الهياتم قبل وبعد 25 يناير

كلمة بمفهوم جديد هو فعلا الهياتم فيها جديد بعد ثورة 25 يناير :[u]
الهياتم كلها جديدة بعد 25 يناير
1. شباب واعي وفاهم وزي الفل بعد ماكان مغيب بالامر ودي من وجهة نظري اهم مكاسب الثورة وهي ثورة الشباب الشباب اللي كان كل هدفة اللي يكلم بنت او يلعب بلاي ستاشن او يقعد علي النت او يلعب كورة بقي حاجة تانية صدقوني الشباب اللي كان بيسقط بنطلونة و 24 ساعة قدام المرايا اتغير الشباب بقي كل فكرة انا مش اقل من اي حد شارك في الثورة سواء انا كنت مؤيد او معارض سواء كان ليا في السياسة ولا مليش علشان كده لما حب يغير بدا بنفسة ونزل الشارع ومسك مقشة ونضف بلدة بايدة مش بايد حد تاني الشباب بدء يفكر في المشاكل اللي كانت قدامة من زمان بس عينية مكنتش شايفاها الشباب فاق الشباب معدتش بيسكت الشباب فاض بية الكيل الشباب مركز قوة الكل بقي دلوقتي نفسة يبقي شاب علشان يعمل اللي الرجالة عملوة
2.اهالي فهمة وعارفة هي بتعمل اية لما شافوك بتنضف شجعوك ساعدوك بالفلوس حتي اللي كان رافض متدخلش في حاجة ومحبطكش الست الغلبانة بقت تدفع الجنية وهي فرحانة الولد الغير بقي يجيب مصروفة وهو مبسوط بجد حاجة تفرح البلد حاجة تنور
3. المسئولين اللي كانوا بيعملوا الناس اسوء معاملة وكانهم شغالين عندهم سواء في وحدة او مستشفي اتغيروا سواء خوف او تغيير من جواهم مش مهم المهم اتغييروا
4. بنات بعد ماكنت تقع 24 ساعة قدام المرايا اتغيرت وبقت حاجة تانية وفكرت تشارك الشباب بجد بلدنا حاجة تانية
5 . تعالي وشوف منظر الاهالي في عز الازمة كانت واقفة وقفة صح ازاي

مبروك يا هياتم شبابك
مبروك يا هياتم بناتك
مبروك عليكي يا هياتم عودت ابناءك [b]

تسلم ياستاذى الفاضل على الموضوع والكلام الجميل دى
طبعآ كلامك كله صح والحمد لله الثوره غيرت والى الاحسن

اولا نقول الحمد لله على التغير والاصلاح اللى جة فى وقتة واللى المفروض يكون قبل كدا
بس الحمد لله كل شى ولية ميعاد

وبجد انتا انسان رائع وبتختار الكلام الاروع فى التعبير عن حال البلد
بارك الله فيك

لا بجد الموجود في البلد دلوقتي يعرف اد اية هي اتغيرت

موضوع جميل جدا ياعادل وكل كلامك صح
لكن بمجرد انتهاء اليوم الجميل ده عادت الهياتم الى سابق عهدها
لا بد من الوصول الى البيوت وتوعية الافراد

كلام جميل اوي يا عادل وبجد البلد فعلا اتغيرت كتير بعد الثوره ويارب تفضل كده علي طول مش يوم وتعدي

يارب نفضل كده على طول

وللاحسن ان شاء الله

موضوع رائع جدا
وعندك حق يا أستاذ "عادل"
ويا رب يكون التغيير دايما للأفضل والأحسن .

تسلم إيديك.

» (بالصور) : الأهرام المسائى يتحدث عن قرية الهياتم وعن وعوود المحافظ لفريق عمل منتدى الهياتم اليوم وقرية الهياتم (حصرياً)
» لقاء فريق الهياتم اليوم مع محافظ الغربيه وبحث اهم المشاكل الموجوده بقريه الهياتم
» حصريا بالفيديوعلى (الهياتم اليوم)الوقفة الاحتجاجية فى قرية الهياتم بسبب سرقة المواشى فيها
» أكبر ندوه توعيه سياسيه بقريه الهياتم تبدأ من مدخل القريه وتنتهى بمركز شباب الهياتم
» بالفديو والصور...لقاء محافظ الغربيه مع فريق الهياتم اليوم لبحث قضايا ومشاكل قريه الهياتم