المجال السياسى لشباب قرية الهياتم

من المفروض ان كل شباب قريه الهياتم له وعى سياسى حتى يكون قادر على اختيار نواب قادرون على اعمال وخدمات للقريه فى جميع المجالات وليس فى مجال واحد وان يكونوا تحت ايدينا فى اى وقت وليس ان يكون جالس فى القاهره من النواب الحاليين

وهناك الكثير من المشاكل فى قريه الهياتم مثل
انقطاع التيار الكهربائى بصفه مستمره وانقطاع مياه الشرب
وهما اهم الاشياء بالنسبه للمجتع
ومنذ عام 2005من يقدر ان يحصر اشياء فعلها النواب الحاليين من مصلحه عامه فى القريه
والقريه لايوجد بها اى تغيير منذ عام 2005 عاشه اهل الدائه وبالاخص قريه الهياتم التى كانت تتمتع بكثير من الخدمات قبل ذلك

سؤال الى اهل قريه الهياتم كم مدرسه ثانوى موجوده فى قرى محافظه الغربيه
هما مدرستين الاولى فى قريه العامريه والثانيه بقريه الهياتم والذى قام بترشيح هذه المدرسه هو الاستاذ محمد كمال مرعى

والبعض يقول انها خطط دوله
اين خطط الدوله منذ عام 2005 حتى 2010 لايوجد اى شئ جديد بالقريه
كما ان القريه تتمتع برصف شوارعها منذ الدوره البرلمانيه السابقه

من من النواب الحاليين يستطيع ان يحضر هذه الخطط غير النائب السابق الاستاذ محمد كمال مرعى

يا كابتن احمد
حضرتك مؤمن جدا بالاستاذ محمد كمال مرعى
طيب هو ليه خسر الانتخابات السابقه
طالما الراجل شغال

[ندعوك للتسجيل في المنتدى أو التعريف بنفسك لمعاينة هذه الصورة]

انا مؤمن بالله يا استاذ مؤمن واهالى الدائره كانو يرغبون فى التغير ولكن التغير لا يصلح فمن هنا لم يوفق الاستاذ\محمد كمال مرعى فى الدور الماضيه ما موقف الشخص الاخر فى الدائره فى الوقت الحالى وموفق الاستاذ \محمد كمال مرعى حالين وعلى فكره يا استاذ مؤمن عجبنى اسلوبك جدااااااااااا فى انقاش

الاستاذ محمد مرعى شخصيه محترمه جدا وخدومه ولا ينكر هذا ولا يجتلف عليه اثنين
ولكن ما حدث معه فى الدوره السابقه كان امرا محتوما حتى يتعلم من اخطائه ويصحح ويرتب اوراقه وينظر الي الامور من خارج الدائره ليتعرف على ما كان سببا فى ابتعاد الناس عنه
هو ليس على شخصيته غبار ولا على تاريخه البرلمانى ولكن دائما ما تتوالد احداث لتؤثر على كل ما كان موجودا اما بالسلب او الايجاب وطبعا اهم هذه الاسباب المقربون منه والذين ادعوا بن كل احتياجات اهل القريه سوف يقومون هم بتوصيلها له وطبعا تحسب علينا خدمه مع انها فى النهايه لن تصل ليده ولن يعلم عنها شيئا باختصا الحاشيه التى التفت حوله من محبى الاضواء والشهره كانت سببا فى رسوبه فى الدوره السابقه اما الان فانا واثق من انه قد اعاد حساباته مره اخرى ولن يكرر مثل هذا الخطاوانا عن نفسى اؤيد ترشيحه

[ندعوك للتسجيل في المنتدى أو التعريف بنفسك لمعاينة هذه الصورة]

