أوعى تقعد مع جدتك ليلة امتحان ........!!!

أوعى تقعد مع جدتك ليلة امتحان .



الله أكبر الله أكبر ..... آذان الظهر ...



يا رب ... يا رب بحق ده الآدان تنجح يا ميدو يا ابن ابنى وأشوفك دكتور أد الدنيا .


يا تيتة بس أنا فى تجارة .


وماله يا ابنى هو يكتر على ربنا ....... ده ربنا قادر على كل شىء .


يا تيتة ونعم بالله بس اللى بيطلع دكتور لازم يكون فى كلية الطب مش التجارة .


ياللا تجارة تجارة ... ومالها التجارة ... دى حتى التجارة شطارة ... ده الله يرحمه جدك كان تاجر

فى الوكالة أد الدنيا .


يا تيتة التجارة اللى فى الوكالة حاجة واللى فى الكلية حاجة تانية .


عالعموم شد حيلك أنته وأنا أخلى جدك يخدك معاه الوكالة عشان تتدردح وتتودك فى السوق .


جدى إيه اللى هياخدنى معاه ....... ده جدى مات من زمان يا ستى .


يا مصيبتى عبد الواحد مات ....... يا حبيبى يا أخويا ....... مكنش يومك يا سبعى .


يا تيتة ده ميت من تلاتين سنة .


تلاتين سنة ..... ده العمر بيجرى يا ولاد تصدق ولا حسيت بيهم ..... ياللا أهو غار فى داهية قطع وقطعت

سيرته ..... ده كان بخل الدنيا فيه .....أن ما عمره دخل عليا ببطيخة ولا كيس جوافة .


يا تيتة حرااام عليكى عايز أذاكر بقى .


يووه ... وأنا ماسكاك يا وله ..... ذاكر ... ذاكر عشان ربنا يكرمك وتنجح وتاخد الدبلون .


يا تيتة دبلون إيه ..... اسمه البكالوريوس .


أنته هتضحك عليا يا وله ..... اسمه دبلون الواد ابن فوزية جدع زيك كده فى مدرسة التجارة وخد الدبلون .


خلاص دبلوم دبلوم يا تيتة ..... سيبينى بقى عشان أذاكر .


ذاكر ... ذاكر يا أخويا ذاكر ... تعرف يا واد ... ندرن عليا يوم ما تنجح لأكون رايحة خاطبالك عبير بنت

رئيسة ..... دى إيه يا واد ..... أدب وأخلاق ..... وعلام كمان .


يا تيتة عبير دى معاها إعدادية .


وماله يا ابنى ....... الراجل ميعبهوش إلا جيبه .


راجل ..... راجل مين يا تيتة ..... عبير دى بنت .


عبير ..... عبير مين يا وله ..... أنتى بتعرف بنت من ورانا .


لا إله إلا الله ..... أبوس رجلك يا تيتة ارحمينى بقه .


طب ذاكر ... ذاكر جتك نيله وأنته طالع براوى كده زى أمك ..... قطعت وقطعت سيرتها .... أنا مش

عارفه أبوك كان اجوزها على إيه ... حكم ... قال لبس البوصة تبقى عروسة ... بس واللى نبى النبى نبى

لأكون مبوظه الخطوبة ومجوزاه أنيسة بنت أختى .


يا تيتة خطوبة إيه ... أبويا متجوز أمى من خمسة وعشرين سنة ... وبعدين أنيسة دى بنت أخوكى مش بنت

أختك ... وأساسا إنتى ملكيش إخوات بنات .


صحيح يا وله ... أنته عندك حق أنا مليش إخوات بنات ... أصل أنا أمى ماكنتش بتخلف صبيان .


حرااااااااااااااااااااااااااااااااام ..... تيتة ما تطلعى البلكونة شوية ..... ده الهوا حلو بره .


لأ يا أخويا ... فى جدع كده حليوه وشعره مسبسب فى البلكونة اللى فى الوش بيقعد يعاكسنى .


خلاص روحى المطبخ ..... أهو زمان أمى خلصت الرز .


رز ... رز إيه يا ابنى ... هو أنا ليه سنان للمكرونة ... أنا هطلع البلكونة أحسن .


طب إبقى خلى بالك م الهوى يا تيتة .


هوى لما يلطشك يا بنت يا جذمة أنتى .


الحمد لله أخيرا خرجت وقدرت أذاكر ... روحت الإمتحان تانى يوم وربنا كرمنى وحليت كويس لكن


للأسف المراقب سحب منى الورقة قبل أما أكتب أهم حاجة فيها




يا ترى أنا كان اسمى إيه ؟؟ يا ترى كان اسمى إيه ؟؟

أنا مين ... أنا ليه ... أنا إزااااااااااى




م................................ن................................ق..............................و...........................ل

ههههههههههههههههههههههه
انا لومنه كنت عملت نفسى نايمه

ما كانش هيعرف ينام برده

ميرسى على مرورك يا نانا

لا لا

احسن حاجة بعملها ليلة الامتحان بنام من الساعة 10 بالليل واصحى الساعة 9 اروح الامتحان

هههههههههههه

خساره جدتى الاتنين توفيوال

بس ما كانوش بيعملوا كده

البقاء لله يا محمد والحمد لله إنهم كانوا كويسين ومش بيعملوا كده

سعيدة بمرورك أنت والأسطورة

ههههههههههههههه
تحفه بجد بس انا ستي مش للدرجه دي ربنا يخليها وتفضل علي كدة

ههههههههههههههههههههه
انا بقى عمر الموقف ده ما حصل معايا لاني مش بذاكر اصلا

ميرسى لمروروك يا إسراء وربنا يخليهالك

شكرا على مرورك magdy_ ortega

ههههههههههههههه
صحيح احنا بنذاكر انا اخرى ساعتين واروح الامتحان
مفكرش انى روحت امتحان مخلصه ماده
صحيح ستى بتكلم كتير اووووووووى
بس تقولى قومى كلى اومى اعملى كذا

هههههههههههههههههههههههههههه
مذاكره ايه بلا وجع دماغ