ليه دايما اما يكون في مشروع ارتباط ممكن تحكمات الاهل تبوظ الدنيا ؟؟!‏

بص يا عادل
فى البدايه احنا متفقين ان الاهل هما اشخاص من المجتمع اللى بنعيشه واحنا متفقين ان كل شخص ليه وجهه نظر وتفكير وعقليه خاصه بيه
طيب معنى الكلام ده ان اهلى واهلك ليهم راى فى الانسانه اللى هاختارها ولازم يكونوا موافقين عليها من البدايه
طيب لو كان عندهم اعتراض وانا متمسك با ختيارى يبقى ايه العمل
اولا قبل ما نفكر بالزواج لازم نصفى كل المشاكل المحتمل حدوثها بعده وده طبعا بيختلف من شخص لاخر وعلى حسب قربه وفهمه لاهله وطريقه تفكيرهم يعنى هاعرض الاختيار وهاشوف الرد لو كان ايجابى كان بها اما ان كان سلبى وهناك اعتراضات يبقى هنحاول نناقشها ونحلها وهاحاول اوضح ليهم الصوره اللى انا شايفها وكمان اشوف الصوره اللى هما شايفينها ونقرر بعده مين الصح
طيب نفرض هما اصروا على رايهم يبقى اكيد ليهم اختيار تانى او هما متاكدين من انها مش مناسبه ليك وفى الحاله دى يبقى القرار قرارك اما ان تخضع لهم او تتمسك برايك واختيارك وان تمسكت باختيارك وتزوجت بها اصبحت هى منبوذه من قبل ان يروها وبالطبع يمكنك ان تتوقع كل يوم مشكله بينها وبين اهلك نظرا لان الانطباع الاول يدوم
لذلك لن يبقى لديك الا ان تبقى محايدا وان تحاول ان تبعد زوجتك عن الاختلاط والاحتكاك باهلك وتكبر انت وهى دماغكم او تشوف ليك مكان تانى تقيم فيه
هذا ليس رايي ولكنه حقبقه تتكرر كل يوم وعلاجها من رايي فى يد الرجل الذى بيده كلمه التفريق والتى لا يعرف اهميه عدم نطقها ولكنها كما قلت اسهل الطرق على المراه والرجل هو الذى يملك الحق فى نطقها لذا كان كل العبء والذنب على الرجل لانه ان كانت زوجته صالحه فبيده ان يجعلها تصبر على كل ما يحدث وان كانت سيئه فيستطيع تقويمها او اذا لم يستطع بيده ان يفارقها وهذا هو اخر الحلول

والله يا استاذ رضا ما انا عارف بجد اقول لحضرتك اية بجد كلامك ماشاء الله مقنع جدا وبجد ربنا يبارك فيك
بس انا بدور لية اهل العروسة ما يتساهلوش شوية في مطالبهم حتي علشان خاطر سعادة بنتهم شوية من علشان حاجة تانية ومع العلم ان هيبقي عندهم ولاد برضة وكمان الموضوع سترة للبنات فلية التزمت في الاوامر ده

هوه كلامنا لو لقينا حد يسمعه
تفتكر كام واحد هينفذه مع العلم انهم كلهم موافقين عليه
هما بيشوفوا ان ده فى مصلحه بنتهم زى برضه ما بيشوفوا ان مصلحه بنتهم انها تتجوز واحد عنده فلوس كتير فى نظرهم ده اللى هايسعده يعنى هايجيب لها كل اللى هى عايزاه
من الاخر بيعاملوا بنتهم على انها لسه صغيره لازم اللى تشالور عليه تاخده وبكده هى هاتبقى مبسوطه لو خدت اللى هى عايزاه
وده طبعا حب منهم بس للاسف بطريق غلط بتجيب سلبيات اكتر من الايجابيات
وعلى العموم الناس اللى كده علشلن يتعلموا ويفهموا صعب اوى
وبرضه مش كل الناس كده

طيب اية اللي هيحصل لو الكل اتساهل دا اشرف الخلق سيدنا محمد صلي اللة علية وسلم قال من جاءكم ترضون دينة وخلقة فزوجوه