احذرى بيع موبيلك

موضوع: احذرى بيع موبيلك الأحد مارس 13, 2011 9:18 pm

اليوم عند تصفحى لأحد المنتديات رأيت هذا العنوان ودخلت لكى أقراه ولقيته مهم فعلاً
وهذا هو الموضوع

وصلنى بالميل ورأيته مهم جدا للجميع
فى احد محلات بيع وشراء الكمبيوتر سمعت هذا الحوار

الذى اصابنى بالرعب والدهشة..لانعدام الاخلاق....
واحد بيكلم صاحب المحل...ما اشتريتش الموبايل من الراجل اللى خرج
ليه ..واشتريت موبايل البنت مع ان موبايله احسن كتير...

قال له البنت لما بتشترى الموبايل بتهرى نفسها تصوير صور شخصية
قال طيب ماهى بتحذف كل حاجة لما تيجى تبيع الموبايل..
فرد عليه اه هى بتعتقد ان كل الملفات اتحذفت..لكن احنا بنستخدم
برنامج اسمه......
والبرنامج دة بيسترجع كل الملفات المحذوفة فى الممورى وفى التليفون .
.قاله انت بس اللى بتعمل كدة
رد عليه انت عايش فين كل اصحاب المحلات بيعملوا كده..
وممكن ينزلوا الصور على النت وممكن يبتزوا البنات ...
انا حبيت اقول لكم الموضوع دة لانى حسيت بمدى خطورته على البنات
اللى نيتها سليمة..وييجى حظها فى واحد زى ده

ولكى أتأكد من هذا الكلام أن كان صحيح أخذت اسم البرنامج وبحثت عنه فى جوجل
وفعلاً لقيته صحيحاً

لذلك من المهم تبلغيه لمن نحبهم

والحل اننا نفرمت الموبيل قبل ما نبيعه ولو اتفرمت البرامج دى مش بتعرف تجيب حااجه
او

الطريقة الأولى
نبدأ بإدخال الكود التالي #7370#* من اليسار لليمين «ابتداءاً من النجمة».
ثم يطلب إدخال رمز القفل للجوال ندخل الرقم 12345 إذا لم يتم تغيير الرمز.
وبعدها... سيعاد تشغيل الجهاز تلقائياً ويصبح الجهاز جديد وخالي من أي ملفات أو برامج.

الطريقة الثانية
توجد طريقة أخرى مضمونة إن شاء الله تحمي صورك وملفاتك من استرجاعها.. الدخول إلى:
1- القائمة
2- الزيادات
3- الذاكرة
4- خيارات
5- تهيئة الذاكرة
سوف يظهر لك: تهيئة بطاقة الذاكرة؟؟ سيتم مسح البيانات أثناء التهيئة
6- اضغط نعم
بعد ذلك الانتظار حتى يظهر على الشاشة «تمت التهيئة»

الطريقة الثالثة
تأكد من أن البطارية مشحونة جيدا ** تأكد من أنك نقلت ما تحتاجه من ذاكرة الجوال على كرت الذاكرة، مثل الأسماء وغيرها من البيانات والبرامج المهمة بالنسبة لك.
قم بإطفاء جهازك، يفضل إخراج كرت الذاكرة والشريحة قبل عمل الفورمات لتفادي حدوث أي عطل.
قم بالضغط على 3 أزرار لفترة قصيرة كالتالي رقم 3 + * + "الزر الأخضر" استمر بالضغط على هذه الأزرار، وأنت ضاغط على هذه الأزرار الثلاثة قم بتشغيل الجهاز و لا تزيل الضغط حتى تظهر لك كلمة "formatting".

بعد عمل الخطوات السابقة انتظر عدة دقائق حتى تكتمل عملية الفورمات وسوف يعمل الجهاز وستجده كالجديد.

الطريقة الرابعة

وهي أسهل طريقة لجوالات الكاميرا..
قم بتصوير حائط... ما يقارب 60 صورة ومسحها أيضاً وذلك لأن الذاكرة الرئيسية "main memory" تحتفظ بآخر 50 صورة لا تذهب بعد المسح ولا الفرمتة وهذي الطرق قد تكون الأسلم لمن أراد أن يحفظ خصوصيته.

اتمنى ان يفيدكم ,,وحسبنا الله ونعم الوكيل فى كل خائن للأمانه

تسلمى على التنبيه
وفعلا لازم كل بنت تاخد بالها من الحاجات دى
علشان فيه ناس سيئه ممكن تعمل اكتر واكتر من كده

تسلمى بجد ع الموضوع دا
وربنا يستر يارب
وينجينا من الناس اللى زى دى اللى معندهاش ضمير

بجد موضوع مهم جدا وخطير
يا رب كل بنت تاخد بالها كويس من هذا الموضوع
وربنا يسترها علينا وعلى كل بنات المسلمين .

تسلمى على التنبيه مس "كوين"
بارك الله فيكى وجزاكى عنا كل خير

فعلا موضوع خطير اوووى
ربنا ينجينا من الحاجات دى ياااارب
ومش لازم البنت تصور نفسها ع الموبايل
حتىل و مش هتبيعه
نفترض وقع منها وكانت حاطه عليه صور هيؤدى لنفس النتيجه

عندك حق يا ميس كوين
فيه برامج بالفعل بترجع الحاجات اللى اتحذفت من على الميمورى
خصوصا الصور لان البرامج دى مش بترجع غير الملفات اللى حجمها صغير جدا
لكن بالطريقه اللى حضرتك عرضتيها علينا يبقى ان شاء الله مفيش رجوع لاى ملف نهائى
وشكرا ليكى على التنبيه

موضوع فى غايه الاهميه فعلا
جزاك الله خير على النصيحه الغاليه
تسلمى