§ ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!
§ ازاى تقدر تعرف المسند بتاع كرسيك فى السينما؟
§ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!
§ ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!
§ ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!
§ لما تيجي تتصل بواحد.. ليه الأرقام اللي بترد غلط.. ما بتكونش مشغولة؟! § لو كانت الأرض كرة – زى ما بيقولوا – طيب الماتش هيبدأ إمتى؟!
§ ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".
§ إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!
§ ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟! § لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟
§ لمّا الواحد بيعلّى صوت الكاسيت، هل ده بيسحب كهرباء أكتر؟
§ لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟
§ هل الحيوانات بتعطس؟
§ طيب هل حصل فعلا فى يوم من الايام أن فيه واحد (ضرب عصفورين بحجر)؟
§ ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟!
§ ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!).
§ ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!
§ ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟! § بيقولوا (لكل قاعدة استثناء)..طيب ايه الأستثناء بتاع القاعدة دى؟
§ ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)!
§ ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!
§ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!
§ طيب ليه المذيعة بتقول أعزائي أفراد الأسرة.. وهى ما تعرفش حد فينا؟!
§ ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟
§ طيب ليه اللي يسألني عن الساعة لازم يحلفني "الساعة كام والنبي؟!". § ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!).
§ ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".
§ ليه الواحد ما يشربش إزازتين "مزيل دهون" علشان يخس؟!
§ اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟
§ لو " رُكب" الإنسان كانوا ورا مش قدام، كانت الكراسى هيبقى شكلها ايه؟ § ليه الواحد بيدوس على الريموت كنترول بقوة وعنف لما الحجارة بتشطّب؟ § التوأم الملتصق لما بيدخل السينما ، بيقطعوا تذكرة واحده ولا تذكرتين؟
§ ليه الكبار بيطلع لهم شعر فى ودانهم؟
§ لمّا البوليس بيهجم على شقة ويكسّر الباب، مين المسئول إنه يصلّح الباب ده؟
§ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس كفاية كدة
حبيب الروح المراقبه العامه
العمر : 29 تاريخ التسجيل : 25/12/2009 عدد المساهمات : 6853 نقاط : 12381
المزاج : Je t'aime
موضوع: رد: أسئله مستفزه جدا الأحد أغسطس 15, 2010 8:44 pm
§ الكهرباء لما بتتقطع بتروح فين؟! بروح اقف فى البلكونه
§ لو فيه شجرة وقعت على الارض فى الغابه، هل بقية الشجر هيضحكوا عليها؟ انا معرفشى مش بحب اتدخل فى خصوصيات حد
§ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! مش هقدر اجاوب عشان مردحتش هناك قبل كده
§ لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ هبقى اسالك اداره المطعم
§ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟! هتلاقيه كشف ولبس نظاره او حاطط لينسيز
§ طيب لو كان الحب اعمى ..ليه واكلين دماغنا بالحب من اول نظرة؟ ما احنا قلنا لبس نظاره بقة
§ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ هبقى اسال ماجد عن الموضوع ده
§ الأخرس بيكلم نفسه إزاى؟ مجربتش قبل كده بصراحه
§ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة! عمرى ما سمعت عن الموضوع ده قبل كده
§ معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟! وهينفخ فى الزبادى ليه اصلا من غيرما يتلسع من الشوربه
§ ليه البنات بتفتح بقها وهيا بتحط (ماسكرا) ؟ الموضوع ده بالزات معرفوش لانى محطتش مسكره قبل كده
§ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟! انا عمرى ما سالت عن النادى الاهلى عشان انا زملكاويه اصلا
§ ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟! يعنى هى جات فى دماغك يا ابو حبيبه مجاتش فى دماغى انا بقى
§ ليه الناس مابتقولش (الرياضة فايز ومهزوم) غير لمّا تتغلب؟ لا اللى انا سمعتها غالب ومغلوب معرفش التانيه دى
§ ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟! بيفتكرر الشارع ضلمه عشان الناس نايمه فا بيوطى الصوت عشان ميصحوش
§ ازاى تقدر تعرف المسند بتاع كرسيك فى السينما؟ اللى هحط ايدى عليه وانا قعده
كفايه كده عشان تعبت ممكن ابقى اكمل بعدين
أبو حبيبه اعضاء اساسيه
العمر : 39 تاريخ التسجيل : 21/02/2010 عدد المساهمات : 2797 نقاط : 8761
المزاج : أصدق الشعر وأخلده ما يقصد من وراءه عظه أو حكمه الموقع : reda_maher2003@yahoo.com
موضوع: رد: أسئله مستفزه جدا الأحد أغسطس 15, 2010 9:07 pm
الرئيسية
موضوع: أسئله مستفزه جدا 
الأحد أغسطس 15, 2010 7:39 pm
