ادخل وانت تعرف وياريت تسيب ردك

[i]موضوعى المره دى بيتكلم عن صفه جميله قوى وهى "الصراحه"
انا بسال سؤال ؟هل ممكن الصراحه تنجى صاحبها ؟ولا ممكن الصراحه تغرق صاحبها ؟!
يعنى ممكن يكون الانسان صريح مع اصدقائه مع اى حد ويتكلم عن صفه مثلا وحشه فيه وبيتكلم معاهم
بصراحه ممكن يعيروه بيها فى يوم من الايام
او انه يتكلم بصراحه مثلا مع حد يكون عزيز على قلبه من الاخر الحته بتاعه
ويتكلم معاها ويصرحها بانه كان يعرف قبلها حد ممكن الصراحه دى تودى فى دهيه
انا موضوعى ده ممكن البعض يكون واخده عادى لكن فعلا الصراحه صفه جميله فى الانسان بس انا عاوز اعرف امتى تكون الصراحه مفيده وامتى تكون الصراحه
مش مفيده ؟
ممكن تشاركنى رايك وتعرفنى هل كل صراحه تنقذ الانسان ؟وهل كل صراحه تغرق الانسان ؟
وامتى تكون الصراحه مفيده ؟وامتى تكون مش مفيده ؟

الصراحه دايما مفيده
مفيش حاجه تقول مقولش الصراحه
عشان هيحصلى كذا

واله انا مش عارف اقولك ايه انت بتسال سؤال له اجابتين بمعنى انك لو بتسالنى وعاوز نى اصارحك يبقى انا مش هاتردد فى انى اقولك الصراحه حتى لو كانت هاتجرحك لكن لو انت عاوزنى اجاملك يبقى انت عاوز واحد منافق مش عاوز صاحب ينصحك

رد جميل يا ابو هدير وشكرا لتعليقك
وشكرا لردك يا نانا

انا مش قصدى انى مقولش الصراحه
لازم اقول الصراحه فى وقت ومكذبش
انا من اللى بيقولى ان الصراحه بتنقذ اصحابها بس انا بتناقش معاكم
عاوز اعرف ارائكم فى الموضوع ده

الصراحة صفة جميلة جداااااا قلما تجدها فى هذا الزمن
والصراحة مطلوبة فى جميع الاوقات وان كانت تعتبر الان سبب للمشاكل ولكنها هى الحل للمشاكل
وانصحك الا تتخلى عن الصراحة لصديق او غيره فربما تؤلمه الان ولكنه فى يوم من الايام سيدرك ما فعلته
فربما صراحة مع صديقك تجعله يغير صفة غير مرغوبة فيها لم يكن يراها فى نفسه
او تكون الصراحة سبب فى نجاتك من موقف ما
اسفة للاطالة
تقبل مرورى

شكرا لرايك
ونشكرك لردك
وسعداء بمعرفتك

طيب انت رايك ايه ياحامد يعنى لو هاتنصح نفسك هاتقول لها ايه

الصراحه صفه جميله كتير
بس هى فعلا ساعات بتودى فى داهيه
بس الاحسن انك تقول الحقيقه وتصارح اللى ادامك

تسلم الايادى

الصراحه مطلوبه فى اى وقت لازم نقولها حتى لو هتودينا فى دهيه
دا المفروض بس المفروض حاجه والواقع حاجه تانيه

المفروض عند المكوجى
انا لو عارف ان صراحتى هاتودينى فى داهيه مش هاتكلم ياعم
نداله بقى واتعلمناها

اوقات اة واوقات لاء
حسب الموقف