سؤال مباشر

الموضوع لذيذ اوي لو فكرت فيه كويس
انا هاسأل سؤال بسيط و عاوزه اعرف اجابة كل واحد فيكم
السؤال :
ماذا تفعل في الساعات التي تقضيها عبر الانترنت؟؟
او كيف تقضي وقتك على الانترنت؟؟
او السوال بمعنى اخر
بتعمل ايه لما تقعد عالنت؟؟؟

ارجو من الجميع المشاركة وبصراحه شديده
وياريت من غير تعقيد ولا نفسنه

انا هبدء بأذن الله
انا لما بقعد بفتح الاميل بتاعى
وبشوف الرسايل اللى على اميلى وافتحها واشوفها وارد عليها
وادخل على المنتدى وارد على كل الرسايل اللى بتوصل من المنتدى فى حدود الموضوع

واجيب يعنى قرأن او خطب اسمع بس مش طول الوقت
ولو فى حد معرفة فاتح على الاميل وحابب يتكلم بكلمة ومحبش ادخل على حد على الاميل كتير ممكن اشوفة فاتح بس محبش ادخل علية علشان اسيبة برحتة لو بيكلم حد ومش مسئلة ان منفض لية لالالالالالا علشان ياخد رحتة مش اكتر
واوقات بسيبة الجهاز مفتوح وبعمل اى شغل لية او اى حاجة

وشكرا على الموضوع ويارب اكون فهمت الموضوع صح وعرفت اقول اللى قصدك علية يا استاذ رضا

اولا حاجه بعملها بدخل على جوجل
واكتب الهياتم اليوم
ومخليه الدخول تلقائى بعد ماكتب اسم المنتدى
بعدين اشوف المواضيع اللى انا منزليها وارد فيها
اشوف الواضيع الجديده وارد فيها وبعد مخلص
بفتح الميل بتاعى واكلم صحباتى
وساعات بتكلم كلنا مؤه واحده
اصله كلهم 7 ومن المنتدى كلهم
وبعدين بدخل على جوجل اعمل سيرش عن اى حاجه تيجى على بالى بس

انا بقي اول حاجة بعملها عن النت هي الاميل بفتح الاميل بتاعي ودايما اوف لاين
وبعدين اشوف الماوقع الرياضية كلها
وبعدين افتح المنتدي وارد علي كل مواضيعة وخاصة المواضيع ذات الجدل
بفتح مواقع تانية كتير وبنزل كل ماهو جديد من النت
وفي حاجات بحتاجها في شغلي بنزلها من النت

بدخل على إميل الياهو علشان أكلم أصحابى
وثانيا :- منتدى الهياتم اليوم حبيب الكل علشان أقابلكم
وثالثا:- بتصفح الاخبار ومواقع الكوره
وبعدين ممكن أحمل أغانى أو صور ومواضيع بس

انا عن نفسى اول حاجه بعملها بفتح المنتدى
واشوف المواضيع وارد وكده
وبعدين افتح الميل على طول علشاان اطمن على صحابى ده لو حد كان فاتح يعنى
وبعدين لو فى اغنيه عجبانى بنزلها
وبعدين كل يوم احاول انزل برنامج السويتش ماكس واتعلم عليه بس مش بعرف هههههه
وبشوف موضوع جديد يعجبنى اقراه وانزله فى المنتدى
بس مبعملش حاجه تانى ع النت