هل من عرف سرك ، عرف طريـقا ليخنـقك

تذكير بمساهمة فاتح الموضوع :

من منا لا يحمل بين حناياه أسرار يحتفظ بها ..
و تأبى نفسه إلا
البوح بما يختلج فيه لغير
و هنا يستوجب وجود صديـق حميم نفضي إليه
بسرنا ،
ونبوح له بدوامة هـمومنا و بعدها لا يعترينا
سوى إحساس
بالراحة النـفسية ،

و منا من يـفضل الاحتـفاظ بالسر لنـفسه ، و يصبر على ثـقله
..
ويرفض البوح به لأي كان ..
.
من وجهة نظر اغلب الناس
وليس كلهم ان كتمان السر أفضل من
البوح به ،
لأن
كلمة سر تعني أن .. .
شخصا ًقـال شيئا لأخر لا يريد البوح به ، و
لا يريد لأحد ان يعرفه ،
و ان أسوأ ما يتصف به الإنسان
هو البوح
بأسراره لغير ذوي الثـقة ، و يكون الإنسان في أفـضل
حالاته عندما يكون
كاتما لأسراره
فلا توجد ضمانات كافية لكتم الأسرار من قـبل الآخرين ..

و في قول الشاعر :
إذا ضاق صدر المرء عن سر نفسه
فصدر الذي يستودع السر أضيـق

قـديما قالوا
:
" من عرف سرك ، عرف طريـقا ليخنـقك ..؟؟

*

*

*

فهل تـفضلون البوح بالسر ؟؟

أم تـفضلون الإحتـفاظ به لأنـفــسكم ؟؟

إذا ضاق صدر المرء عن سر نفسه
فصدر الذي يستودع السر أضيـق

المقولة دي صح بس في حاجه
نفس الواحد عامله زى الوعاء له حد معين يمتلئ به ولكن اذا امتلئ عن اخره فانك ستحتاج الى وعاء اخر لتفضي ما بك من احداث
يعني مينفعش تكتم كل اسرارك لنفسك ع طول عشان متفرقعش

موضوع جميل فعلا بس السر اكيد للانسان بيكون احسن وعدم البوح لاى احد ولابد من انة يكون انسان مش ثقة بس لا فوق الثقة علشان تكون متاكد منة وطبعا مش هلقى غير هيما بحيلة عن كل حاجة وهو مش ثقة بالعكس اليقة اتعملت باسمة لانة جدع وانا بحترمة جدا جدا وربنا يجعل بنا كل معروف

هو فعلا اصحاب تحس انهم انت تحس انك بتحكى لنفسك يعنى سرك مش هيطلع برة نهائى واللى يلاق حد كده يبقى حظه كويس اوى

التقه بقت كلمه صعبه اوووى اليومين دول

هل حقا هى صعبة لدرجة ان مفيش اى حد نثق فيه

ولا صعبة فى البحث عن الانسان المناسب

صعبة فيك انت ان تكون واثق في نفسك ان هتلاقي الشخص الصح
مش تقول مفيش ولا نبحث
كل شئ في الدنيا موجود وانت لازم يكون عندك الملكة لصنع الشخص ده

احيانا الياس بيسيطر خصوصا بعد ماتجرب مرة واتنين وتلاتة

فبتضطر فى الاخر تقول مفيش فايدة

دا على اساس انك سعد زغلول
مفيش فايده

الاسطوره رد عليك
لما تجرب اكتر من مره هتعرف يعنى ايه انك تفقد الثقه بالناس
وربنا ميوعدكش بكده

بص يا مجدى عن نفسى جربت كتير وخانونى فاى حد بتعرف عليه جديد او اى شخص صديقى استحالة يعرف من اسرارى حاجة

والله لما كتير يخونوك يبقى العيب فيك انك مش بتعرف تختار

اكيد طبعا بس متنساش

لما يبقى زميلك من سن 5 سنين قبل دخول المدرسة

قاعد معاك فى بيتك وبياكل من اكلك وبيلبس كمان هدومك وجزمك

يبقى فيه حاجة غلط

وعلى الرغم ان كان معايا

اسراه الا انى مطلعتهاش لحد

نفسى اللى حصلى يا اسطوره بس انا عرفتها ابتدائى
الحمد لله انى خلصت منها

اكيد فيه عيب بس اكيد مش من ناحيتى

انا لما مخونكش ومعايا سرك

وانت تفشى اسرارى وتفضحنى

وتعملى مشاكل مع ناس كتير اوى

يبقى اكيد فيه عيب

للاسف ياجماعة معتش الثقة المطلوبة بس يا اسطورة انتا بتقول لما بتعرف على احد مش ى احد نقول لية اى حاجة على الاقل اللى هتقولة دة يكون عاش معاك فترة كبيرة جدا جدا واتعملت معة فى حاجات كتير بدل الحاجة 100 حاجة وبدل الموقف 100 موقف بمعنى نهائى ان انتا تشوف سرك فية وهو يشوف سرك فيك ولما بيص عليك يعرف انتا جواك اية ولو انتا بتكلمة ومش قدامة من صوتة تعرف هو فية اية بمعنى يكون اقرب شخص ليك فى الصداقة

هل تتغير النفوس وتتغير طريقة التعامل

اذا كان من تعاملت معه لاكثرمن 10 سنوات

ثم يفشى سرى فهل له تبرير

ملوش تبرير
غير قله الاصل
انا اسفه انى بقول كدا

ليه اسفة كنت ناسى التعبير بس

دا مش قلة الاصل

دا مفيش اصل ولا اساس

وعايش قفا وسط الناس

صح يا اسطوره
ربنا يقلل من الناس دى

حتى لسه شايفه اللى قلت باصلها معايا مكلمتهاش مع ان كان بينى وبينها عشره سم كنا فى قاعده واحده مع اصحابنا

او يخلينا شكلهم عشان نعرف نتعامل معاهم وكده

لا بلاش نبقى شكلهم
عشان الناس متكرهناش زى ماحنا بنكرهم
احلة حاجه حب الناس

دا احنا قليلين هما كتار اوى

ندعى عليهم وخلاص

قاعد معاك فى بيتك وبياكل من اكلك وبيلبس كمان هدومك وجزمك
ايه ده انت بتفضح الراجل .........حسبي الله ونعم الوكيل
صفوا قلوبكم بقى يباي ع الغل

لو عايز تبوح بسرك لحد فاختار الشخص المناسب الاول مش اي حد تقوله اسرارك كدة لانه فعلا كدة يبقي بيملك رقبتك وانا عن نفسي من اقول لحد اي حاجه غير صاحبتي لانها فعلا مخلصه وعمرها مطلعت سري برة ربنا يكتر من امثالها .

انا بقى معدتش بقول لحد اى سر خالص

ولا هآمن لاى حد
خالص

» هل من عرف سرك ، عرف طريـقا ليخنـقك