يا اللى انتخبيت الهلال والجمل قولي

ياللي انتخبت الهلال ويا الجمل قوللي
بتنتخبهم ليه0
مكفايه تلاتين سنه
تجويع وفقر يابيه
هو انت عندك دم
وللا انت عندك ايه0
ولاّ البعيد مش معانا
في الدنيا مش عايش
وللاانت مسطول وشارب
ولاّ جبان كاشش
ولاّ انت م المأجورين
ولاّ عديم الدين
ولاّ الخسيس م العبيد
من عبدة المأمور
ولا يكون حلمك
ييجي عليك الدور
وتبقى م المحسوبين
اللى لا بيهمهم
قانون ولا دستور
ولاّ انت أصلا عميت
ولاّ انت كنت عبيط
هو انت مش مصري
مولود ف أرض النيل
هو انت مش وطني
هم الوطن بتشيل
معقول صحيح تنتخب
راجل خسيس وجبان
ندل وكمان مرتشي
باع الشرف مجان
مفضوح ولا يختشي
من أى فعل إن كان
زور إرادة وطن

سرقه ونهب ف نهب
يبقي تشيل بلوتك
وتشيل معاه الذنب
__________________
ياللي انتخبت الهلال
ويا الجمل م الحزب
قلبي عليك يا جدع
بايع ضميرك كذب0__________________
اكتب يا رقيب
اكتب يا عتيد
سجل يا زمان
شفت التزوير
والناس طوابير
والأمن مانعهم
م التصويت
لجل الإخوان
أو أي معارض مهما إن كان
سجل يا جمال
لو كنت هتيجي بالتزوير
تحكم طراطير
يبقى إنت كمان
أكبر طرطور
والشعب المصري
يقولك غور
علشان بتحط واحد واتنين
أعضاء فاسدين
بجمل وهلال__________________
سجل يا بديع
إن الإخوان
أصواتهم هية الحقيقيه
هيه الأصوات الشرعية
أصل الأصوات
فالانتخابات مقسومة نصين
النص الأول بالتزوير
حبة طراطير
زوروا بغباء
حطوا الأوراق
جوه الصناديق
من غير تدقيق
ولا حسبوا الصندوق يطلع كام
وبأي كلام
وقلمهم طبعا كان واحد
قام بالإمضاء
حتى الصندوق
مفتوح من فوق
عدد الأصوات
أربع ميات
واحلف بالله
ان الصندوق
ذات الصندوق
لما فرزوه
أو قول عدوه
فوق ألف من الأوراق
يلاقوه
طب بس إزاي
دا الناخب لو خدله دقيقتين
يملا ورقتين
وده أسرع ناخب في الناخبين0
يبقى إحنا بحسبه كدة عايزين

عايزين يجي 30 ساعة0
ربنا يحرقكوا بولاعة
__________________

يا فضيحتك ياللي هاتاخد الكرسي الدون
ويا ألف ندامة على النواب
وإشهد يا بديع
إن الإخوان
أصواتهم هية الحقيقيه
هيه الأصوات الشرعية
أصوات الناس0
وبكل حماس
راحوا التصويت
ورجال وبنات
آنسات زوجات
راحو ا لنتخبات
ينتخبوا العضو
دهو بالذات
أبو يد نضيفه
وكله ثبات
وفاتح قلبه
للناس صالونات
عارفينه عقيدة
ودين وإيمان
ومكلف نفسه
لوجه الله
ولا هيه لسلطه ولا للجاه
ومشينا معاه
والناس شهدت إن الإخوان
فعلا بالأفعال
مش بس كلام
ولا بالهتافات0
وإله الكون هو غايتهم
ورسولهم هو قدوتهم
وطريقهم هو ف دنيتهم
على طول ف جهاد0
والموت في طريقهم أمنية
في سبيل الله بالإستشهاد

يا ترى فرايك مين الاصلح

الأصلح هو إن الشعب يفوق لمصلحته ويختار اللى يمثله مش شرط إخوان مسلمين فقط في مصلحين كتير غير الإخوان المهم منسبهاش للحرامية( الحزب الوطني )

زي مين من المصلحين هاتلي واحد بيعمل في الحقل السياسي مصلح او فيه زرة نخوة

الاصلح اننا ننتخب اى حد فقير فاهم واعى
حاسس بمشاكل الناس

قصدك اي حد (شرييييييييييييف)لان اللي موجودين كلهم كانوا فقراوبقوا اغنيا وما اتغيرش حاجه بل على العكس بقينا اسوأ من الاول الف مره

انا اقصد ان اللى هايفيدنا احد المرشحين المتوسطى المستوى
بشرط ان يكون متعلم ومتدين ويكون قادر على التواصل مع المسئولين

فيه ناس كتيره جدا شريفه بس ضعيفه متقدرش تاخد قرار
او تجيب خدمات لاهل دائرتها

» الإسماعيلي يسعى للعودة للانتصارات أمام سوفاباكا بدون مودي والجمل
» أحمد علي يلتحق بمعسكر الهلال في دبي الاثنين
» حرس الحدود يواجه الهلال السوداني وديا اليوم
» الهلال ينهي استعداداته للشباب بالدخول إلي معسكر مساء السبت
» اليوم .. أحمد على يقود الهلال أمام الأهلى بديلاً لياسر القحطانى