ازاى تكونى لازقه امريكانى

أولا : الولد بيحب البنت الرقيقة
رفعوا صوتكم يا بنات . و أول ما تشوفى حاجه وحشة .. سورقى (يغمى عليكى) من كتر الرقة . ز عيطى كتير . العياط دليل على الاحساس المرهف . أوائى له .. نكدى عليه الليلة
ثانيا الولد بيحب البنت الرومانسية
سبلى له . اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة
ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم.. و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله :دى كلها اشاعات ده هما اللى كانوا معجبين بيا لكن انا ولا سألت فيهم كلهم
رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقى على الموضه .
ملحوظه : لو مشعارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة
ادلعى ياختى انت و هى . ما تبقوش دكر .

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .. يا سلام !! ايه الشياكة دى كلها . انت أشيك ولد شفته فى حياتى ..(مش مهم هو لابس ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه .

النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 8 مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك

المفروض تغيري العنوان من(ازاي تخلي ولد يحبك)الى (ازاي تكوني لزقه امريكاني)هههههههههههههه

ههههههههههههههه
غيرتها اهوه
اى خدمه

هوه ده عيشوا بقا

بس تفتكر دا هيجيب نتيجه

نتيجه .زدا انتو جيل ما يعلم بيه الا ربنا

هههههههههههههههههههه
ليه بس احنا طيبين والله

ربنا يكرم الجميع وكل واحد وواحدة بياخد نصيبة
مشكورة على الموضوع وربنا يكرمك

الله يخليك يا استاذ وائل

وتسلم ع المرور

انا اللي شاكر ليكم مساهماتكم

الولد بعد كده عاوز البنت الى تصرف عليه
جات على دى بقى
ماهى غيرت من كل حاجه فيها
هههههههههههه

موضوع مضحك وظريف مع انه فيه الفاظ وتعبيرات وتلميحات خارجه ومتنفعشى
بس اوعوا حد يسمع كلامها يابنات عشان كدة هتكون النتيجه حاجه من 2
اولا هتجوزى واحد عبيط ولا ولد زى ماهو مكتوب وعمره ماهيكون راجل ومش هتعمرى كمان زى ماانتى عجبتيه هتعجبه برضو واحده اجتهدت ونفذت التعليمات الغريبه دى اكتر منك وصبغت شعرها احمر مش اصفر
ثانيا هتعنسى خالص ولا حد هيعبرك بدماغك الضاربه دى
خليك نفسك وحافظى على دينك وحيائك واحترامك هتكونى ارق واجمل واكتر رومانسيه من اى واحده تانيه
واعرفى ان لكل واحدة جمالها فمتحوليش تقلدى
ولو عجبتيه عشان شويه بودرة حطتيها يبقى هيسيبك اول ماتغسلى وشك

ولا اقولك بلاش تغسليه بقى عشان تحافظى على الوااااد اللى معاك

(معلش ده هزار بهزار )
وعشان فى ناس ممكن تعمل كدة بجد اصل مستوى التقليد مرتفع اوى الايام دى

عندك حق يا محمد فاضل تصرف عليه
يلا المهم نتجوز

يا فرحه الموضوه هزار
وبنات المنتدى كلهم عاقلين محدش هيقلد الكلام دا

البنت هتفضل لحد مانصيبها يجى

اسعدنى مرورك وتعلقيك ع الموضوع

مش قصدى بنات المنتدى فهمتى غلط انا قصدى من الزوار
وكمان عشان فى ناس بجد بتعمل كده(متزعليش لو مرورى ضايقك)
(معدتش هاقول رايى لو كان فيه انتقاد عشان محدش يزعل او تفهموه غلط بس برضو مش هاعلق باى حاجه) ازاى تكونى لازقه امريكانى 840971

يا فرحه يا قمر
انقدى زى منتى عاوزه
المووضوع مش معممول عشان الناس تصقفلى
كل واحد يقول رايه ودى حريه
وهزعل منك بجد ولو مش قولتى رايك

ايه يا بنات وحدو الله احنا نروح القسم واللي ليه حق يا خده

صح يا استاذ سيد
يلا بينا

انت ما سدقتي

طبعا
اصلى بحب الاقسام

ههههههههههه

السلام عليكم انا احب يكون كل واحد على طبعته ولا أيةو فى اول والاخر كل واحد بيأخذ نصيبة

يا جماعه ده هزار يعنى الموضوع مكتوب من باب الضحك مش اكتر
وانا بصراحه الموضوع ضحكنى اوى
تسلمى يا لؤلؤه
جميل عشان طبعا ضحكت

محمد العيسوى كتب:: السلام عليكم انا احب يكون كل واحد على طبعته ولا أيةو فى اول والاخر كل واحد بيأخذ نصيبة

اكيد طبعا يامحمد كل واحد بياخد الى ربنا كاتب له
بس المووضوع هزار مش اكتر
مشكور لمرورك

تسلمي يا نانا هوا ده فعلا المطلوب

معلش با جات متاخره

» ازاى تكونى بنت دلوعه
» كونى ( ، ) ولا تكونى ( . )
» عايز تموت ازاى فى مصر ؟
» هل ترضين ان تكونى زوجه ثانيه
» ازاى تنرفز بنت