النتيجه النهائيه لانتخابات مجلس الشعب

انا فرحت كتيير لما شوفت يفط الاستاذ ابراهيم الفيشاوى بجد حاجه تفرح ان يكون لينا نائب مننا فى مجاس الشعب لاننا اتظلمنا كتير
وانا من وجهه نظرى احب اقول انى شايف يوم الانتخابات ومتصور اللى هايحصل
الهياتم كلها رجال ونساء اطفال وشباب متجهه الى مقر الانتخابات لترشيح الاستاذ ابراهيم لمجلس الشعب عن مقعد العمال
اتمنى من الله ان يتحقق الحلم
حتى نعيد لقريتنا بعضا من حقوقها المسلوبه

كلنا مع الاستاذ ابراهيم ابن بلدنا

هى دى روح الانتماء
حمدالله على السلامه
جبتلنا معاك هديه العيد

يا جماعه احسن واحد يمثل بلدنا هو الاستاذ ابراهيم الفشاوى
وانا بايده بعقلى وبشخصى

اكيد كلنا مع الاستاذ ابراهيم حتى لو مش بالمشاركة الفعلية معة بقلوبنا ولو انا موجود فى البلد هجى انتخب بس هى هتكون امتة بالظبط
واتمنى الخير ان شاء الله

ياريت يا جماعة منقعدش كل واحد يقول احنا مع كذا او مع كذا غير لما نعرفه اصلا انا والا لسة مش مع حد او تقدروا تقولوا هبقي مع اللي هيخدم اهل القرية احسن فياريت لو لية برنامج او حاجة زي كده يقولة انا عن نفسي مش هرشح حد لمجرد انة ابن بلدنا معلش انا عارف ان الكلام صعب كفاية اوي انضحك علينا في واحد اظن كلامي واحد مش هنقضيها وعووووود وخلاص لو لية برنامج او حاجة عاوز يحققها يقول عليها وطبيعي كل ابناء البلد انا اولهم معاه بس للاسف انا معرفوش شخصيا علشان اقدر احكم علية فياريت لو ادارة المنتدي تعرفة ياريت تعمل معاه لقاء علشان نعرفة لاني ولاخرة مرة مش هنتخب واحد معرفوش لمجرد انة من البلد معلش علي الصراحة مش هفضل زي النعامة

el wa7d zh2 ya waled mn el w3oooood

ان شاء الله فيه لقاء مع الاستاذ ابراهيم قريبا

المنتدى بيطرح الموضوع واحنا مع ابن البلد بدل الغريب اكيد ومع ذالك لازم الناس تعرفة والمنتدى هو اللى فاتح الموضوع دة واكيد هيكون فى لقاء وينزل على المنتدى ويكون فى حملة ويعرف الناس باللى هيتعمل هتقولو اللى قبلة قال كدا ومعملش بس لما يكون الشخص قدامك غير لما يكون بعيد عنك

اولا احب اشكركم على التفاعل
ثانيا احب ان انوه على ان الاستاذ ابراهيم هو شخصيه لها احترامها من كل رجال القريه وشبابها ومن لا يعرفه فعليه ان يسعى للسؤال عنه لانه نفسه لم يسعى الى الترشيح بل طلبه اهل القريه لذلك
اذا هولم يطلبها بل طلبت له والرسول يقول منطلب الى شىء اعين عليه ون طلب شىئا وكل اليه
واحب ان ارد على الاستاذ عادل على انه بيقول انه مش هايدى صوته الا لما يعرف البرنامج الانتخابى الاول انت معاك حق لازم تعرف انت هاتنتخب مين
بس ممكن اسالك انت كام مره سمعت وعود وزى ما ابتقول زهقت منها طيب ممكن تتوعد بكل اللى انت عاوزه من واحد مش من بلدك زى ما حصل مع ناس كتيير وفى الاخر متلاقيش ولا تشوف حتى وشه
طيب تعمل ايه دلوقتى مش هاتدى صوتك لحد تبقى سلبى
طيب انتى هاتقول ابقى سلبى احسن ما ادى صوتى لواحد وبعدين يطلع بتاع وعوود كدابه
طيب هاقوللك ماتحاول تتدور انت على الحقيقه بدل ما تستناها تيجى لحد عندك وبعدين فى النهايه لازم يكون فيه فائز فايهم تختار ليكون هذا الشخص
نصيحتى لك من اخ لاخيه حاول ان تتعرف انت بنفسك على الاستاذ ابراهيم ولا تنظر منه ان يعرفك على نفسه او على جدوله
لاننى متاكد انك ستبحث عن الحقيقه وعن مدى ملائمته لما هو مرشح له وان شاء الله ستوفق الى الحقيقه
وارجوا ان لا تحمل كلماتى اليك اى معنى سوى المشاركه فى حوار يهدف الى مصلحه قريتنا كما تعودت منك فى المشاركات الاخرى

