الشحات مرزوق يكتب: حضرتك بتؤمن بالتغيير!؟

[ندعوك للتسجيل في المنتدى أو التعريف بنفسك لمعاينة هذه الصورة]
لو جربت تعيش مقهور مظلوم كل يوم ليك حق يضيع يبقى هتؤمن بالتغيير.. لو جربت تشوف الذل والمهانة يبقى أكيد هتؤمن بالتغيير.. لو جربت البطالة واللف على شغل بملاليم وبرضه مش بتلاقى هتؤمن بالتغير.. لو ليك أب أو أم من ضحايا الحكومة فى العبارة والدويقة وحوادث القطارات هتؤمن بالتغيير.. لو ابنك أو بنتك بيموتوا من المرض ومش لاقى تمن العلاج والحكومة مش بتعالج غير الراقصات هتؤمن بالتغيير.

لو أخوك كان خالد سعيد أو السيد بلال، وطلع من قسم الشرطة جثة هتؤمن بالتغيير.. لو اشتغلت مندوب مبيعات بتلف على رجلك فى الإشارات وتستحمل كل الإهانات هتؤمن بالتغيير.. لو عيشت فى الفساد سنين والحكومة ودن من طين وودن من عجين هتؤمن بالتغيير.. لو حفيت على شقة ومعرفتش لأنك فقير هتؤمن بالتغيير.. لو شوفت رجل أعمال بيصرف 600 مليون على مطربة وشباب بلدك نفسهم ف 20 ألف يبتدوا حياتهم هتؤمن بالتغيير.. اسأل ضميرك واعرف انك مظلوم وفيه زيك كتير.. وسلملى على التغيير!؟

تسلم ايدك يا استاذ وائل علي هذا الخبر

» سعيد المغربى يكتب: المصريون فى الخارج.. إلى متى؟
» ياسر فرج زيادة يكتب: هيا بنا نعلن الحرب
» مداخلة احمد الشحات سبايدر مان مصر مع قناة الجزيرة
» تكلم و الكمبيوتر يكتب
» عندما يكتب القدر ان نفترق