ما هى متطلبات البلد من اى مرشح لمجلس الشعب

تخيلوا معى لو ان مرشحا من المرشحين فى هذه الفتره بغض النظر عن من هو او من اين ليس هذا ما يعنينى
تخيلوا معى لو سالكم عن الاشياء التى تنقص البلد والتى حرمت منها لاعوام كثيره
ماذا سيكون ردكم
ما رايكم لو حاولنا ان نجمع احتياجاتنا كلها فى عريضه واحده نقدمها لكل مرشح ونطلب منه تحقيقها
ما رايكم لو جعلنا من هذا المنتدى شخصا او مجموعه تكون وكلائنا تتكلم بلساننا معهم
ما رايكم لو جعلنا مطالبنا هى عنوان المنتدى لهذه الفتره
ولكن فى البدايه يجب ان نجمع مطالبنا كلها معا ونناقشها لنصل الى نص نهائى يكون هو عنواننا
اطلب منكم جميعا ان تتفاعلوا معى فى سرد مشاكل القريه كلها واحتياجاتهاومن بعد ذلك دعوه كل من نؤيد ترشيحه للرد عليها
ابـــــــــــــــــــ هدير ــــــــــــــــــــــــو

فى مشاكل كتير جدا يا ابو هدير

اول حاجه مشكله الكهربا لما بتتقطع بتتقطع ساعات توصل لاربع ساعات كاملين

دى غير ان الكعربا فى منطقتى مثلا بتفضل ضعيفه من الساعه 6 كدا لحد 9 يعنى انا مقدرش اشغل كمبيوتر فى الوقت دا


كمان مشكله البحر اللى سدوه ومكملهوش وسابوه زى ماهو
وبقى مكان للزباله واشبه بمصرف


غير طبعا ان البلد الايام دىالسرقه كترت فيها عاوزينه يخلى المسؤلين يجتهوا عشان يكملوا نقطه الشرطه

فكره ممتازه
وانا على استعداد توصيل اى شئ لاى مرشح
الحمد لله انا اقدر اوصل لاى مرشح
واكيد الكل هايكون متفاهم

انا متاكد انك تقدر تعمل كده يا بشمهندس وربنا يعينك

افتكر برضه ان بلدنا من حقها يكون ليها سنترال الكترونى علشان يقدر يوفى بمتطلبتها
والمواصلات كمان يا جماعه محتاجه حلول لان من بعد المرفق ما اتمنع من نزول الارياف والمواصلات مشكله عند الكل
وكمان برضه مننساش مشكله الخبز المكيس
وضعف الكهرباء زى ما قالت نانا

ان شاء الله يا استاذ رضا
انا عن نفسى نفسى اشرب مياه نظيفه نقيه
لان بصراحه انا بخاف اشرب من مياه الحنفيه

وطبيعى الكهرباء الحمد لله عندنا كويسه
بس عند معظم الهياتم سيئه جدا باليل

تمام با ابو هدير

طبعا انا مش هعرف اقول عن حاجة لان بقالى فترة كبيرة مش فى البلد ومعرفش الظروف اية فيها

بس اقتراح ممتاز ومضوع جميل ان يكون فى شباب واعى يتكلم بأسم البلد ويكون على تواصل بكل طريقة سواء تلفونات او اجتماعات كل فترة او مناقشات او اى شى للتواصل

وياريت تبدء بالمرشحين اللى نزلين البلد ويتعمل معها برنامج وطبعا كل واحد هيبان اذا كان هيخدم البلد ولا لاء

ومرة تانية بشكركم جميعا على الموضوع المميزة يا ابو هدير وان شاء الله تكون فكرة حلوة

تمام با ابو هدير

طبعا انا مش هعرف اقول عن حاجة لان بقالى فترة كبيرة مش فى البلد ومعرفش الظروف اية فيها

بس اقتراح ممتاز ومضوع جميل ان يكون فى شباب واعى يتكلم بأسم البلد ويكون على تواصل بكل طريقة سواء تلفونات او اجتماعات كل فترة او مناقشات او اى شى للتواصل

وياريت تبدء بالمرشحين اللى نزلين البلد ويتعمل معها برنامج وطبعا كل واحد هيبان اذا كان هيخدم البلد ولا لاء

ومرة تانية بشكركم جميعا على الموضوع المميزة يا ابو هدير وان شاء الله تكون فكرة حلوة

شكرا ليك يا وائل وان شاء الله يكون فيه نتيجه تخدم اللى بعيد عن البلد قبل القريب منها

