كلام عن الحب

ليس الحب هو الذي يعذبنا ، ولكن من نحـــــــــــــب

هو عنوان الحياة, وهو أسمى ما في الوجود, فيه نحيا ونعيش
فيه الرغبة الصادقة في أمتلاك السعادة
هو سلامة النفس في أعماق الأبدية هو العلم الوحيد الذي كلما أبحرت فيه أزددت جهلا
هو مجرد ثرثرة والأصدقاء هم كل ما يعتد به
هو أضطراب الحياة.. والصداقة سكونها وراحتها
الحب أعمق..لكن الصداقة أوسع
لا تتزوج الا عن حب , ولكن تأكد أن من تحب هو جدير بحبك
الحب مرض, والزواج صحة , والمرض والصحة لا يلتقيان
أستمرار الحب بعد الزواج فن يجب تعلمه
لا تسأل صديقك كيف يحبك , فكثيرا ما يجهل الصديق كيف يحب صديقه
الحب الحقيقي كالعطر النادر يترك آثاره مهما طال به الزمن

الحب..هو ذلك الشعور الخفى الذى يتجول فى كل مكان ويطوف الدنيا بحثا
عن فرصتة المنتظرة ليداعب الأحساس
ويسحر الأعين.. ويتسلل بهدوء.. ويستقر فى غفلة من العقل ورغما عنك
داخل تجا ويف القلب....ليمتلك الروح والوجدان... ليسطر على كل كيان الأنسان
والحب هو ذلك الشعور الذى يمتلك الأنسان فى داخلة
ويطوف بة العالم حيث يشاء بأفراحة وأحزانة
يجول كل مكان فوق زبد البحر يمشي دون إن يغوص فى أعماقة
الحب.. هو ذلك الوباء الذيذ الذي يصيب جميع الكائنات بدون استثناء

لكن عندما ابحث عن الحب
هل اختارمن يحبنى ام اختار من احبه ؟

عن نفسى لو هختار
هختار اللى بحبه وفى نفس الوقت يكون هو بيحبنى
مش شرط بنفس الدرجه
لو انا اكتر يبقى احلى
بس برضه يكون هو من جواه بيحبنى


مشكور ياحامد ع المووضوع

ممتاااااااااااااااااااز جدا جدا
وانا لو هختار هختار اللى تحبنى النها هتخاف علية وتحاول تخلينى سعيد على قد ما تقدر
ولما الواحد بيلقى حد يخاف علية ويحبة ويقدرة هيحبة ويخاف علية ويحاول يسعدة

دايما المثل بيقول خد اللى بيحبك

بس انا اختار اللى بحبه عشان فى الوقت دا عمرى مهزعله لانى بحبه
وفى نفس الوقت برده يكون هو بيحبنى
او ع الاقل مقدر حبى دا

موضوع جميل
بس مش فاهمة يعنى ايه الحب مرض والزواج صحه فلا يلتقيان
الزواج هو حياة الحب وهو بدايته وليس نهايته كما يعتقد البعض
(لو هتختار بينهم يبقى تختار اللى تحبك وتخاف عليك وانت اكيد لو قلبك صافى وخالى هتحبها اكتر ماهى بتحبك)

صح وهو دة اللى اقصدة ان اخد اللى تحبنى وتخاف علية وطبعا مع المرور هبدلها نفس الشعور والاحساس

تسلم ايدك يا حامد علي الموضوع

ونا من وجهه نظري ها ختار الي بيحبني اكتر من الي انا بحبه

مشكورين على المرور

انا وجهة نظرى هاخد اللى بيحينى

وزى ما نانا بتقول خد اللى بيحبك ومتخدتش اللى تحبه

لان اللى بيحبك هيعمل المستحيل علشان يرضيك وانت لو لقيت كده اكيد هتحبه


تسلمو كتير على المرور

الحب مرض, والزواج صحة , والمرض والصحة لا يلتقيانالحب الحقيقي كالعطر النادر يترك آثاره مهما طال به الزمن
الحب.. هو ذلك الوباء الذيذ الذي يصيب جميع الكائنات بدون استثناء

الحب مرض
الحب عطر
الحب وباء
قمة التناقض لذلك قررت البعد بقلبي بعيدا عن التناقض وعندما نستقر على معنى موحد للحب عندها.............سأحب !!!!!!!
ومشكور يا ميمو على الموضوع

الحب مرض, والزواج صحة , والمرض والصحة لا يلتقيان
انت متاكد انك كنت صاحى وانت بتكتب الموضوع ده يا حامد
يعنى من وجهه نظرك مينفعشى اتنين بيحبوا بعض يتزوجوا
يعنى معنى كده ان اى اتنين متزوجين مبيحبوش بعض
يعنى اهالينا بيكرهوا بعض
ربنا يكرمك ياعم حامد والنبى اقرا الايه دى(ومن اياياته ان خلق لكم من انفسكم ازواجا لتسكنوا اليها وجعل بينكم موده ورحمه)وبعدين ابقى جاوبنى
لو مفيش حب يبقى ازاى هيبقى فيه موده ورحمه

انا مليش دعوه باللى انت بتقوله ده يا ابوهدير

انت بتفهم الكلام ازاى انا خلاصة موضوعى

انى بسأل سؤال هل عندما اتزوج من اختار

هل اختارمن يحبنى ام اختار من احبه ؟

ايه اللى انت بتتكلم فيه ده كله مش فاهم انت حورت الموضوع على مزاجك خالص والله مش عارف انت اللى كنت صاحى وانت بترد على الموضوع شكلك كده قريت موضوع تانى خالص وده باين

مش فاهم الرد اصلا بناءا على ايه اللى يشوف ردك ويشوف الموضوع يعرف انك مشوفتش الموضوع اصلا

انت شككتنى فى الموضوع خلتنى اقرأ الموضوع مره واتنين وتلاته علشان اعرف انت رديت بناءا على ايه والله انا مش فاهم

وبعدين انت مالك سخن على الاعضاء كلهم كده ليه

انت بترد رد غريب مش عارف انت بترد ازاى

ابقى اقرأ الموضوع والنبى صح متحللش على مزاجك والنبى

شكلك كده انت اللى كنت نايم بترد وخلاص باين كده عاوز تزود مساهماتك وخلاص ولا ايه

علشان نقطك تزيد باين

اهدى شويه يا ابومحمد

كنت مستنى ردك يا استاذ رضاعلى اللى انا قولته

بس الظاهر انك بتدخل على الموضوع مره واحده بتغلط وخلاص

مش بترد بتخلى اللى ادامك يفقد اعصابه وخلاص

انا اسف يا استاذ رضا زى منتى اتهمت الاستاذابراهيم المسلمى انه ميستحقش انه يكون مشرف فى المنتدى

اسف على كلامى ده انت كمان متستحقش انك تكون عضو فى المنتدى ده
وكل واحد له رايه بس المفروض ان يكون رايك ورضك فى اسلوب الحوار مش تخاريف اسف جدا انى خرجت عن اعصابى

بس الكلام هو اللى مضايقنى اسف كتير استاذ رضا