التموين وسرقة الغلابة

تذكير بمساهمة فاتح الموضوع :

نبدأ بسم الله الرحمن الرحيم

اولا
شكرا جزيلا للبشمهندس محمد كسبر لاثارة موضوع فى غاية الاهمية بالنسبة لشعب الهياتم والشعب المصرى عموما له منا جزيل الشكر

ونطلب منه ان يترك توضيح الموضوع لتيجر

بسم الله الرحمن الرحيم

بدأنا موضوع رغيف العيش ولم يلقى اهتماما من اهل القرية واليوم نتكلم عن سرقة قوت الشعب المصرى من التموين المدعوم من الدولة

وهذه السرقة ايضا ليست من الدولة انما من الافراد القائمين على توزيع التموين للشعب المصرى كمثال اصحاب المحلات التموينية

وهذه صورة بجدول المقررات التموينية واسعارها
[ندعوك للتسجيل في المنتدى أو التعريف بنفسك لمعاينة هذا الرابط]

واخيرا تاتى الدولة ببطاقات تموينية مشفرة للحد من النهب والسرقة ولكن ياتى صاحب المحل وصرف ماهو مقرر ولايعلم الشخص ماهو مقرر له فى صرفه وبعض الناس ترفض بعض الاصناف فما هو مصير هذه الاصناف هل تعود الى مخازن الدولة ام تباع فى السوق السوداء

------------------------------------------

فبالرغم من صاحب البطاقة لايعلم ماصرفه فالبطاقة القديمة كانت دائما بحوزة صاحب المحل وكان يكتب فيها ماصرف له اما البطاقة الجديدة فهى بارقام مسلسلة فالزائد عن الحاجة لانعلم هل ياخذه صاحب المحل ام يعود للمخازن وما ادراك ما صاحب المحل ففيهم من كان لايملك قوت يومه اما الان الله اعلم بحاله وفيهم من كلن بغير حاجة وزادت ثروته فبالرغم من النسبة التى تصرفها له الحكومة يجد نسبة اكثر بكثير من اصحاب البطاقات المشفرة ومن قبل غير المشفرة

وان شاء الله لنا لقاء اخر لاكمال هذا الموضوع

والسلام عليكم ورحمة الله وبركاته

ملحوظة (لكل من له يد او صاحب محل ويريد الرد لتبرأة نفسه فليفعل )

من كان منكم بلاخطيئة فليرمها بحجر

(تيجر)

ايه الحل السرقه فى كل حاجه واخرتها ايه ؟

نورت ياهندسه

عندك حق ياستاذ وليد والله حرام بجد لان فيه ناس كتير اوي مش حمل سرقه ولو فتفوته

بسم الله الرحمن الرحيم

اولا نورت يا بشمهندس منتدانا المتواضع

ثانيا هل الاسعار الموجودة فى جدول المقررات التموينية مظبوطة عندكم فى البحيرة ولا فيها خلاف

وهل فى كلامى تجنى على اصحاب المحلات التموينية ولا 90% منهم حرامية لان عندنا 90%

وبالادلة والبراهين ............. وشكرا

ثالثا حاول تشترى سلع تموينية من عند التاجر وشوف هيكون رده ايه

رابعا اى صاحب محل يريد الرد وشايف نفسه برىء يرد عليا باسلوب راقى محترم هرد عليه برضه بلاسلوب راقى ومحترم

-------------------------------------------------------------------------------------------------------------------

الى الليل وطوله بما انك لست الاستاذ حسين الشيخ فانت لست صاحب محل تموين فمن اين جئت بالمعلومات وانت مصر عليها

اصرار المتاكد من نزاهة جميع التجار اليس هناك من يعمل بجوارك فى عملك ومرتشى مثلا هل كل الناس نظيفة ام ان فيهم

غير النظيف ( المحترم والمرتشى )

وبرضه انا مصر ان صاحب محل التموين اللى بيبع كميات فى السوق السودا بالنسبة لى ( حرااااااااااااااااااااااااااااااااااااااااامى )

[ندعوك للتسجيل في المنتدى أو التعريف بنفسك لمعاينة هذه الصورة] والله تسلم ياتيجر بجد مش ندمان لما قلت عليك شجاع المنتدى فى كرسى الاعتراف

الحمد لله زمن الرجاله جاى ياحراميه

مشكله التموين
هى جهل المواطن بحقوقه
ليس اكتر ولا اقل

مفيش حد جاهل بس فيه راجل واحد بيروح يجيب التموين انت فى بيتك مين بيجيبلك التموين ابوك ولا امك ولا مراتك ولا اختك

ولا انت بنفسك اللى بتجيبه انا مقولش جهل المواطن بحقوقه انا بقول استغلال صاحب محل التموين لسذاجة او طيبة الحريم

وفى الاخر انا مع تيجر رغم انى معترض على طريقته فى التعبير ( دى تعتبر سيرقة ) يعنى بتاع التموين بالعربى حرامى

وانا اسف انى بقول كده لان اكيد فيه ناس عندها ضمير وشكرا للاخ تيجر انه بيفتح عينينا على مشاكل موجودة بس كزانت مش فارقة معانا واتضح ان هى من اهم مايكون فى حياتنا

