إهداء إلى شعب مصر

ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
هبهدل جنابك انت و اللي جابك وهيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
هتقبل هحبك هترفض حلبك هتطلع هتنزل هجيبلك جمااااال

فعلا هو دة اللى الشعب فية دلوقتى الناس مش عارفة تمشى فىالشارع من القرف والحشيش والمخدرات
ولو قولنا المباريات حاجة الناس بتفرح شوية بيها وتزعل شوية وبطلع همها فيها
وطبعا الاغانى والفلام سبحان الله محدش اسمعة مش بيسمع دلوقتى اللى من رحم ربى
وشكور على الموضوع

شكرا على المرورنفسي ألقط حد بيخالف القوانين

الشكر ليك على التقدير

انتا اللى شكرا انك نشرت الموضوع وفكرت فية

ربنا يكرمك

موضوع جميل يا استاذ رضا تسلم ايديك ايوة ياريت نشوف السلبيات اللي بقيت منتشرة بصورة كبيرة دي

بجد موضوع رائع يا استاذ رضا

موضوع جميل يا استاذ رضا تسلم ايدك

تسلم يا استاذ رضا