرفت كل المعلومات دى ؟؟
أوكى .... عايز بيتزا سى فوود من فضلك

الموظف : ما أنصحش حضرتك

الزبون : ليه

الموظف : من بطاقتك الصحية قدامى أنت عندك إرتفاع فى ضغط الدم وارتفاع فى الكوليسترول

الزبون : آه آه !!! ... اممممم ... طيب بتنصحنى بإيه ؟

الموظف : بنصحك ببيتزا المشروم خفيفة الدسم وهتعجبك جدا.

الزبون : وليه بقى واثق إنها هتعجبنى !!!

الموظف : لأنك اشتريت الأسبوع اللى فات كتاب من معرض الكتاب مؤخرا باسم : ألذ مأكولات المشروم ...

الزبون : أيوه أيوه ... أوكى ... طيب هات واحدة ... حجم عائلى

الموظف : أعتقد إنك لازم تطلب واحدة تانية كمان ... لأن العيلة عندك 6 أفراد

الزبون : أوكى

الموظف : بس المجموع كده 700 جنيه وأنت عندك مشكلة للأسف الشديد مش هتقدر تسدد بالفيزا لأنك مديون للبنك بمبلغ 37220,55 جنيه من أكتوبر اللى فات غير القرض اللى أخذته من البنك للشقة الجديدة

الزبون : طيب هسحب من المكنة القريبة من بيتى على ما توصل البيتزا

الموظف : كمان للأسف ... مش هتقدر ... لأنه وفقا للبيانات اللى قدامى أنت سحبت الحد الأقصى المسموح النهاردة

الزبون :أييييه آه والله ، طيب ابعت الولد وأنا هديله كاش

الموظف : حوالى 45 دقيقة ولو مش عاوز تستنى ممكن تيجى بعربيتك الكيا البيضا الجديدة

الزبون : بتقول أيه ؟؟؟

الموظف : وفقا للبيانات الموجودة قدامى ، أنت اشتريت عربية كيا جيب بيضا ، رقم اللوحة جدو 5

الزبون : أنت موظف سافل ... ووقح .. وهبهدلك ... ال

الموظف : عفوا يا أستاذ ... انتبه لكلامك ومتنساش إن عندك قضية بسبب أنك شتمت ضابط مرور بألفاظ نابية بتاريخ 15 أغسطس

الزبون : ..................... ؟

الموظف : أى خدمة تانية يا أستاذ ؟

الزبون : لا لا سلامتك بس متنساش البيبسى كولا المجانية .

الموظف : آسف مش هقدر أبعت لحضرتك البيبسى المجانية ... لأن عادة بنقدمها للزبائن اللى معندهومش سكر ... وواضح عندى أنك مريض سكر

الزبون : يلعن تتتت .......... ، قومى يا وليه اعملى حاجة ناكلها

م..........................ن............................ق...........................و.........................ل

هههههههههههههههههههههههههههههههههههههههههههههههههههه

ده فاضل يقوله ممكن احنا ناكلك البيتزا

شكرا على مرورك يا كاشووو

حاجة مهمة فى المستقبل مش هيكون فيه عربيات كيا الصينى قادم ممكن اسبيرانزا بريليانس جيلى مابل بى واى دى حاجات من دى

ههههههههههههههههههههههههههههههه
بعد كل ده ممكن يقوله ناسف البيتزا المشروم خلصت

تسلم ايدك

شكرا على مرور حضراتكم