ياريت يا جماعة نرد بايجابية لان ده موضوع حيوى ومفيهوش هزار زيه زى رغيف العيش زى الزبالة زى الكهربا زى اى مشكلة فى البلد
فارجوكم للمرة التانية الايجابية مطلوبة ف

تمام ياناصر بس قبل ايجابية الرد
لازم يكون فيه ايجابيه فى الفعل

الفعل مابيجيش بسلبيه فى الرد

تيجرطرح مشكله نتعمل معها على انها مشكله وخلاص ولانتعامل معاها
على اسساس نعرف ابعدها ونحول نشاركفى حلها اونعرف الناس حققهم

السلبه فى الرد بتوحى ان مفيش مشكله
وحنا غرقنين فيها اصلا

عندك حق ياناصر بس الموضوع ده اخد مده كبيره ومافيش فعل واخرتها ايه

اخرتها ان الناس الى تروح تشترة تاخد بالها من الى ليها والى عليها

لا جدع ياكسبر حليت الموضوع
هههههههههههههههههه

حتى اللى بيعرضوا المشكله مش عارفين الحل
ايه يابنى عايزيين نحارب الناس اللى بتسرق دى

ولا ايه النظام؟ [ندعوك للتسجيل في المنتدى أو التعريف بنفسك لمعاينة هذه الصورة]

عاوزين نرشد الناس للصح
لانهم اهالينا ومنحبش حد يتغنى على حسابنا
وبعدين دى خدمه قوميه حكومتنا مقدماها لكل مواطن مصرى
يبقى ليه نفرط فيها
احنا كده بنهدر المال العام
وهانتحاسب قدام ربنا على تصرفاتنا دى

والحل مع الحراميه دول ايه بقى
عاوزين وقفه جامده
على الاقل فى الهياتم
لان الهياتم مش بلد تعبانه
شويه بقالين هايضحكوا علينا
لا دول يفوقوا لنفسهم ويعرفوا انهم مجرد بقالين ليس اكثر

الاستاذ المحترم احنا بتطرح موضوع ولا نقلل من مهنة احد
ياريت ياجماعة بلاش نقلل من مهنة احد وكل انسان فى مهنة عملة سفير ياريت لما نتكلم على موضوع نتكلم بطرح الحل وليس بتقيم عمل احد
وشكرا لحضرتك استاذ برشلونة

والله العظيم فضلت افكر في حل عشان ارد بيه ملقتش هقول ايه بس حسبي الله ونعم الوكيل طيب ياجماعه محدش بيكتب شكاوي ليه ويقدمها للمسؤليين اي حجه بس المهم منفضلش كده

اكيد لازم يكون فى حل لانها مش مرة دى شهريا ومش لواحد لبلد بكاملها

مشكلة فعلا
ياريت يكون في وقفة او نلاقي حلول للمشكلة دي

الحل فى نشر التوعيه بين الناس

اكيد بس ازي ده هيتم
وهما اصلا عاوزنا مغيبين

نشر التوعيه بين الناس سهله جدا
وممكن اللى يعمل كده خطباء المساجد

تسلم يا روبرتو على الفكره الرائعه دى

فكرة ممتازة ياريت يا كسبر تكلم الخطباء و المشايخ فى البلد المسكين المساجد و يوعوا الناس للالتفاف وراء مصالحهم المنهوبة ليست فى التموين فقط و لكن فى الجمعية الزراعية و فى الصحة و التعليم و الحكم المحلى و تكون حملة توعية شامله كل السلبيات الموجودة فى الهياتم يارب ميكونش كلام و بس و فضفضه و خلاص

اولا انا صاحب الفكره
ولما انسقها اكيد هاطرح على محمد كسبر اقتراحاتى
واحتمال انا اللى اقوم بيها
يعنى مش كل اقتراح هانجرى على البشمهندس محمد كسبر
وعلى فكره سنى مش 12 سنه بس ده طبقا لتعليمات من البشمهندس
هو اللى اختارلى السن ده
وياريت لما اوصل لحل كويس حضرتك تشارك معايا

اولا بس رجاء منى يا روبرتو الهدوء فى الرد
وبالنسبه لمساله السن عادى براحتك ممكن تغيره فى اى وقت
اما بالنسبه لاى اقتراح انا تحت امرك
وتحت امر اى شئ فى مصلحه الهياتم
انت عارف انى اقدس العمل التطوعى ومش باهتم باى انتقادات
ومنتظر اقتراحاتك ان شاء الله

تمام يا بروبرت ويا مهندس وعاوزاسمع اخبار كويسة ان شاء الله وربنا معاكو

» مش اصلى 2 - وسرقة نانسى لاغنية تنزانية
» مش اصلى 3 - وسرقة المطرب فارس لاغنية جزائرية
» مش اصلى 4 - وسرقة تامر حسنى لحن اغنية ياتاعبة كل الناس
» هذا الرابط من : اخبار يوم بيوم Newsdbd.com: محافظة القاهرة تستعين بالشرطة والجيش لإخلاء 500 شقة بالدويقة استولي عليها"الغلابة" http://www.newsdbd.com/2011/07/500.html#ixzz1RIrCL1zi NewsDbd.com Under Creative Commons License: Attribution Non-Commercial N