أنت أكيد فى مصر

[color=darkred]أنت أكيد فى مصر[/color]

لما تلاقى ناس بتنهب فى الملايين
وناس مش لقيه ملاليم
تلاقى ناس عايشه فى قصور
وناس تانيه مش لقيه حتى تنام فى القبور
لما حلنا يتوصف فى تقارير
ويتقال عن الشعب بيتعشا حمام وفطير
وإللى أنتوا عرفنهم عيشين بضمير
يبقى أنت أكيد فى مصر
لما تلاقى بلدك بتباع
وتلاقى حقك كمان ضاع
ونص الشعب من الفقر جاع
والنص التانى فى الزحمه ضاع
لما تلاقى شباب عطلين
وعلى الاقهاوى مستنين
على اى فرصة عمل بكام مليم
و لما تعدى على اى كمين
وتتاخد فى البكس مع التنين
وتضرب عشان يعرفوا أنت مين
وأنت معملتش حاجه يا مسكين
بيقى أنت أكيد فى مصر
لما تلاقينا فى أخر كلامك
واستحكام..... قهر وزل
يبقى أنت أكيد فى مصر
ومهما قلت هى امى
وانا مش حاسس بحننها
جوه دمى........ نيلها
ودمى بقى مسموم
شمسها فى سمارى
فخلت كلبها يهنونى جوه دارى
ومخليانى غريب عنها..... شكلها فى ملمحى
وفين قمحك يا مصر....... حتى لونى قمحى
عشان كده
بيقى أنت أكيد عايش فى مصر

هى مصر وحشه اوى كده فى نظرك
اللى انت كتبه اكيد مش على مصر
ممكن ندعلها وبس
ان شاء الله ازمه وبتعدى
شوف بعد النكسه والاستنزاف تقربيآ بيقولوا حصل حاجه كبيره اسمها نصر أكتوبر73

مصر مش وحشه يا اخى الكريم و لكن كل من يعتلى منصب
هو الذى يوحشها با اسلوبه المستفذ فى النهب الم ترى ماذا
تفعل الشرطه مع الناس الم ترى ان معظم الخريجين يجلسون على القهاوى
الم ترى الفساد الذى يجوب جميع انحاء المصالح الحكومية
ليس هناك اى مزايده على حب مصر سواء منى او منك

ربنا يهدى الحال فى مصر يارب
وتعدى الازمه على خير

الوضع بقى صعب جدااااااااااااا

فعلا بقى صعب
الواحد مش عارف يتمشى مع مزته على الكرنيش بسبب المظاهرات دى
انا اتخنقت
طيب احنا ذنبنا ايه

معلش يعم اصبر انشاء الله الامور تتحل وتتمشي براحتك

انا سامع ان الكورنيش هاينفتح بعد 5ايام

ايه التهريج ده بدل ما تدعو دعوه لمصر
فعلا اللى زيكو هو اللى مضيعها

للاسف الموضوع خطير جدا
وكم احزننى رد بعض اعضاء المنتدى بردود لا تليق بالحادث الكبير الذى يتحقق

يارب يارب تنتهى الازمه على خير
وحفظ الله مصر من كل شر
ان شاء الله

ايه يا جماعه دى حرية راى
انا عايز اتمشى مع مزتى
ومش عارف اتمشى بسبب الهرج والمرج الموجود ده
احنا هنا مش فى منتدى له حرية راى
ولا يا مز انت وهو

وعلشان فيه حريه راى انا لم احذف المساهمه الخاصه بك بالرغم من انتقادى لها
ولكن الاسلوب الحوارى بيمى وبينك
يعكس الواقع الاليم الذى تعيشه مصر فى الايام الحاليه

يا استاذى الفاضل الوضع الحالى فى مصر لا يحتمل ما ذكرته
بل انه لا ينبع من انسان يدعى انه يحب مصر ويخاف عليها
لقد تعرضت فى ما ذكرته للمساوئ ولم تذكر حتى ايجابية واحدة
وتذكر فى الاخر ( ومهما قلت انتى امى ) هل يعقل هذا ؟؟
فمن احب شخصا لا يعدد عيوبه بل انه قد يتغاضى عنها او يحاول
اصلاحها بدلا من نشرها وزيادة الطين بلة فى مثل هذا الموقف
الذى يتطلب تهدئة الامور بدلا من اشعالها

ولكنك بدلا من ذلك اخترت توقيتا عصبيا لعرض موضوعك
نرجو منكم اظهار بعض الحب والانتماء لبلدكم مصر
فكل شىء زائل ومصر هى الباقية ......

