حوار يجنن بين خطيب وخطيبته بيحبوا بعض جدااااااااااااااا

حوار يجنن بين خطيب وخطيبته بيحبوا بعض جدا!!!!!!!!!

الخطيب : بحبك ( يا سااااااااااااااتر
الخطيبة : وانا كمان ( داهيه تاخدك
الخطيب : من اخر مره وانا بافكر فيكي ( يارب تغوري من وشي
الخطيبة : يا حبيبي وانا كمان ما بطلتش تفكير فيك ( اللهي اصبح الصبح الاقيك متنيل بعيد عني

الخطيب : امال فين حماتي مش شايفها يعني ( الحربايه الكبيره
الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

ههههههههههههههههه
اية الحب الافلطونى دة

اقوى من حب روميو وجوليت
قيس وليلى
هو دا الحب ولا بلاش

هههههههههههههههههههه

لما يقولوا كدا فى الخطوبه اللى هى فتره الدلع كله
يبقى اما يتجوزا هيضربوا بعض بالسكاكين

فعلا هوا دة الحب ولا بلاش

طبعا
هو دا الحب

دة مش حب دة نفاق ومسابقة شتيمة فى السر
الحب لازم يكون اساسه الاحترام والثقة المتبادلة والرضا

الموضوع مضحك وظريف

هاتلاقيهم مخطوبين تخليص حق ولا حاجه
وانصح الخطيب انه يمضى ابو خطيبته على كمبيالات
علشان الورثه بتوعه يتسفيدوا ماديا
لانها شكلها ناوياله على نيه سوده

هههههههههههههه
مشكور يافرحه
المووضوع اساسا على هيئه ضحك

هههههههه على اساسا انه هو اللى بيموت فيها يامحمد
دول المفروض ينضربوا بالنار

لا لا

الراجل باين من كلامه انه غلبان

غلبان ايه بس
دا فضله شويه ويقوم يقتلها

» مكالمة بين خطيب وخطيبته....تستحق الدخول والتفكير
» بريطانيا تحظر دخول خطيب هندى مسلم إلى أراضيها
» حوار
» حوار الاجيال
» حوار اب مع ابنه