انا فى البدايه والنهايه بحترم ردودك وده بيجبرنى على انى اوضح ليك كلامى
نقطه انك بتقول ان المرشحين بيكون ليهم برنامج انتخابى وده انا مش عارف اذا كانت تحسب ليهم ام عليهم بس هاسالك انت كام مره شوفت برنامج انتخابى بيتنفذ
اكيد انت عارف ان اى برنامج لاى مرشح هو مجرد جسر ليصل عن طريقه الى الكرسى وبعدها ينسى ويتناسى وعوده ولا يتبقى له الامصلحته الشخصيه
وانا اؤيدك فى ان من حقنا ان نعرف ما ينوى عليه كل مرشح ولكن ان كانت كلمه ساسعى الى كل مافيه خير للجميع هى برنامجه هل سترضى ساعتها
انا عندما طلبت منك ان تبحث انت عن الشخص الذى تنتخبه كان ردا على رايك بانك لن تكون مثل النعامه
اذا ماهو المانع لديك فى ان تكون القاضى فى امر يخصك
ان مجرد اهتمامك بالموضوع هو تعبير صريح منك على انك تبحث فعلا عن المناسب
ولا يستطيع احد ان يفرض عليك قراره ولا ان يمسك بيدك ليحول تصويتك الى شخص اخر
اذا لابد ان تكون انت اولا على اقتناع بما سوف تفعله
وهذا لن ياتى اليك وحده دون تعب منك
لذا قلت بانك من يجب عليه البحث عن المناسب
لاننا من سينتفع به ان كان صادق وايضا نحن من سيحمل اضراره ان كان كاذبا
وبعدين ياعم احنا زى ما قلت معظمنا اميين ليس لهم علاقه بالانترنت يبقى ليه نبص للى بيعملوا اعلاناتهم على اليو تيوب والفيس بوك وكده
الكلام ده لفئه معينه واعتقد انها تمتلك من الثقافه ما يؤهلها لنشر الحقائق
فيلريت يكون وصلك قصدى وعرفت انا عاوز اقول ايه

طبعا يا استاذ رضا انا فاهم قصد حضرتك بس علشان تكون اولي امر لازم توصل لكل الفئات وبعدين حضرتك ناسي ان الاستاذ ابراهيم لية منافسين عمالقة جدا فلازم يوصل لاكبر عدد من الناس وانا مصدي والله علي حد انه امي ولا حاجة انا بس قصدي ان نسبتهم مش شوية يعني لازم الحقيقة توصلهم وكمان عدد متصفحي النت في البلد كبير جدا فلازم يعرفوا الاستاذ ابراهيم كويس علشان زي مقولت لحضرتك يقدروا يساعدوة انه يوصل للناس كلها حتي اللي خارج البلد وبكده نقدر نحصر عدد كبير من الناس علشان تؤيدة وبالنسبة للبرنامج اللي في الغالب مش بيتنفذ بس هو شر لابد منة يعني لازم يكون موجود امال هنحاسبة ازاي

خلاص يا بطل ورينا همتك وساعد ابن بلدك علشان يفوز على العمالقه وقولنا ايه افكارك للدعايه الانتخابيه

حوار جميل بينك يا ابو هدير وبين الاستاذ عادل وهمتكم انتو الاثنين لابد من اكبر حملة انتخابية فى وسط الناس العتولة دول وربنا يوفق ما فى الخير ان شاء الله

اولا اعرف البرنامج لاييا استاذ رضا معلش لسة علي مبدئي ومش هساعد غير اللي هيفدنا ان شاء الله لما ينجح واكيد كلنا معاه

تمام يادولا وأنا معاك والبرنامج هتعرفه بمفاجأه مدويه قريب ان شاء الله

تمام يا استاذ وليد ونتمنى برنامج يعرف من هو المرشح ولكى يعرف جميع الاعضاء وطبعا الاعضاء ليها دور فى نشرة ان شاء الله

معاك يا وليد وفي انتظار المفاجئة

وانا ذيك يا بابشمهندس

تمام [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] ان شاء الله

طبعا انشاء الله