وفى الاخر بتقول عليها امك ؟!! طيب تيجى ازاى بالزمه وحياتك
كلام غريب فى موقف غريب وفى وقت اغرب
ياااااااااااه على الوطنيه
على فكره امثال اللى شايف مصر بطريقه حضرتك دى هما اللى عملوا كل اللى حصل ده من خراب ودمار فى الوقت ده
ليه طول الوقت بننسب لمصر كل المساوىء والعيوب وبنشتكى طول الوقت منها ومن حكامها وبنرجع ونقول هى امى ودول يبقوا اولياء الامر
ليه بنغمض عينينا عن الحاجات الكويسه والمزايا كاننا بنقتل فى بعض وكاننا اعداء
ليه طول الوقت بنسب المصريين ودايما نستهزأ عليهم وونقول هم دول المصريين ومش بنجيب سيرتهم غير فى الفشل
لييييييييييييييييييييييه كدة؟؟؟؟؟؟؟؟؟؟؟؟؟؟؟؟؟؟
الحضارة منبعها مصر والثقافه عنوانها والاخلاق والرجوله والشهامه سمات ولادها الابطال
وحكامها كويسين واحنا بس اللى مش عاوزين نشوف كده
واهم دليل على كده اصرار الرئيس مبارك على البقاء بالرغم من كل اللى حصل فى حقه
وده مش عناد ولا تمسك بجاه او بسلطه زده لانه عارف ان دى كلها مكيده وانه لو سابها دلوقتى هتتخرب على الاخر
فتح عينيك وشوف كويس وشوف مميزات بلدك وامك مصر وشوف ايه اللى عمله لك الريس وشوف مين بيتربص بمصر وعاوز يخربها وبيحرضكم بكلام زى ده
وشوف بعنيك ومتنقلش كلام بتسمعه وبس وبلاش متابعه الاخبار على قنوات محرضه على تفرقه مصر وتشتيت شعبها


وياريت تختار الوقت المناسب لمواضيع حضرتك وبدل ماتفضل تقطع فى بلدك حاول تنقذها وتاخد باديها

لقد احزننى جدااااااااااا رد الحب الحب والاخ ريال مدريد
لكن احب اطمن الاخ الحب الحب واقوله ما تزعلشى انا كمان مش عارف اتمشى مع مزتى خالص
لكن الحمد لله هانت واتمشى انا كمان بس انتو بتبقوا موجودين فين لان دايما هناك ويمك نبقى اصحاب جدعان اوى مع بعض

انت هتهرج يا ادريانو ما تحترم نفسك
انا قلت اتمشى انا ومزتى بس
ايه الرخامه دى

انا ملاحظ ان اللى كل اللى مسافرين بيتكلموا عن مصر
مدام بتحبوها قوى كده

ليه سافرتم وسبتوها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤال جميل يا برنس بس يا تري فيه حد ممكن يجاوب عليه

الاجابه طبعا
ان كرامه المصريين فى الخارج مهدوره
علشان كده اكتر ناس بتعانى
من يحمل الجنسيه المصريه

انا باضم صوتى لصوت الاستاذ حسين
وفعلا مصر بلد كبيره جدا
واللى حصل فى يوم 25 يناير يعكس الصوره السلبيه التى رسمها الغرب على شباب مصر
جميع اعداء مصر سخروا كل طاقاتهم من اجل الهاء الشباب المصرى عن النهوض بالوطن
ولكن الشباب اثبتم انهم مهما كانت الالهاءات
مصر فى القلوب دائما
وحب الوطن سيظل محفورا فى وجدان كل شاب مصرى

عندك حق يا استاذ ف اللى قلته
وانت يا ادريانو انت والاخ الحب الحب
ما حبكتش يعنى على كورنيش النيل ما تروحو اى منتزه تانى واتمشو

ايه يا حب الحب انت
انا غلطان يعنى انا كنت هظبطك صح
لكن ما لكشى فى الطيب نصيب

كل انسان يعبر عن حاله و لكن
اليوم هو حالنا جميعا
اليوم هو الوقفه مع النفس
اليوم هو محاسبة انفسنا جميعا
اليوم هو يوم مصــــــــــــــر
دعكم من الهظار و استخفاف الدم
لكل مقام مقال و اليوم هو تحديد المصير
هل انتم جميعا مع الوقوف فى ميدان التحرير
ام تسير الحياه الى ماكانت علية مع التغير
من حسى البسيط فى عالم السياسة ان كنت ازعم باننى افهم فيها
نترك ماهو ات فى يد اثنان اجمع عليهم العالم العربى
بالكامل بانهم من الشرفاء و هم عمر سليمان و احمد شفيق
من سافر منكم عبر مطار القاهرة الدولى فى اى صاله من 10 عشر سنوات
و سافر الان يجد تغير فى مطار القاهر تغير شامل و كامل
و هذه انجازات احمد شفيق الذى يتكلم بحس ابن البلد
و لكن هناك من هو داهيه فى المفاوضات و هو عمر سليمان
هذا الرجل لقد سئلت عنه اناس كانوا يعملون مع فى المخابرات
كان نعم الرجل و هو من تخشاه اسرائيل و امريكا
دعوهم يغيرون حتى نتغير
و ميدان التحرير موجود لن و لم يتغير اذا لم تروا تجديد ارجعوا مرة اخرى
ارجوا الا تنتهى مصر بحروب اهليه مثل الصومال و العراق
لا تجعلوا مصر عراق اخرى او صومال اخرى
ارجوا تحكيم العقل فى كل شىء

اولا للاشياء التى ذكرتها فى مقالك الطوييييييييييل اللى عنوانه انت اكيد فى مصر
ااقولك يبقى انت اكيد قبل 25 يناير ولسه ماصحتش من النوم