انا معاك في معظم كلامك يا استاذ وبجد كلماك مقنع جدا بس دي حاجة طبيعية جدا وبتحصل كتير جدا وانا مفعلا معاك في نقطقة ان ربنا موفقش الاستاذ محمد الدورة السابقة علشان يقدر يكتشف الاخطاء اللي وقع فيها و ويقدر يكون الجديد جواه واللي ممكن يقدمها للناس لانة طالما بعيد عن المجلس اكيد شاف حاجات جديدة كانت بعيدة عنه بس اسؤمحلي انا هخدك لنقطة تانية كانت سبب رئيسي في عدم توفيق الاستاذ محمد الدورة السابقة وهي يا استاذ رضا ان الناس عندنا طيبة جدا وبجد علي فطرتها ومتعرفش فين الصواب وفين الخطا هي بتتصرف بحسن نية وخصوصا مع الانس اللي بتلعب علي مشاعرهم وخصوصوا اذا كان موقف انساني او موقف ديني فلو حضرتك تفتكر الدورة السابقة والدعاية اللي حصلت اللي خلي الناس ومنهم ناس كتير مثقفة ومتعلمة لان بجد اللعب علي المشاعر صعب جدا يعني مثلا لما مرشح يمشي ويرفع المصحف الشريف الناس الغلابة حتي لو كان شيطان لازم هتقف جمبة ولازم هتساندة لاني زي مقولت لحضرتك ما اكتر الناس الغلابة والطيبة عندنا في البلد ومع اني بعتب علي ناس كتر في الحملة دي بس الحمد لله قدر الله وما شاء فعل والحمد لله انها جت في الوقت ده علشان فعلا كان لازم حاجات كتير تحصل
الخلاصة يا استاذ رضا انا بجد بشكرك علي كلامك جدا وانا بجد معجب بطرقتك في الحوار جدا وياريت ربنا يكتر من امثالك اوعدك بجد بالتغيير
وشكرا

اولا انا احب ارحب بالاستاذ رضا لان وحشتنا ردوده الرائعه
واشكر الكابتن احمد صاحب الموضوع
وبالنسبه للاستاذ محمد كمال مرعى هو راجل محترم جدا وشخصيه رائعه
بس انا شايف برده ان الحال هو الحال بالنسبه للدعايه الانتخابيه
يمكن انا اقول كده علشان مش متابع قوى
بس من رد فعل الناس مش حاسسه بتغير من الاستاذ محمد

ربنا يكرمك يا بشمهندس وكويس انك لسه فاكرنى انا كان متهيالى انى هارجع من الجيش مش هلاقى حد فاكرنى
بس انا شايف انه اتعلم واكيد هيغير

انا بجد مش قادر اقول حاجة بعد الحوار الاكثر من رائع سواء من الكابتن احمد او الاستاذ الغائب العائد بكل جدية وباسلوبة الرائع دائما الاستاذ رضا ( ابو هدير ) ورد البشمهندس محمد

وفعلا انا مش محبى الاستاذ محمد مرعى مع ان متعملتش معة ومع ان مشفتوش تقريبا غير مرة لان مسافر بقلى فترة ومش متابع اوى عملية الترشيح
وانا اعرف ان هو بيخد البلد فى حاجات وربنا يوفقة ان شاء الله

المشكله الكل بيخاف يحشر نفسه فى المجال السياسى
ودى المشكله الاكبر

اساسا انا حاسه ان الدوره دى
مش زى امره اللى فاتت
يعنى مثلا المره اللى فاتت اللى يفتكر كان كل يوم اللواء السيد جبر عامل مؤتمر والناس بتهتف السيد جبر
لكن السنه دى مسمعتش خالص انه عمل اى حاجه يمكن عمل وانا معرفش
بس حتى لو كان عمل وانا معرفتش فالمره اللى فاتت اكتر بكتير من المره دى
وكمان مش اللواء السيد جبر بس
مفيش اى مرشح عمل اى مؤتمرات يقول فيها عن خططه مثلا
كله الا سمعت انه المحاسب محمد مرعى عيبقى فى البلد يوم23/11

ويارب يكون مرعى هيغير
لان انا شايفه انه راجل ممتاز

اتمنى من ربنا ان اللي يمثلنا يكون حاسس بينا فعلا وبمشاكل القرية اللي مااصبحتش قريه واتمنى زي ماعلق الاخوه انه يكون اتعلم الدرس مش الخطا لان الهياتم اكبر مما تخيلوها وشخصيا اتمنى فوز الاستاذ(محمد مرعي)لا لشيء الا لانه المناسب (سياسيا) للمرحله القادمه وانا سعيد بالوعي الفكري والسياسي اللي ما شفتوش في القريه من نهاية السبعينات

» (بالصور) : الأهرام المسائى يتحدث عن قرية الهياتم وعن وعوود المحافظ لفريق عمل منتدى الهياتم اليوم وقرية الهياتم (حصرياً)
» حصريا بالفيديوعلى (الهياتم اليوم)الوقفة الاحتجاجية فى قرية الهياتم بسبب سرقة المواشى فيها
» فخر لشباب الهياتم
» صور من قرية الهياتم
» اول فيلم تسجيلى لشباب الهياتم