ما تسيبناش يا إبليس

ابليس اللعين قرر يجهز شنطه و يرحل نهائيا عن مصر….......الناس عرفوا الخبر عملوا مظاهرة كبيرة وراحو يحاولو يقنعوه بالرجوع عن قراره........

فقالوا له :خليك معانا بلاش تسيبنا.........

احنا ما نقدرش نعيش من غيرك ...........

احنا بقينا كذابين ، غشاشين منافقين.........

ورؤسائنا كمان بقوا مجموعة مرتشين وحرامية ......حتلاقي فين أتباع احسن مننا؟

قال لهم : انتم ناس ناكرين للجميل .........

قالو له :ليه ؟؟؟؟؟ده احنا محدش مننا قلتله على حاجة ومارضيش يعملها

قالهم :انا هقولكم ازاى

الواحد منكم يجي لي لابس جلابية مقطعة وشبشب زنوبة

ويبوس ايدي علشان أعلمه وانوره ، اروح ان بهبلى وطيبتى اعلمه وأديله المفيد

بعد شوية يبقي غني وصاحب نفوذ وينتخبوه عضو مجلس شعب .اروح له علشان أهنيه .الاقيه قاعد في مكتبه وحاطط رجل على رجل ومعلق وراه برواز كبير مكتوب فيه:

"هذا من فضل ربي!!!!!!!!!!!"

يارب يكون اللى عايز اوصلهولكم إتفهم

والله يا ابو حبيبة انا فهمت من الكلام حاجه وياريت تقولي هو دا اللي انت تقصده ولا لا:
الشعب المصري على الرغم من تناقضه فس استعماله للاساليب التي تؤهله للسلطه وهي الاساليب الغير مشروعه
الا انه شعب بطبيعته توجد فيه النزعه الايمانيه هي صحيح مش لدرجه كبيرة بس موجوده
وجزاك الله خير ع الموضوع الرائع يا برنس المنتدى

موضوع رائه يا ابو حبيبه
تسلم ايدك

هو بجد مغزاه انه محدش بيرد الجميل ولا بيعترف بيه
كله ناكر للجميل من أول فرد لأخر فرد بيمسك سلطه
مفيش عضو مجلس شعب أو شورى من أول ما مسك خدم الأفراد نفسهم كل حسب إحتياجاته ولكن اللى حوليه بس وقريبهم
سيبك من اللى بيقول مصلحة البلد ومصلحة الناس اعرف أنه له مصلحه وبيدور على حاجه تهمه وعامل نفسه خايف على البلد
ومش هقول أكتر من كده

مغزى حلو اووووى يا ابو حبيبه

شكرا لمورك يا نا نا

» حوار بين رسول الله و إبليس اللعين
» الحديث موضوع
» طرق إبليس الستة للدخول إلى قلبك؟؟ هتسيبه يدخل