أصعب كلام عن مصر 2222

لما قش الرز ثروه بتتحرق ولما نبض الامه ثروه بتتسرق
ولما جلادك على ولادك بيبطش
وأما علمك ميلاقيش يأكل فيطفش

يعنى إيه نرفع إيدنا بالسلام لاجل الغزاه
ويعنى إيه لما أبقى ماشى فى حالى أتشد اشتباه
يعنى إيه لما أتحبس أربع سنين حبس إحتياط
يعنى إيه مش حاسه بالعمر وغلاوته

بتصبى مر العمر ليه دا أنا كنت هوهبلك حلاوته
انا عمرى ما أتقمرت ولا حطيت شروطى
ومكان ما ترسى مركبك ببنى شطوطى
أنا كنت جيشك لما مماليكك باعوكى

وكنت يوسف لما عشت سنين عجاف
وضلوعى دى اللى فى معركة قادش حاموكى وشفايفى دى اللى مبطلتش فى يوم هتاف
انا كل شبر فى أرضك اتمرمغت فيه
وكل يوم عيشتيه أنا تعذبت فيه

بتكلفينى عيونك السوده وأيامك اللى فاتت
ما أنتيش حبيبتى من النهارده حبيبتى ماتت
مع صوت أدانك جرس فى الشده صاحينلك من أمتا كان الحرس هما اللى باقينلك
بعتينى علشانهم وعنيكى معصوبه يا هل ترى خاينه ولا زي مغصوبه

كل الكلام أتقال والشعر بقا ماسخ والصبر علو جبال والظلم شىء ماسخ
وطن وغرقان فى النطاعه كل شىء رحته نطاعه
علمونا بالعصايه ورضعونا الخوف رضاعه
علمونا فى المدارس يعنى إيه كلمه قيام

إنتظروا الجزء الثالث والأخير

تمام جدا يا استاذ رضا

ومنتظرين ان شاء الله

شكرا لمرورك يا بشمهندس

تسلم يا استاذ رضا وفعلا فيها الحقيقة بس يعنى لو هنتكلم منتكلمش عن مصر نتكلم عن البشر اللى فى مصر مصر طول عمرها لها السيادة فى الوطن العربى

صح يا عم وائل وشكرا لمرورك

» أصعب كلام عن مصر
» كلام فاضى
» أصعب شى يموت فى عينيك
» ما أصعب أن تبكى بلا دموع
» ما أصعب أن تضحك وقلبك يبكي