زى ما الباشمهندس قال مشكله الميه
المحطه الجديه اللى اتعملت انا شايفه انها اوحش من المحطه القديمه
انا ساعات بفتح الميه الاقى الكوبايه لونها اصفر وبترسب رمل
بلدنا محتاجه حاجات كتير اوووى يا بوهدير

بجد فكره ممتازه تسلم

كل واحد فينا مسؤل امام الله وامام الناس عن كل مجهود كان يستطيع ان يبذله لخدمه التاس ولكنه منعه
لذلك الحل نملكه بالفعل بين ايدينا وهو ان نطلب حقوقنا ممن يستطيعون ان يجلبوها لنا
وكلنا قادرين على التاثير بايجابيه
فقط علينا ان لا نتهاون حتى فى اتفه حقوقنا

يا استاذ رضا
فى مشاكل احنا قدمنا فيها شكاوى كتير جدا مش مره بس
لا مره واتنين وتلاته وعشره
ولحد دلوقتى بنعمل شكاوى
وناس جات شافت ع الطبيعيه
والمشكله قالوا هتتحل
ولكن لاحياه لمن تنادى

نعمل ايه احنا بعد كدا

تفتكرى ان فيه مشاكل فى بلدنا بتتحل بالشكاوى
اعتقد لا
فيه مجلس محلى فى البلد لازم نحاسبه واعضاء مجلس شعب وشورى لازم نقلق راحتهم لان سكوتنا بيخليهم يستهتروا بمشاكلنا
وزى ما قولت احنا لازم نجمع مطالبنا فى الاول وبعدين نعرضها على اللى بيقولوا انهم بيرشحوا نفسهم علشان مصالحنا ونشوف مين الصادق ومين الكداب

ايه رايك ان احنا وصلنا الشكوى لوزاره البيئه
والمجلس المحلى كمان
وناس جات عين وكل حاجه وناس م الوحده جايين وشغل اخر تمام
لكن وقت التنفيذ مفيش

ممكن نعرف ايه هى المشكله دى علشان نضمها لعريضه الشكاوى

انا اقصد على مشكله الزباله وانا فى كل حته تلاقى زباله
عارف هما عملو ايه قالو ممنوع حد يرمى زباله فى البحر عموما ونبهوا فى كل الجوامع على كدا والناس بترمى ولا حد بيعبر
ومثلا البحر اللى اتردم كنت الاول تعدى من قدامه منظره حلوه
دلوقتى وانا معديه من جنبه لازم اسد مناخيرى بمناديل او اى حاجه
لان الريحه فظيعه

انا مش بتكلم عن مشكل الزباله بس
حضرتك اكيد بتعدى عند البحر
وبتشوف المكان اللى وقف عنده الردم ومنظره
بقى مكان للنفايات
حيوانات ميته تلاقى فيه من كل مالذ وطاب
جرب كدا تعدى من جنبه فتره الظهر كلها لحد الساعه 6 بليل كدا
مش هتقدر تتطيق الريحه

واهواللى اتردم سبب مشاكل
اهالى المنطقه متعذبيين من الريحه والمشاكل اللى بتاعها
الفلاحين اللى بيزرعوا الميه مش بتوصلهم عن الزباله سد الميه وخليها متعديش
يعنى المفروض المشكله دى تتحل عشان الناس اللى بتزرع

هى مشكله فعلا بس حلوله بسيطه ومحتاجه حد يكون عند شويه ضمير من المجلس المحلى لان كل الزباله دى بتيجى من بحر صفط ومحتاجه بوابه تحجز كل الزباله دى من اول الخط

عملوها يا استاذ رضا
عند اول البلد كدا
اعتقد عن المضرب بتاع الارز بتاع النائب جمال شاهين
عملوا براميل كدا بطول ال بحر
بس معملتش اى حاجه
ودلوقتى البراميل باظت
لان اول ما البحر بتملى البراميل بتغطس تحت فالزباله ساعات بتبقى عايمه فوق فكانها مش موجوده

ياترى يا بشمهندس جمعت المشاكل اللى عرضناها دى
ياريت توصلها باسرع وقت علشان نسمع عنها رد

ياجماعه انا عيزاقول حاجه انتم ليه مزعلين الحاج حسين الشيخ الراجل عامل مصطبه الحوارات امام بيته اللى عاز يشتكى من حاجه هو موجود على منتدى المصطبه انتم عرفين نعمل فيه ايه عشان نخلص من رخمته نعمله حظر علشان ميغلطش فى الناس تانى احنا مش دخلين حرب احنا بنتحاور مش اكتر ومفيش بادينا شئ نعمله ده انسان مريض بداء النقص عايز يعمل لنفسه شخصيه وهو تافه تافه باين عيز يرشح نفسه للانتخبات انا اول واحد هنتخبه بس يكون حزب المصطبه